Економија
Курсот на еврото потона под 1,32 долари по аукцијата на ЕЦБ
Минатата седмица курсот на еврото на светските валутни пазари забележа остар пад во однос на доларот, потонувајќи под 1,32 долари, откако Европската централна банка (ECB) им одобри на банките дополнитлени 530 милијарди евра евтини тригодишни кредити.
Минатата седмица курсот на еврото на светските валутни пазари забележа остар пад во однос на доларот, потонувајќи под 1,32 долари, откако Европската централна банка (ECB) им одобри на банките дополнитлени 530 милијарди евра евтини тригодишни кредити.Цената на единствената европска валута во однос на американскиот долар минатата седмица падна за 1,9 отсто на 1,3197 долари. Во однос на јапонскиот јен, пак, еврото, падна за 0,9 отсто на 107, 95 јени.Доларот, пак, зајакна во однос на јенот за 0,9 отсто на 81,80 јени, што е највисоко ниво од мај минатата година.Падот на еврото следеше откако Европската централна банка во финансискиот систем инјектираше нова инјекција на ливкидност. Во средата на втората аукција на евтините тригодишни кредити од ECB, по онаа во декември, 800 европски банки се задолжија за речиси 530 милијарди евра.Новата голема инјекција што централната банка ја инјектираше во финансискиот систем ги ублажи стравовите во врска со должничката криза, но притоа и го притисна курсот на еврото, бидејќи тоа се смета за дополнително олабавување на монетарната политика,Покрај тоа, аналитичарите предупредуваат дека уакцијата би можела да помогне, но нема да ги реши структурните проблеми во еврозоната. „Ликвидноста овозможува средства за унапредување на заздравувањето во еврозоната, но не го гарантира“, вели за Reuters Нејл Мелор, валутен стратег во „Bank of New York Mellon“. Тој додава дека инвеститорите би можеле да бидат повеќе загрижени доколку најновите стопански податоци покажат дека економиите потклекнуваат.Иако поевтините тригодишни кредити од ECB треба да го олеснат финансирањето на банките и да ги поддржат пазарите на обврзниците во еврозоната, инвеститорите веројатно ќе бидат несклони кон купувањето на еврото сѐ додека еворозната е присистната од загриженоста во врска со долговите и растот, сметаат аналитичарите. Продажбите на еврото ги поттикнаа и вестите дека Шпанија во својот буџет за 2012 година пресмета кусок од 5,8 отсто од БДП-то, а не од 4,4 отсто колку што се договори со Брисел. Претседателот на еврогрупата (тело на министрите за финансии од земјите членки на еврозоната), Жан-Клод Јункер изјави, пак, дека Грција ги преземала мерките потребни за да го добие вториот пакет меѓународна финансиска помош, но предупреди дека средствата ќе бидат дозначени на Атина дури откако ќе се заврши постапката на замена на обврзниците со приватните доверители на 9-ти март. Поради таа несигурност, еврото ослаби во однос на доларот. Американската валута својот раст го оствари благодарејќи на тоа што претседателот на бордот на американската централна банка Fed, Бен Бернаке, сигнализираше нови поттикнувачки монетарни мерки за да се поддржи економскиот раст. Тоа, според оцената на аналитичарите, е во остра спротиставеност со неочекуваните неодамнешни ублажувања на монетарната политика во Јапонија и големата инјекција на ликвидност од ECB.Скокот на доларот на највисокото ниво во последните девет месеци во однос на јенот, е последица, исто така, и на натамошниот пад на цените во Јапонија, поради што тамошната централна банка веројатно ќе продолжи со попуштањето на монетарната политика, поради што јенот ќе биде и натаму под притисок./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Претседавачот на ЕБА: Комбинацијата на мерки на Народната банка и останатите централни банки вродија со плод
Комбинацијата од монетарното затегнување и макропрудентните мерки, која Народната банка, како и останатите централни банки ја применија, е неопходна како одговор на инфлациските притисоци со кои во последно време се соочуваме, посочи во интервју за “Независен”, Хозе Мануел Кампа, претседавач на Европскиот банкарски одбор-ЕБА.
