Економија
Дополнително ублажен падот на активностите и услужниот сектор во еврозоната

Падот на активностите во приватниот сектор во еврозоната во јуни благо ослабел, но продолжениот падот на новите нарачки упатува на претпоставката дека на целосно заздравување ќе треба уште да се почека, покажуваат во четвртокот најновите податоци на лондонската истражувачка компанија Markit.
Прелиминарниот сеопфатен индекс на менаџерите на порачките (PMI) во еврозоната што го изработува Markit, кој ги обединува активностите на производниот и на услужниот сектор на 17-те земји членки на монетарната европска унија, во јуни пораснал на 48,9 процентни поени, од мајските 47,7 поени.
Станува збор за највисокото ниво на овој индекс од март 2012 година, но цврсто и натаму е во областа под 50 поени, укажувајќи на пад на активностите, и тоа во период од 22 месеца со исклучок од само еден месец.
„Најмногу охрабрува ситуацијата во земјата надвор од Франција и Германија, каде и остатокот од регионот бележи најниска стапка нападот во последните две години – падот е само умерен“, ели за Reuters главниот економист на Markit, Крис Вилијамсон.
„Со ваквата стапка падот би требало да сведочиме за стабилизацијата во третото тримесечје и растот во четвртиот квартал. Тоа е во согласност со процените на функционерите дека ситуацијата во втората половина од годинава според сé судејќи ќе биде многу подобра“, додава Вилијамсон.
Ерозоната во рецесија е веќе година ипол, а во Markit велат дека најновиот PMI упатува на падот на економијата во вториот квартал за 0,2 отсто.
Дека целосно опоравување не е на повидок сведочат и новите порачки кои бележат пад 23 месеци по ред, иако подиндексот во јуни благо е подобрен, на 47,4 поени, од 46,8 процентни поени колку што изнесуваше во мај.
„Тоа сугерира дека работите напредуваат во вистинска насока, но не треба да се очекуваат брзи промени. Ситуацијата и натаму е слаба“, додава Вилијамсон.
Прелиминарниот PMI на секторот услуги, кои сочинува најголем дел од економиите на 17-те членки на еврозоната, скокна на 48,6 процентни поени, од 47,2 поени, Со тоа го достигна највисокото ниво од јануари 2013 година, но и натаму, и тоа 17 месеци по ред е под нивото од 50 поени.
Адекватниот PMI за производствениот сектор зголемен на 48,7 поени, од 48,3 поени во мај, според првичните процени на лондонската истражувачка компанија Markit./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
ВМРО-ДПМНЕ: Една година нема проблем со откуп и со висина на откупна цена на земјоделски производи

ВМРО-ДПМНЕ реагира на прес-конференцијата на Трајан Димковски, претседател на Комисијата за земјоделство, шумарство и водостопанство на СДСМ.
„СДС имаше неисплатени субвенции од 2021 година па навака. Кога дојде ВМРО-ДПМНЕ на власт, ги исплати сите заостанати субвенции и продолжи со редовна исплата.
За разлика од времето на СДС, сега субвенциите се исплаќаат редовно и завршуваат кај вистинските земјоделци.
Веќе една година нема проблем ниту со откупот ниту со висината на откупната цена, напротив, имаме досега највисоки откупни цени и за тутунот и за грозјето и за пченицата и за раноградинарските култури.
Пченицата се откупува сега за 12 денари, а министерството ќе покрие и други трошоци на земјоделците.
Откупните цени на винското грозје за 2025 година, поконкретно за Вранец се 21.3 денари, а за Смедеревка 18.9 денари.
МЗШВ нема скратено средства за земјоделците. Тоа е одлика на СДС, кога не им ги исплаќаа субвенциите и ги оставаа со празни раце, па си делеа тендери и фотелји меѓу нив.
Земјоделците јасно го имаа искажано револтот кон СДС, а го искажаа и сите останати граѓани“, стои во реакцијата на ВМРО-ДПМНЕ.
Економија
(Видео) Мицевски: Обезбедени се средства од двата повици на Владата за Крива Паланка, ВМРО-ДПМНЕ се грижи за сите општини и сите граѓани

