Економија
Сараќини во Загреб на Регионалниот самит „Претприемништво-образование“
Министерот за економија Ваљон Сараќини и министерот за образование и наука Панче Кралев во вторникот се во работна посета на хрватската престолнина Загреб, каде учествуваат на Регионалниот самит „Претприемништво -образование“.
На самитот во организација на Министерството за претприемништво и занаетчиство и Министерството за образование, наука и спорт на Република Хрватска, Европската комисија и Центарот за претприемничко учење на Југоисточна Европа, присуствуваат министри од осум претпристапни земји и од Турција, кои дискутираа за значењето, потребата и начините за унапредување на претприемништвото и претприемничкото учење, кoj e eден од принципите на Актот за мали претпријатија, како моќен фактор за раст и за обезбедување на нови вработувања. Во рамки на Самитот министерот за образование и наука Панче Кралев ја потпиша „Повелбата за претприемничко учење – камен темелник за раст и работни места“.
„Република Македонија, уште од април 2000 година, со потпишувањето на Мариборската декларација и со пристапувањето кон Повелбата за мали претпријатија на самитот во Солун 2003 година, ги прифати принципите на Повелбата, како фундамент за идни мерки и активности за поддршка на развојот на секторот на мали и средни претпријатија“, истакна министерот Сараќини, додавајќи дека Македонија искажа интерес да учествува во процесот на следење и известување за имплементацијата на Повелбата, како и за обединување на своите напори со оние на земјите од Југоисточна Европа за промовирање и унапредување на деловното опкружување, со цел обезбедување поквалитетна целокупна слика за регионот.
Малите и средните претпријатија се клучни за економскиот развој на Република Македонија, со учество над 99 отсто во вкупниот број претпријатија, со што се докажуваат како важни креатори на општествениот производ во целина, незанемарувајќи го и фактот дека 78 проценти од вработените се ангажирани во секторот на мали и средни претпријатија.
„Со усвојувањето на Повелбата, односно Актот за мали бизниси од 2008 година, Република Македонија се обврза кон постојан прогрес во сите области кои ја сочинуваат Повелбата. Самиот процес, претпоставуваше целосна координираност со останатите министерства и институции, чиј делокруг на активности е во релација со Повелбата, при што Република Македонија беше апсолутно ориентирана кон инкорпорирање на мерките и активностите од Повелбата во своите програмски документи и политики“, рече министерот Сараќини.
Потврда на реализираниот прогрес, како што спомена Сараќини, е делот од заклучокот од Извештајот на ЕК за 2012 година за напредокот на Македонија, во делот Економски критериуми, во кој се истакнува: „Република Македонија продолжува добро да напредува. Во некои области има постигнато понатамошен прогрес кон постигнување функционална пазарна економија. Земјата треба да е веќе способна да се справи со конкурентските притисоци и пазарните сили во рамки на Унијата на среден рок, доколку ја имплементира својата реформска програма со цел да ги намали структурните слабости“.
Поттикнувањето на претприемништвото е повеќе од потребно, посебно кога светот се соочува со последиците од економската рецесија. Притисокот за вработување, особено зголемувањето на бројот на млади невработени, би можел во голема мерка да биде олеснет доколку бизнисот и образовниот систем работат заеднички во подготвувањето на граѓаните и општеството за работните предизвици кои ги носи иднината. Оваа соработка подразбира стратешко партнерство помеѓу компаниите и образовниот систем, преку идентификувањето на потенцијалните претприемачи уште додека се во образовниот систем, нивно насочување, поддршка и доусовршување, согласно барањата на пазарот, со што ќе се одговори на потребите на пазарот на работна сила многу побрзо одошто ако секоја од наведените компоненти би функционирала независно, потенцираше министерот за економија во своето излагање во Загреб.
Тој ги спомена мерките и активностите кои се преземаат за поддршка на малите и средни претпријатија и развој на претприемништво, преку подигање на свеста за претприемништвото, обезбедување на помош за развивање на нивни деловни активности преку постојната регионална структура со поддршка на активностите на бизнис центрите и инкубаторите, поддршка и развој на Кластерското здружување.