Претседавачот Кампа истакнува дека централните банки ширум светот, вклучително и во ЕУ, го усвоија овој двоен пристап за да обезбедат финансиска стабилност. “Преку покачувањето на каматните стапки, централните банки директно се соочуваат со инфлацијата, додека макропрудентните мерки, како што е зголемувањето на капиталните побарувања или стрес-тестирањето, им помагаат на банките да останат отпорни во соочувањето со економските шокови”, вели Кампа и нагласува дека треба да се постави рамнотежа помеѓу одржувањето на ценовната стабилност и гаранциите дека банкарскиот сектор може соодветно да ги поддржи нашите економии. “Макропрудентните мерки се гаранција дека банките имаат доволно капитал да ги апсорбираат загубите од нефункционалните кредити и да го одржат кредитниот тек, кој што е клучен за економското закрепнување”, вели Кампа.
Претседавачот на ЕБА истакнува дека воведените мерки вродија со плод бидејќи видовме пад на инфлацијата под таргетот од 2% во ЕУ. “Иако ова е позитивен знак, сепак мора да останеме внимателни. ЕБА продолжува тесно да соработува со централните банки и државните органи за да го процени влијанието на овие мерки и да се осигура дека банкарскиот сектор останува истовремено отпорен и способен да ја поддржи пошироката економија”, посочува Кампа.
Европскиот банкарски одбор (ЕБА – European banking authority), е независен орган на ЕУ чија улога е заштита на интегритетот и робусноста на банкарскиот сектор на ЕУ за поддршка на финансиската стабилност во ЕУ. Претседавачот на ЕБА, Хозе Мануел Кампа, беше учесник на Десеттата меѓународна конференција на Народната банка, која како централна тема ја имаше работата на централните банки во сегашниот предизвикувачки амбиент.
Економија
Претставници на Народната банка работеа на клучно истражување за македонската економија објавено од ММФ
Како резултат на заедничкиот проект на експерти од Народната банка и од Чешката централна банка, изготвен е работен материјал, под наслов „Преглед на новиот калибриран модел ДСГЕ за економијата на Северна Македонија“, од авторите Тибор Хледик, Јоана Маџоска, Мите Митески и Јан Влчек, којшто беше објавен во реномираната серија работни материјали на ММФ. Изготвувањето на трудот е во рамките на проект за техничка соработка со експерти од ММФ и од Чешката народна банка, чијашто цел беше изградба на нов динамички стохастички модел на општа рамнотежа (ДГСЕ) за македонската економија. Ова претставува прв труд од нашата институција којшто се објавува како работен материјал на ММФ, со што се дава важен придонес во афирмирањето на Народната банка во меѓународни рамки и во јакнењето на нејзината аналитичка инфраструктура, доближувајќи ја до стандардите на централните банки од развиените економии.
Работниот материјал нуди детална анализа на меѓусебните поврзаности на секторите во македонската економија со примена на софистицираниот модел ДСГЕ, којшто беше приспособен соодветно за да ги опфати нејзините карактеристики, а добиените резултати ја нагласуваат неговата корисност како алатка за обликување на монетарната политика на Народната банка засновано на информации.
Овој објавен труд не само што ја истакнува работата и посветеноста на нашиот кадар, туку ја подвлекува и улогата на нашата институција како водечка во придонесот кон истражувањата од економската област во нашата држава.
Економија
Цените на бензините и на дизелот остануваат непроменети
Регулаторната комисија за енергетика, водни услуги и услуги за управување со комунален отпад донесе одлука со која се врши зголемување на малопродажните цени на нафтените деривати во просек за 0,59% во однос на одлуката од 7.10.2024 година.
Од 11.10.2024 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 75,50 (денари/литар)
Моторен бензин ЕУРОСУПЕР БС – 98 77,50 (денари/литар)
Дизел гориво ЕУРОДИЗЕЛ БС (Д-Е V) 68,50 (денари/литар)
Масло за горење Екстра лесно 1 (ЕЛ-1) 68,50 (денари/литар)
Мазут М-1 НС 44,034 (денари/килограм)
Малопродажната цена на Мазутот М-1 НС се зголемува за 1,254 ден/кг и сега ќе изнесува 44,034 ден/кг.
Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 3,37%, кај дизелот зголемувањето е за 3,192%, кај екстра лесното масло исто има зголемувањето од 3,675% и кај мазутот зголемувањето за 3,034%.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,8091%.