Секој вработен во администрацијата да не заборава дека е во функција на граѓаните, да се однесува трпеливо и љубезно со секоја странка, да биде креативен, отворен, да не биде селективен, да не подлегнува на притисоци, да работи согласно законите и да не ги препраќа граѓаните на друг шалтер.

Ова во понеделникот го побара премиерот Никола Груевски од вработените и раководителите од сферата на државната и јавна администрација, промовирајќи го концептот Менаџмент етика.Поаѓајќи од претпоставката дека најголемиот дел од овие лица одговорно си ја исполнуваат својата задача, Груевски истакна дека постојат и некои го валкаат лицето на администрацијата и упати по десет препораки и охрабрувања до директорите и вработените во админситрацијата, како и за раководните лица во Управните одбори на државните компании.Како прва препорака до вработените и директорите, Груевски подвлече да не заборават дека тие се во функција на услуга на граѓаните и фирмите.„Ако тие се незадоволни од вас и ако тоа незадоволство е оправдано, порано или подоцна ќе се соочите со проблем“, порача Груевски.Како втора работа, Груевски побара од административците кон секоја работа да пријдат со добра волја и чувство на одговорност и обврска да помогнат, појаснувајќи дека под тоа се подразбира да им се помогне на граѓаните што е побрзо можно да ја завршат работата и да им се објаснува колку што е потребно додека работата не биде завршена.Говорејќи за третата препорака, Груевски побара од државните службеници да бидат максимално креативни која ќе се појави некоја пречка и во тој случај кон странката да пристапат како да се работи за некој нивни најблизок човек или пак од некој што им зависи работното место.„Независно дали сте шефови на сектор, на одделение, референти или раководители на подрачни единици, работете со позитивна енергија и желба секому да помогнете. Нека тоа ви биде мисија и нека граница ви биде само законот“, рече Груевски.Како четврт совет до државните службеници, Груевски побара од нив да бидат љубезни со секого, дури и кога не им е добар денот или имаат семејни проблеми.„Независно дали со некој што побарал ваша услуга сте неистомисленик, ви нанел штета или ви направил грев, однесувајте се службено со него, крајно професионално, одговорно и помогнете му“, рече Груевски, додавајќи дека странката може некогаш да биде и нељубезна, но тоа на државниот службеник не му дава за право да возврати на ист начин.Давајќи го петтиот совет, премиерот Груевски побара од административците да не бидат селективни и да не ги делат луѓето по етничка или професионална припадност, ниту по образовна структура или социјален статус.„Не ги делете луѓето по политичка определба, не ги делете на наши и ваши. Политичката определба се кажува на избори, а помеѓу избори секој треба да работи професионално, коректно и непристрасно“, рече ГруевскиПритоа тој упати и порака до оние кои се членови или поддржувачи на партијата која тој ја води. „Најмногу ќе помогнете ако доследно и без исклучок ги спроведувате овие препораки и совети за кои денеска разговараме“, рече Груевски.Премиерот, како шеста препорака до административците, порача тие да работат исклучиво по законот и да не помислуваат дека некој ќе ги заштити или нема да бидат фатени.Како седма препорака, Груевски ги охрабри административците да не потклекнуваат на притисоци и закани за да извршат некоја неетичка или незаконска работа.„Бидете отворени, јасни и транспарентни“, се вели во осмата препорака на Груевски, кој ги советуваше админстративците да не остават ни најмалку сомнежи дека можат да бидат поткупени. „Не очекувајте заштита ако влезете во корупциска зделка. Независно на која партија припаѓате или за кого сте гласале, кој ви е роднина, сопруга или чичко, вујко, сосед или пријател. Чувајте си го образот“, подвлече Груевски.Како деветта препорака, премиерот побара да не се премолчува гледањето на корупција, незаконско или неетичко работење.„Со секое премолчување вие сте соучесник и со тоа правите штета некому, но и на државата“, изјави Груевски.Во десетата препорака Груевски побара од државните службеници да не ги препраќаат граѓаните на друг шалтер, ако може тие самите да им помогнат, потсетувајќи дека за тоа беше донесен и закон, неодамна.Премиерот упати и десет совети и препораки до раководните лица и членовите на управните и надзорните одбори во државна сопственост.Меѓу другото, Груевски наведе да на забораваат дека носат подеднаква одговорност со директорот  за евентуалните грешки кои се во нивна надлежност. Груевски истакна дека членовите на Управните и Надзорни одбори не се назначени на местата само за да гласаат она што ќе им биде сервисирано од директорот, туку се должни добро да го проучат секој материјал за што ќе се расправа, да бидат активни на состаноците, да бараат објаснување за секој детал и добро да го проучат.„Да не се колебате ниту секунда остро да се спротивставите ако некој го побара вашиот глас, повикувајќи се на министер или некој моќник, интересна група и слично“, побара Груевски.Тој укажа особено да се внимава на непотизмот, корупцијата, јавните набавки, склучувањето договори.„Не ни укажувајте за слабостите на директорот на крајот на вашиот или неговиот мандат, туку веднаш кога ќе ги осознаете“ порача Груевски.Премиерот во излагањето укажа на потребата од промена на свеста кај дел од административците, наведувајќи дека постојат примери кои во западните развиени држави се лична култра, а кај нас мора заноски да бидат регулирани.Најголемата реформа која е потребна е реформата на личниот однос, чуството на лична одговорност, волјата коректно и професионално да се сработи обврската и задачата која произлегува од работносто место, менталната матрица на луѓето, или ако сакате филозофија на размислување и делување во овој исклучително значаен сектор, рече Груевски На денешниот настан, кој се одржа пред околу 3.000 раководни лица во салата Метрополис на Скопски саем, Груевски додели и плакати за квалитет на Централниот регистер и за најдобар проект на Бирото за јавни набавки.крај/