Економија
ЕУ: Историски договор кој треба да спречи повторување финансиска криза
Министрите за финансии на земјите членки на Европската унија постигнаа во средата доцна ноќта по повеќечасовен состанок далекусежен договор за вториот столб на банкарската унија, којашто обезбедува банките да не се спасуваат со средствата од даночните обврзници, што еврозоната во 2008 година ја турна во длабока криза.
„Денеска е посебен ден за банкарската унија. Ден за паметење за европскиот финансиски сектор. Даночните обврзници веќе нема да ги плаќаат сметките за грешките на банките, а со ова се завршува периодот на масовното спасувања на банките“, изјави на прес-конференцијата еврокомесарот за внатрешниот пазар и финансиски услуги, Мишел Берние за историскиот договор постигнат непосредно пред започнувањето на самитот на ЕУ на кој во четвртокот попладне ќе се соберат челниците на 28-те земји членки.
Вториот столб на банкарската унија претставува клучно дополнување на првиот столб, единствениот надзор на банките. Вториот столб се состои од веќе усвоените правила за санација или ликвидација на банките западнати во тешкотии, како и синоќешниот договор за единствениот механизам за санации на банките, тело коешто ќе ги надгледува спроведувањата на тие правила и фонд кој ќе ги полната самите банки за да се обезбедат пари за нивната санација.
Меѓу најтешките прашања коишто се испречуваа на патот до постигнувањето на договорот, беше она за кој ќе ги носи одлуките за санацијата или ликвидацијата на некоја банка. Франција се залагаше тоа да биде Европската комисија, додека Германија се спротистави на тоа и бараше последниот збор да го имаат земјите членки на Европската унија. На крајот е постигнат договор кој е многу поблизок до германскиот став. Па така, единствениот механизам за санација на банките ќе има совет за санација, кој ќе одлучува дали некоја банка ќе оди во докапитализација или во ликвидација. Одлуките на советот за санација ќе стапуваат на сила 24 часа по усвојувањето, освен доколку Советот на ЕУ, кој ги претставува земјите членки, на предлог од Европската комисија, не се спротистави на тоа.
Германските ставови надвладуваат и кога станува збор за фондот за санација на банките, Тој ќе биде воспоставен со меѓувладин договор, кој земјите од еврозоната требаа да го испреговараат до 1-ви март 2014 година. Единствениот надзор на банките ќе започне да се спроведува од ноември 2014 година, додека единствениот механизам за санација на банките од почетокот на 2015 година.
Фондот за санација на банките ќе започне да функционира од 2016 година и во целост ќе стане оперативен за десет години и по тој преоден период во 2026 година би требало да има на располагање 55 милијарди евра, коишто во тој период ќе го уплатуваат самите банки. Во првите десет години тоа нема да биде единствен фонд, туку секоја земја ќе има свој национален оддел, ткн своја фиока во којашто ќе уплатуваат нејзините банки. Со парите од една национална фиока нема да може да се спасуваат банките од друга држава. Дури по десет години, тоа ќе стане единствен фонд./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Гувернерот Трајко Славески учествува на конференција на гувернери во Брисел, во фокус глобалните економски предизвици
Гувернерот на Народната банка, Трајко Славески учествува на конференцијата на гувернерите од Kонституенцата на Меѓународниот монетарен фонд, на која се разгледуваат клучните предизвици и идните насоки на централнобанкарските политики во услови на зголемена глобална неизвесност и променет геоекономски амбиент.
Во фокусот на дискусиите се изгледите за инфлацијата и монетарната политика, како и улогата на централните банки во одржувањето стабилни финансиски системи. Особено внимание е посветено на можните трендови на дерегулација и нивните потенцијални импликации врз финансиската стабилност.
На конференцијата се разговара и за влијанието на технолошките иновации и геостратегиските промени врз економскиот развој и финансиските текови, како фактори што сè повеќе го обликуваат глобалниот финансиски систем.
Во рамките на настанот, се одвива размена на искуства и ставови со гувернери, претставници на европските институции и меѓународните организации, што придонесува кон креирање политики засновани на знаење и соработка, како и кон зајакнување на капацитетите на централните банки за справување со современите економски предизвици и обезбедување стабилен и предвидлив економски амбиент.
Економија
Божиновска на средби со меѓународни партнери за унапредување на енергетиката и рударството
Министерката за енергетика, рударство и минерални суровини, Сања Божиновска, денеска оствари низа работни средби со меѓународни партнери со цел продлабочување на соработката и размена на искуства во енергетскиот и рударскиот сектор.
На средба со амбасадорот на Кралството Шведска во Република Северна Македонија, Ола Солстром, беше разговарано за интензивирање на билатералната соработка во секторот рударство, вклучително размена на добри практики од шведски експерти и соработка со македонските универзитети за унапредување на техничките и научните капацитети. Дополнително, на средбата беа разгледани теми поврзани со развој на обновливи извори на енергија и проекти за подобрување на квалитетот на амбиенталниот воздух како дел од заложбите за одржлив економски развој и зелена транзиција.
Министерката Божиновска оствари средба и со амбасадорката на Кралството Холандија, Узлем Џанел, со која разговараа за унапредување на соработката во енергетскиот сектор, вклучително поддршка за обновливи извори на енергија, зајакнување на енергетската ефикасност. Соговорниците ja нагласија важностa од континуирана експертска соработка и размена на иновативни решенија помеѓу двете земји.
Божиновска оствари средба и со преставници на Strategic and Social Research Foundation – Marmara Group. Фокус на разговорот беше организацијата на 29-тиот Евроазиски Економски Самит и официјалната покана до министерката Божиновска за учество на Самитот. На средбата се разговараше и за инвестициони можности во соларната енергија, како и тековните активности и планови на Министерството за енергетика.
Министерката Божиновска ја истакна важноста на овие средби за промоција на Северна Македонија како модерна, инвестиционо атрактивна и еколошки одговорна земја, која континуирано го унапредува енергетскиот и рударскиот сектор и ја зајакнува регионалната соработка.
Економија
Мицкоски: Очекувам убави вести за шеесетина македонски производи да се извезуваат во САД по повластена тарифа
Претседателот на Владата на Република Северна Македонија, Христијан Мицкоски денеска одговарајќи на новинарско прашање во однос на очекувањата за поволна одлука за тарифите од САД, изјави:
„Да, очекувам денеска убава вест. Изминативе месеци жестоко преговаравме. Се сеќавате тогаш кога излегуваа голем дел од опозициските, условно кажано, медиуми коишто критикуваа како Македонија добила 34% тарифи, не знам што и не знам како. Очекувам сето тоа да биде потврдено со заедничка изјава денеска. Очекувам поволни вести од таму и очекувам негде околу 63-64 производи коишто се за нас стратешки, да бидат со повластена тарифа којашто ќе биде едноцифрена и ќе се движи меѓу 0 и 6,5%.“
фото/Depositphotos

