Македонската влада во неделата најави формирањето на нов Фонд за иновации и технолошки развој, со кој во наредната година стратешки ќе се насочи кон помагање на бизнис секторот преку поттикнување на иновациите.

Фондот за иновации и технолошки развој ќе биде формиран и ќе стартува со работа во 2013 година. Тоа ќе биде ново тело во политичко-економскиот систем на државата, а негов главен фокус ќе биде поттикнувањето, но и финансирањето на иновациите, и општо поддршка на бизнис секторот. Како што информирша на денешната прес конференција владиниот портпарол, Александар Ѓорѓиев, фондот ќе се развива во две поголеми фази. „Во првата фаза, односно во 2013 година целосното финансирање на Фондот ќе го обезбеди државата. Во втората фаза, од почетокот на 2014 година покрај владиното финансирање, Фондот ќе обезбедува средства за својата функција и од странски извори на средства пред се од ИПА програмата за индустриска политика каде се предвидени средства за финансирање на трансфер на технологии и иновации, и средствата од Светската Банка, која стартува нов проект за подобрување на вештини (т.н. Skills project), преку кој може да се обезбедат средства за фондот и за градење на капацитети“, рече Ѓорѓиев. Предвидено е Фондот да обезбедува техничка помош и консултантски услуги за новоосновани и постоечки претпријатија за зголемување на инвестициите во иновации, дафинансира и кофинансира истражувачи и иновациски проекти на претпријатијата, како и да се насочи кон комерцијализација на знаењето и науката преку формирање на универзитетски спин оф компании основани од страна на студенти, научни работници и претприемачи-инвеститори.Во првата фаза, додека се финансира единствено од државата, предвидено е Фондот да ги има следниве инструменти за финансирање и кофинансирање: -доделување на грантови за start-up и иновации (до 10.000 евра) -доделување на грантови и условени заеми за комерцијализација на иновации (до 30.000 евра) -еквити и мезанин инвестиции (до 80.000 евра) -средства за техничка помошВо втората фаза, односно по приклучувањето на средствата од Светска Банка и ИПА Индустриска политика, ќе се зголемат расположливите износи на постоечките инструменти, а ќе бидат воведени и нови: -Грантови за start-up и иновации (до 20.000 евра) -Грантови и условени заеми за комерцијализација на иновации (до 50.000 евра) -Еквити и мезанин инвестиции (до 150.000 евра) -Поддршка на спин-оф компании (до 30.000 евра)-Грантови за трансфер на технологии ( до 50.000 евра) -Средства за техничка помошСо овој Фонд се прави силен пробив на полето на поддршка на компаниите и иновации, бидејќи со него  се обезбедуваат директни средства за поддршка на бизнис плановите. Владата уште отсега ги повикува компаниите, но и заинтересираните лица, студенти, научници да почнат со подготовка на проекти и планови за развој на бизнисите. /крај/