Економија
Тутунопроизводителите се жалат на откупувачите

Во саботата во Лажани се одржа средба на Федерацијата на фармерите (ФФРМ) по иницијатива на Сојузот на здруженија на тутунопроизводителите „Петун“ на којашто беа разгледувани проблемите со авансирањето, проблемот со идентификационите картони за реколта 2012.
Сојузот на здруженија на тутунопроизводилети „Петун“ како членка на ФФРМ бара да се направат измени во законските одредби, така што во самите процеси на преговарање да биде вклучена и Федерацијата на фармерите како легитимен претставник на земјоделците во која членуваат и тутунопроизводители, а не само Сојузот на тутунски здруженија.
На средбата во Лажани од страна на тутунопроизводителите беше истакнато дека преговарач за откупните цени не е Владата или Министерството за земјоделство, туку самите земјоделци и комбинатите.
На средбата, исто така, беше потенцирано дека од страна на откупувачите не се почитува Законот за тутун. Според Законот, авансот на откупувачите за производството на тутун не треба да е понизок од 15 отсто од трошоците за производство, но како што истакнаа претставниците на тутунопроизводителите, за жал тоа фирмите не го почитуваат.
Според направените анализи, ФФРМ сега предлага просечната цена да биде зголемена за 20 отсто, тоа да биде во линеарен однос на класите. Тутунопроизводителите побараа да се реши проблемот со имотните листови и договорите за закуп на државно земјиште кои се неопходни за склучување на договорите со комбинатите.
На средбата беа поканети и Сојузот на земјоделци, Асоцијацијата на земјоделци и Сојузот на тутунски здруженија за заеднички да се разгледаат можностите за решавање на проблемите, но претставници од овие организации не присуствуваа, информираат од ФФРМ
„Федерацијата на фармерите на РМ изразува големо жалење за ваквото однесување на другите организации на земјоделците со тоа што се кочи процесот на обединување, заедничко настапување и застапување на интересите на тутунопроизводителите во интерес на решавање на нивните проблеми. Овој чин за Федерацијата на фармерите е нетранспарентен и се создава простор за манипулација на земјоделците, а најмалку нивно решавање на проблемите. За време на средбата присуствуваше Синдикатот на тутунопроизводители од Унијата на независни синдикати кои истакнаа дека голем дел од земјоделците се жалат кај нив за нетранспарентното однесување на Сојузот на тутутнски здруженија“, се вели во писмената изјава на ФФМР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Перински во Студеничани: Инвестираме и во руралните средини – тие се еднакви по својата важност како и останатите

Во скопската општина Студеничани денеска започна реконструкцијата на 6,5 км долгиот локален пат Драчево – Мотел Китка, проект финансиран од првиот владин повик за финансиска поддршка на инфраструктурни општински проекти. На официјалниот почеток на градежните активности присуствуваа министерот за локална самоуправа, Златко Перински, претседателот на Владата, Христијан Мицкоски, министерот за транспорт, Александар Николоски, првиот вицепремиер и министер за животна средина, Изет Меџити, заменик министерот за локална самоуправа, Ерџан Селими и Калтрина Зеколи Шаќири, заменик министер за транспорт.
Градоначалникот Азем Садики, појасни дека станува збор за пат долг 6,42 км, кој се протега од селото Црвена Вода до мотел Китка, а проектот предвидува негова целосна реконструкција и обнова со неопходната инфраструктура.
„Многу сум среќен што Владата продолжува да ги помага општините, особено руралните. Овој пат е многу битен за нашата општина, затоа што не само што ќе придонесе за побрз, полесен и побезбеден транспорт за жителите во планинските села, туку ќе создаде услови за поттикнување и развој на туризмот и за инвестирање во скопската околина со оглед на близината и убавината на Китка“, истакна Садики.
Министерот Перински порача дека проектот е доказ за посветеноста на Владата да инвестира во подобрување на инфраструктурата во сите општини и региони.
„За оваа Влада не постојат заборавени општини, помагаме онаму каде што е најпотребно, а тоа се руралните средини со сите предизвици коишто ги имаат во дел на капиталните инвестиции. Радоста на мештаните којашто ја видовме денеска е доказ дека Владата трасира пат којшто се темели исклучиво на потребите на граѓаните и во таа насока ќе продолжиме за да го подигнеме квалитетот на живот на сите граѓани на цела територија на Македонија“, истакна Перински, кој како дел од теренските посети „Каде што срцето е дома“, претходно со неговиот заменик, Селими, одржаа работна средба со градоначалникот, членовите на општинскиот Совет и претставници на администрацијата на која разговараа за актуелните состојби во општината.
Поддршка на сите општини и во периодот што следи најави и премиерот Мицкоски, кој истакна дека Владата ќе продолжи да инвестира во проекти кои ќе значат поквалитетен, покомфорен и поубав живот, независно од политичката определба на градоначалниците.
„Немаме намера да заборавиме ниту едно место на целата територијата на Македонија, ќе инвестираме секаде. Тоа го правиме веќе девет месеци, покажуваме еден поинаков начин на функционирање на Влада. Ќе продолжиме така и во иднина, бидејќи граѓанинот, Македонецот, Албанецот, Турчинот, Србинот, Ромот, Бошњакот, Влавот и сите останати, се центарот на нашето внимание и сите ние заедно ќе работиме за нивно подобро утре“, порача премиерот Мицкоски.
„Евидентна е разликата од начинот на функционирање на оваа Влада“, оцени првиот вицепремиер и министер за животна средина, Меџити.
Министерот за транспорт, Николоски, информираше дека во моментов во село Студеничани привршува и реконструкција на локален пат долг 840 метри, а во тек е тендерска постапка за изградба на нов пат во Моране, проекти со кои дополнително се дава поддршка за подобрување на инфраструктурата во оваа општина.
Економија
Пратките ќе можете да си ги подигнувате сами од пакетомати – презентирана нова платформа

На промотивен настан денес беше презентиран нов начин за подигнување на пратките, што, како што беше посочено, ги надминува досегашните предизвици со доставата.
Се работи за воведување паметни автоматозирани пакетомати кои ќе бидат поставени на 120 локации низ државата, а пратката би можеле да си ја подигнете со кодот што би пристигнал на вашиот мобилен телефон.
Решението во земјата го воведува „Мај бокс“ (My Box). Основачот на компанијата, Далибор Ѓошевски, изјави дека идејата е резултат на детаљна анализа на потребите на корисниците и предизвиците во постојниот систем за достава.
„Нашата цел е да обезбедиме модерно, ефикасно и достапно решение што ќе стави крај на загубените пратки, на долгите чекања и на ограничувањата на временски рамки во доставата“, рече Ѓошевски.
Во рамките на настанот се одржа и панел-дискусија за иднината на е-трговијата и предизвиците на логистиката, за тоа како иновативните производи и услуги од овој тип ќе го подобрат искуството на корисниците и ќе го оптимизират процесот на достава.
Економија
MintIns Go – избираме патничко осигурување за Вас

Патувајте паметно, сигурно и без стрес. Изберете 90 дена патничко осигурување за цената на 30 дена!
– Осигурување од само 1192 ден,
– Покривање во рок од 365 дена,
– Патувајте спокојно и без стрес,
Не ја пропуштајте оваа можност да ги осигурате вашите патувања со оваа понуда или понуда која што одговара на вашите потреби.
Дознајте повеќе на 15 107 или на следниот линк.