„Согласно Програмата на Владата на Република Македонија би сакал да ги издвојам планираните владини проекти во периодот 2011-2015, и тоа проектот Грантови за поттикнување на трансфер на технологии – со цел зголемување на капацитетите на македонските компании за користење на европските фондови за иновации, истражувања и развој, универзитетски spin-off компании – преку доделување грантови за кофинансирање на вакви компании, основање Фонд за иновации – за институционална поддршка и кофинансирање на истражувачки проекти, формирање Центри за кариера – за професионално советување на учениците и студентите за изработка на план за кариера, аплицирање за работа и сл.“, рече Сараќини./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски од Прилеп: Заложбата е на нашите полици да се продаваат македонски преработки од земјоделски производи
Денеска министерот за земјоделство, шумарство и водостопанство, Цветан Трипуновски, присуствуваше на манифестацијата организирана од Slow Food – Прилеп, која се реализираше со поддршка на Министерството.
„Интенцијата и заложбата на Министерството е преку финансирање на ваков вид настани да се промовираат домашните преработки на земјоделски производи, да се развие локалниот туризам и да се поддржат здруженијата кои постојат на ниво на државата”, истакна министерот Трипуновски.
Министерот објави дека финансиската поддршка кон сите здруженија е зголемена на 200.000 денари по корисник.
„Сточарите на овој настан можат да ги промовираат своите преработки. Кога зборуваме за сточарството, изминативе 15 месеци покажавме дека земјоделството е во фокусот на приоритетите и работењето на Владата”, додаде тој.
Министерот Трипуновски истакна дека оваа година поддршката за македонските сточари од Програмата за финансиска поддршка е зголемена за околу 50%.
„Сакаме на нашите полици да се продава македонско млеко и македонски преработки од земјоделски производи”, појасни министерот.
Економија
„Еуроимпекс“ прослави јубилеј од 35 години
Во средата на 10.9.2025 година, првата приватна македонска компанија со дејност од автомобилската индустрија „Еуроимпекс“, прослави јубилеј од 35 години успешно стопанисување. Свеченоста беше посветена на тимот вработени на компанијата, а забавата ќе остане долго да се зборува и да се памти…
„Еуроимпекс“ започнува со работа во 1990 година, кога во Македонија немаше ниту една приватна компанија за продажба на автомобили. Тие беа први. Семејството Воиновски. Започнуваат скромно со само тројца вработени, а денес се гордеат со компактен тим од 150 вработени во Скопје и Белград и застапуваат два сериозни автомобилски бренда на територија од 5 држави во регионот.
“Бележиме автомобилска традиција од 3 поколенија…. почнувајки од нашиот дедо, потоа нашиот татко, сега јас и брат ми, а веќе и следната, четврта генерација Воиновски е тука, подготвена да продолжи по истиот пат. Од тука потекнуваат и оние вистински семејни вредности кои се рефлектираат во целокупното работење, како кон клиентите така и кон нашиот тим.
Нашиот тим е компактен, постојан, кој секогаш се грижи за своите клиенти. Со таков пристап се градат нераскинливи врски помеѓу компанијата, клиентите и соработниците. Hие сите заедно – преку доверба, создаваме иднина. “ – изјави Кирил Воиновски, Генерален директор на „Еуроимпекс“.
„Еуроимпекс“ е првично позната по своето застапништво на еден од најпознатите автомобилски брендови – Peugeot во Македонија и регионот, но истовремено е и генерален увозник на брендовите: TotalEnergies, Milwaukee, Bahco, Irimo, се грижи за развојот на ловиштето Ниџе, а од 2020 година е генерален застапник и за германскиот блиц – Opel во Македонија, Србија, Косово, Албанија и Црна Гора.
„Горди сме на нашата 35 годишна традиција на раст и развој. Но, тука не застануваме. Чест ми е да најавам дека заедно со тимот на Еуроимпекс, работиме во насока на изградба на два нови репрезентативни деловни центари. Едниот во Скопје, другиот во Белград. Заедно целиме кон уште подобри 35 години!“ – – изјави Даниел Воиновски, Генерален директор на „Еуроимпекс“.
