Економија
Обама смета дека без подигнат плафон за задолжување САД ќе влезат во економски хаос
![](https://makfax.com.mk/wp-content/uploads/2016/11/b431dd5c-6d10-4378-8ca0-47b89a945d56-1.jpeg)
Американскиот претседател Барак Обама го предупреди Конгресот дека одбивањето да се подигне границата за американското задолжување во февруари може земјата да ја турне во економски хаос.
На прес-конференцијата во понеделникот американскиот претседател Барак Обама соопшти дека економијата на САД ја очекува добра година, доколку во неа не се вмеша вашингтонската политика.
Според Обама, републиканското одбивање да се подигне границата за задолжување, би ги довело САД во ситуација да не можат да ги отплатат долговите, а тогаш американската влада не би можела да ги обезбеди правата од системот за социјална заштита на некои постари лица,а економијата би можела да влезе во рецесија.
„Самите би и’ нанеле рана на сопствената економија“, рече претседателот Обама.
Американскиот претседател порача дека веќе се согласил на многу ограничувања на потрошувачката, а на републиканците кои бараат големо кастрење во потрошувачката за да се согласат на подигнување на границата за задолжувањето, им порача дека „нема да успеат да го наплатат согласувањето да не ја уништат американската економија“.
Forbes потсетува дека Обама на последната прес-конференција од неговиот прв претседателски мандат реле оти „довербата на американскиот народ не е средство за преговарање“. Овојпат тој порача дека „САД не е држава којашто не ги плаќа своите долгови“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
Средба Божиновска – Агелер: Поддршка од САД за размена на искуства и знаење во сферата на енергетиката
![](https://makfax.com.mk/wp-content/uploads/2024/07/ageler-bozinovska-1.jpg)
Министерката за енергетика, рударство и минерални суровини Сања Божиновска, денеска оствари работна средба со Амбасадорката на Соединетите Американски Држави, Н.Е. Ангела Агелер.
Како што известува Министерството, на средбата се разговарало за новоформираното министерство за неговите цели, активности и проекти.
Министерката Божиновска ја истакна огромната важност за реализирање на нови капитални инвестиции во полето на енергетиката и усогласување на постоечките закони со оние на Европската Унија во делот на енергетиката.
Неопходно е зајакнување на билатералната соработка меѓу двете земји, истакна Божиновска имајќи предвид дека стратешката определба која е во насока на зајакнување на односите со нашиот партнер САД.
На средбата се нагласи и поддршката на САД во делот на размена на искуства и знаење во сферата на енергетиката и обновливите извори на енергија, се наведува во соопштението на Министерството.
Економија
Зголемување на цените на горивата од полноќ
![](https://makfax.com.mk/wp-content/uploads/2023/01/benzin-gorivo-960x639-1-2.jpg)
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука со која се врши зголемување на малопродажните цени на нафтените деривати во просек за 1,00 % во однос на одлуката од 1.7.2024 година.
Референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 2,641 %, кај дизелот зголемувањето е во просек 1,924 % , кај екстра-лесното масло зголемувањето е во просек 1,125 % и кај „мазутот“ зголемување во просек околу 2,178 % поради што во структурата на цените на нафтените деривати е извршено соодветно приспособување.
Курсот на денарот во однос на доларот во изминатиот период по кој беа формирани цените со претходната пресметка е понизок з,355 %.
Од 9.7.2024 година од 00.01 часот максималните цени на нафтените деривати ќе изнесуваат:
– моторен бензин ЕВРОСУПЕР БС-95 – 84,00 (денари/литар)
– моторен бензин ЕВРОСУПЕР БС-98 – 86,00 (денари/литар)
– дизел-гориво ЕВРОДИЗЕЛ БС (Д-Е V) – 77,00 (денари/литар)
– масло за горење екстра-лесно 1 (ЕЛ-1) – 75,50 (денари/литар)
– „мазут М-1 НС“ – 48,634 (денари/килограм)
Малопродажните цени на бензините ЕВРОСУПЕР БС-95 и ЕВРОСУПЕР БС-98 се зголемуваат1,00 денар/л.
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство (ЕЛ-1) се зголемуваат 0,50 денари/л.
Малопродажната цена на „мазутот М-1 НС“ се зголемува 0,626 денари/кг.
Економија
Пет корисници на пакетот Halk EZ добија по два ВИП-билета за фестивалот Exit
![](https://makfax.com.mk/wp-content/uploads/2024/07/kampanja-ext.jpg)
Време е за журка! Пет корисници на банкарскиот пакет за млади Halk EZ (Halk Easy) добија по две ВИП карти за фестивалот Exit, кој од 10 до 14 јули ќе се одржи на Петроварадинската тврдина во Нови Сад.
На извлекувањето кое се одржа на 5 јули, беа извлечени петте добитници кои ќе имаат можност да ја искусат Exit авантурата како ВИП гости на еден од најголемите фестивали во Европа. Покрај ВИП карти за музичкиот фестивал, наградата вклучува и авионски превоз, хотелско сместување и возбудливи тури со џип и катамаран за две лица.
„Го креиравме пакетот за млади Halk EZ за да понудиме поинакво искуство на припадниците на младата популација, искуство кое е прилагодено на нивниот начин на живот. Пакетот Halk EZ, покрај банкарски услуги соодветни на нивните потреби, претставува и платформа за едукација, поттикнување општествена одговорност, дружење и забава. Токму затоа заедно со нашите партнери од Visa одлучивме на младите кои се дел од пакетот Halk EZ да им овозможиме возбудливо фестивалско доживување на Exit кое ќе го паметат цел живот“, вели Маја Наумовска Савеска, директор на корпоративни и маркетинг комуникации во Халкбанк АД Скопје.
Пакетот Halk EZ е создаден за да одговара на секојдневните потреби на младите, студенти, средношколци, млади претприемачи и сите млади луѓе кои водат брз и динамичен живот и ги користат дигиталните технологии. Тој нуди беспплатно мобилно и електронско банкарство, Visa бесконтактна картичка со која може да се повлекува готовина без надомест на сите банкомати во земјата и во странство, платежна сметка без трошоци за водење на истата, и низа иновативни услуги како GarminPay, SmartSend, SmartCash.
ПР текст