Координаторот на пратеничката група на ВМРО-ДПМНЕ, Никола Мицевски, денеска од Крива Паланка изјави дека преку двата повици на Владата, за општината се обезбедени вкупно 3,3 милиони евра. Тој истакна дека токму тоа е доказ дека новата влада се грижи подеднакво за сите општини и сите граѓани.
„Во последната година, со централна власт од ВМРО-ДПМНЕ и коалицијата, обезбедени се 800 илјади евра од првиот повик за општините и уште 2,5 милиони евра од вториот повик – само за Крива Паланка“, рече Мицевски.
Тој ја критикуваше актуелната локална самоуправа, посочувајќи дека во изминатите три години биле реализирани капитални инвестиции од само 3 милиони евра, што, според него, е резултат на „безидејноста“ на градоначалникот.
„Денеска разговараме со граѓаните за сите проблеми, нереализирани проекти и лажни ветувања кои ги добиваа со години“, изјави Мицевски.
Во својата изјава тој потенцираше дека „Крива Паланка има потреба од промени“ и најави дека ВМРО-ДПМНЕ и коалицијата ќе понудат ново раководство кое ќе одговори на потребите на граѓаните.
Економија
(Видео) Димковски: Со 10 денари за откуп на пченица ВМРО-ДПМНЕ го закопа македонското земјоделство

Се случува хаос во земјоделието, земјоделците се оставени сами на себе едвај да преживуваат во тешки услови, кажа денеска на прес-конференција, Трајан Димковски, претседател на Комисијата за земјоделство, шумарство и водостопанство на СДСМ.
Димковски вели дека ВМРО-ДПМНЕ и Цветан Трипуновски не знаат да креираат вистински политики за развој на земјоделството.
„Лажeа пред избори дека ќе донесат нови мерки, дека ќе има повеќе пари за субвенции. Реалноста на терен е сè посурова, а македонското земјоделството тоне секој ден. Оваа година, откупната цена на пченицата падна драстично, само 12 денари за килограм, па дури и помалку. 25.000 земјоделци кои произведуваат пченица на 70.000 хектари се директно засегнати. И овие 12 денари што Трипуновски сака да ги преставува како висока откупна цена, на терен се пониски. По 12 денари за килограм ќе биде откупен само еден мал дел или околу 20%, а другото од околу 80% ќе биде откупено по цена од 10 денари“, кажа Димковски.
Тој истакна дека во времето на СДСМ, пречницата се продавала и по 17 денари за килограм.
„За да им помогне, СДСМ заедно со земјоделците поднесе и амандман за поддршка од 5 денари по килограм за предадена пченица. Но власта немаше слух. Не е само проблемот со откупот на пченицата и ниските цени. Власта скрати пари за земјоделците, 478 милиони денари помалку има со новиот ребаланс. Од вкупниот годишен буџет за субвенции кој во моментот е 7,2 милијарди денари се крати на 6,7 милијарди денари. Само за споредба во 2024 година се исплати 8,4 милијарди денари од овие бројки се гледа дека буџетот за субвенции е намален за близу 30 милиони евра. Лозарите и ова година повторно беа превеслани од Трипуновски. Според Законот за вино обврската на министерството е да објави производна цена најдоцна до 15 јули на двете најзастапени сорти грозје – „вранец“ и „смедеревка“. Тоа не се случи. Бидејќи рокот е поминат го повикуваме Трипуновски веднаш да ја објави. Во интерес на јавноста, лозарите и откупувачите на грозје треба да се знае дека по објавување на производната цена се формира продажна цена а таа треба да е зголемена за 25% од производната. Очајно е тоа што оваа година Трипуновски како историска цена се обиде да ја прикажува откупната цена од 21,3 денари за вранец и 18,9 денари за смедеревка. Замислете за „историската цена“ се зборува која е зголемена само за 50 дени. Срамно и понижувачко“, рече Димковски на прес-конференцијата.