Ова беше еден од ретките настани обоени во кирилица. Гостите беа пречекани со лица во традиционални носии кои послужуваа македонски локум. Постоеше линк помеѓу минатото и иднината… Историски Peugeot возила блескаа крај црвениот килим, кои беа осветлени од најновите Peugeot и Opel модели, а по влезот во ресторанот беше искажано добредојде со шампањ и малини како симбол кој ги поведе гостите во иднината…
Гостите уживаа во македонска музика. Македонски шлагери ја преполнија просторијата со емоции. „За нас почнува живот“ и многу други, во изведба на Дина и The Ringtones. Нашата дива Калиопи, која воедно е и амбасадор на Peugeot брендот во Македонија, приреди маестрален настап, за време на кој гостите не стивнуваа од силни аплаузи и овации… Забавата продолжи на кирилица со Дина и The Ringtones, а гостите беа испратени со ракија и македонски домашен мед.
Ова не беше обична свеченост. Ова беше настан преполн со емоции, посветен на вредните колеги, соработниците и клиентите. Ова беше свеченост на која сопствениците и тимот на „Еуроимпекс“ покажаа како заеднички и тимски се гради и сака една компанија.
ПР
Економија
Божиновска: Стабилната грејна сезона е приоритет, институциите во редовна координација
На координациски состанок со претставници на сите надлежни институции од енергетскиот сектор беа разгледани тековните активности и подготвителните мерки за непречено снабдување со топлинска и електрична енергија во претстојната грејна сезона, информираат од Министерството за енергетика, рударство и минерални суровини.
Редовниот ресорски состанок се одржа во Министерството за енергетика, рударство и минерални суровини, каде покрај претставниците на Министерството од соодветните сектори, присуствуваа и претставници на компании и институции од енергетскиот сектор.
Во дискусијата активно учествуваа раководствата на ЕСМ, МЕПСО, НОМАГАС, како и претставници на НЕМО, кои ги изнесоа своите ставови, предизвици и предлози за натамошно унапредување на енергетскиот систем и зголемување на координацијата помеѓу институциите.
Разгледани беа: напредокот на проектите за енергетска инфраструктура; состојбата со обезбедувањето на потребните енергенси; плановите за работењето на берзата за електрична енергија и day-ahead пазарот; координацијата помеѓу институциите за одржување на стабилноста на системот.
Министерката Сања Божиновска беше информирана за досегашните подготовки и нагласи дека клучен приоритет останува сигурното и стабилно снабдување на граѓаните и индустријата во текот на целата грејна сезона.
За првпат по формирањето на Министерството за енергетика, рударство и минерални суровини, Божиновска воведе пракса на редовни координациски состаноци со сите надлежни институции од секторот. Целта е навремено информирање и координирање на активностите – практика што досега не постоела, посочуваат од министерството.
На Клиника задржана жителка на Трубарево, лекарска помош побарале и директорот на ЦУК, војник и полицаец
Во моментот на Клиниката за токсикологија е хоспитализирана една жителка на Трубарево, која живее во непосредна близина на магацинот за...
Анализа на вода, ограничување на ученици и мерење на загадувањето – Министерството за животна средина по пожарот во Трубарево
Министерството за животна средина и просторно планирање, во соработка со Институтот за јавно здравје, Кризниот штаб на Владата и Државниот...
Денес ќе бидат објавени резултатите од мерењата на воздухот, кажа Меџити прашан кога ќе се знае што дише населението
Министерот за животна средина и вицепремиер, Изет Меџити, на прес-конференција во Владата информира дека за следење на состојбата со воздухот...
Четворица повредени во пожарот во Трубарево – се чекаат детали од Министерството за здравство
Четири лица се здобиле со повреди во пожарот што вчера избувна во компанијата „Ф-Групација“ во Трубарево, која се занимава со...
