Според проценетите податоци на Државниот завод за статистика, стапката на раст на бруто-домашниот производ (БДП) за третото тримесечје од 2013 година изнесува 3,3 отсто (Бруто домашен производ) во третиот квартал во 2013 година, со што не само што е меѓу највисоките во регионот, туку е и меѓу навискоките споредено со земјите од 28-члената Европска унија, според последните податоци на европската статистичка агенција Eurosat.

Во Европската унија во третот тромесечје од годинава најголем раст на БДП-то остварија Романија од 4,1 отсто и Латвија од 3,9 проценти, по што доаѓа Македонија со 3,3 отсто, остварување коешто ги надмина неодмана прелиминарните процени на министерот за финансии и вицепремиер Зоран Ставрески кој чекуваше 3-процентен раст. Станува збор за трет квартален раст на македонската економија, откако во претходните две тримесечја беше забележан раст на БДП-то од 3,4 отсто

Во третото тримесечје од 2013 година, според проценетите податоци на Државниот завод за статистика, забележан е пораст во повеќето сектори, и тоа најголем пораст е забележан во секторите Градежништво од 30,5 отсто, Сообраќај, складирање и врски од 5,8 проценти и Трговија на големо и трговија на мало; Поправка на моторни возила, мотоцикли и предмети за лична употреба и за домаќинствата од 2,8 отсто

Финалната потрошувачка на домаќинствата, вклучувајќи ги непрофитните институции кои им служат на домаќинствата, во третото тримесечје од 2013 година, во однос на истиот период од 2012 година, номинално расте за 4,0 отсто, а нејзиното учество во структурата на бруто-домашниот производ изнесува 72,8 отсто.

За истиот период, извозот на стоки и на услуги номинално се зголеми за 7,2 проценти, а увозот на стоки и на услуги забележа намалување во номинален износ од 2,1 отсто.

Кога станува збор за растот на БДП-то, Македонија е меѓу водечките 18 земји коиштро забележале позитивен раст на БДП, во споредба со земјите од ЕУ, а по неа следат економиите на Литванија со раст од 2,3 отсто, на силните Норвешка и Швајцарија од 1,9 отсто, на Полска – 1,7; Унгарија – 1,6 и Велика Британија со раст од 1,5 отсто. Раст на БДП во третиот квартал помал од еден процент според Eurostat забележале Словачка – 0, 7 отсто; Бугарија – 0,7; Германија – 0,6; Естонија – 0,6, Данска 0,5; Белгија – 0,4; Шведска – 0,3; Франција – 0,2, Австрија од 0,2 отсто

Најлошо според негативната стапка на раст стојат Кипар и Грција, со -5,7 односно -3,0 отсто, а другите земји од регионот членки на ЕУ Хрватска и Словенија забележале пад на БДП-то од 0,6, односно 1,3 отсто./крај/мф/сн