Обвинителство чешла документи, Армијата мери токсини по пожарот во Трубарево, се чека и на резултатите од министерството на Меџити
Во врска со големиот пожар што зафати магацински објекти во селото Трубарево, Основното јавно обвинителство Скопје соопшти дека презеле дејствија...
МВР трага по лице кое се обидело да запали „ауди“ и „јагуар“ во Куманово, ги испрскало возилата со бензин, но кога го виделе побегнал
Маж од Долно Којнаре, кумановско, пријавил дека во неговиот двор едно лице со бензин ги испрскало возилата „јагуар” и „ауди”...
(Видео) Се’ уште чади во Трубарево преку песокот со којшто е затрупан отпадот, спречено е ширење на пожарот
Благодарение на брзата и координирана акција на скопските пожарникари, спречено е ширење на големиот пожар што вчера избувна во Трубарево,...
Како ќе реагира Европа на ултиматумот на Трамп
Американскиот претседател Доналд Трамп упати ултиматум до сојузниците во НАТО, барајќи воведување „големи“ санкции кон Русија и целосен прекин на...
Меџити доцна синоќа се огласи за Трубарево: фирмата има дозвола за работа, резултатите од мерењата се очекуваат
Министерот за животна средина и просторно планирање, Изет Меџити, доцна синоќа се јави од Трубарево, каде што вчера избувна голем...
Тошковски: Жителите во непосредна близина на пожарот да ги напуштат живеалиштата поради штетните супстанци, радијација нема
Локализиран е пожарот кој избувна во складиштето за електроника во Трубарево, пришто опожарена е и пластика. Министерот Панче Тошковски вечерва...
Движењето „Стоп за Вардариште“ во понеделник наутро ќе го блокира мостот „Близнаци“
Движењето „Стоп за Вардариште“ ја информира јавноста дека на ден 15.09.2025, понеделник, покрај протестот во 18:00 часот, ќе се одржи...
Електронскиот отпад што гори во Трубарево ќе се гасне со песок
Електронскиот отпад што гори во Трубарево ќе се гасне со песок, информира директорот на Дирекцијата за заштита и спасување, Стојанче...
ИЈЗ објави препораки: Ако сте во непосредна близина на пожар останете дома и затворете ги прозорците
Институтот за јавно здравје, во насока на заштита на здравјето и благосостојбата на сите граѓани, соопшти дека во случај да...
Опасен отпад гори во Трубарево, нема насоки од властите за заштита од чадот
Во Трубарево горат електронски отпад и пластика, во делови од главниот град се чувствува силна миризба, а засега нема предупредувања...
Во Трубарево гори и пластичен отпад, Ангелов рече дека пожарот е подметнат и нема повредени лица
Директорот на Дирекцијата за заштита и спасување, Стојанче Ангелов, изјави дека големиот пожар кој денеска избувна во фабриката „Ф –...
(Видео) Драматични снимки од пожарот во Трубарево кадешто горат објекти за складирање на електронски отпад
Сериозен е пожарот што избувна во Трубарево и ги зафати објектите на Ф – ГРУПАЦИЈАТА која се занимава со електронски отпад....
(Видео) Ангелов: Се затрупува изворот на чад во Дрисла, термални камери и патроли во Вардариште, нов пожар избувна во Трубарево
Директорот на Дирекцијата за заштита и спасување, Стојанче Ангелов, денеска информираше за повеќе паралелни интервенции поврзани со пожари на скопските...
(Видео) Гори фабрика во Трубарево, црн чад се издигна над Скопје
Голем црн чад се издигна над главниот град, алармираат граѓаните од повеќе скопски населби. Директорот на Дирекцијата за заштита и...
ВМРО-ДПМНЕ со готови листи за советници и кандидати за градоначалници
ВМРО-ДПМНЕ објави дека целосно ги комплетирала листите за советници и кандидати за градоначалници за претстојните локални избори. Генералниот секретар на...
Тајлер Робинсон – од стипендист со блескава иднина до осомничен за убиството на Чарли Кирк
Тајлер Робинсон (22) од Јута, кој некогаш важел за одличен ученик и добитник на претседателска стипендија на Универзитетот „Јута стејт“,...
