Економија
Сараќини: До крајот на 2014 година очекуваме 350 млн. евра странски инвестиции
Министерот за економија Ваљон Сараќини во четвртокот ја прифати поканата на Советот на странски инвеститори и одржа средба со раководството и компаниите кои се дел од овој совет, кој брои 100 компании.
Целта на средбата беше запознавање со годинешните планирани активности на Советот и изнаоѓање на модули за продлабочување на соработката меѓу домашните и странските инвеститори.Министерот Сараќини изрази задоволство од активноста на Советот на странски инвеститори и компаниите кои се дел од него, бидејќи заеднички придонесуваат за економскиот развој на државата и одиграа особено важна улога во надминување на кризата која го зафати целиот регион. Како што истакна министерот за економија тоа ефектуираше со значително зголемување на БДП во 2010 и 2012 година, а особено во 2013 година за околу 3,2%, кога дојде и до стабилен и значаен годишен пораст на индустриското производство од 3,5% на годишно ниво „Странските инвестиции за економијата имаат повеќедимензионално значење. Тие придонесоа за зголемување на пазарната конкуренција и зголемување на извозот, па во 2013 година од погоните на овие компании во странство завршиле производи вредни 760 милиони евра, што претставува 25 отсто од вкупниот извоз на Република Македонија, а според проекциите, за 2014 година се очекува уделот да се искачи на 33%“, рече Сараќини. Тој го истакна значењето на странските инвестиции и во диверзификација на производите што се извезуваат во странство, потсетувајќи дека листата на донеодамна традиционалните главни производи од домашните металска, текстилна и хемиска индустрија, кои имаа доминантно место во извозот, сега е проширена на производи кои се произведуваат во претпријатија со СДИ, како што се катализаторите, автобусите, автомобилските делови, хомеопатските производи. „Со оглед на состојбите во европската економија, најавите кои ги имаме и подобрената инфраструктура и бизнис клима, очекуваме тенденција на раст на инвестициите, па проекциите се 2014 година да ја завршиме со околу 350 милиони евра СДИ. Имаме најава и од неколку инвеститори, како на пример во зоната во Кичево, која сега, со изградбата на автопатот Кичево-Струга ќе стане уште по атрактивна, но да не ги заборавиме и другите капитални инвестиции најавени од Владата на Република Македонија во патишта, железници, енергетски и инфраструктурни проекти“, најави Сараќини.Министерот Сараќини особено стави акцент на придонесот на странските инвестиции за откривање, односно пласман на нови странски пазари.„Тука посебно би го нагласил значењето на пазарот на Велика Британија, каде се пласираат најголем дел од автомобилските катализатори што се произведуваат во ТИРЗ-овите, но да не ги заборавиме и пазарите на Кина, САД, Русија, Блискиот Исток. Сето ова води кон зголемување на меѓународните рејтинг на земјата, како стабилна и економски исплатлива инвестициска дестинација, што редовно се потврдува и преку извештаите на Светска банка, Фондацијата Херитиџ и др. меѓународни институции и агенции“, рече Сараќини.На средбата беше предложено претставници од Министерството за економија да бидат дел од работата на работните групи кои се дел од Советот на странски инвеститори, а одговарајќи на прашање на компаниите за моменталните состојби на пазарот на трудот во кој се забележува суфицит на економисти и правници, а дефицит на технички кадри, министерот истакна„Во насока на подобрување на сегментот на пазарот на трудот, токму од аспект на суфицит и дефицит на одредени професии, како Влада размислуваме за намалување на квотите за економските и правните науки, а зголемување за техничките науки, кои се моментално најбарани. Покрај ова, во средните училишта се отвараат центри за кариера, во кои се работи со средношколците за квалитетен избор на идните професии, согласно побарувачката, а да не ги заборавиме и субвенциите за професионален развој, кои ги дава Владата“.На барање на Советот, од страна на државниот советник Блерим Златку беше презентирана и Стратегијата на ЈИЕ 2020, преку која се отсликуваат целите и очекувањата на земјите во ЈИЕ на економско-социјален план на патот кон ЕУ. Водечкиот принцип на оваа Стратегија е зголемувањето на економскиот раст и конкурентноста на трајна основа, постигнувањето на повисока стапка на вработеност, подигање на животниот стандард и квалитетот на живот и европска перспектива за земјите од ЈИЕ, преку стимулирање на клучните долгорочни двигатели на растот, како што иновации, вештини и интеграција на трговијата. Имено, меѓу целите на земјите од ЈИЕ, преку спроведување на реформи за интегриран, паметен, одржлив и инклузивен раст, поткрепен со доброто управување се: зголемување на просечниот БДП по глава на жител во однос на просекот на ЕУ од 36,4 % на 44 % во 2020 година; зголемување на вкупната трговска соработка со стоки и услуги во овие земји од 94,4 на 209,5 милијарди евра во 2020 година, како и креирање на 1 милион нови работни места во регионот. Претседателот на Советот Хуан Педро Хименез Наваро, изрази голема благодарност до министерот за економија за прифатената покана за заедничка средба„Нашите цели за 2014 година се дефинирани согласно владините проекции. Со нашето дејствување сакаме да бидеме веродостоен партнер на владините институции, а воедно и преку нашите членови странски компании, да ја промовираме Република Македонија како одлична бизнис дестинација, да ги споделиме нашите позитивни практики. Задоволен сум од презентацијата на Стратегијата на земјите од ЈИЕ, која навистина има интересен структуиран план за овој регион, а веќе во понеделник договоривме заеднички состанок на кој ќе бидат опфатени неколку сектори, со што заеднички ќе можеме да ги лоцираме проблемите со кои се соочуваат инвеститорите, а воедно и да помогнеме кон нивно решавање“, истакна Наваро. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Мицкоски најави построги казни за супермаркетите што го кршат законот: „Ако така продолжат, ќе мора да стават клуч на врата“
Премиерот Христијан Мицкоски оцени дека годишната инфлација ќе се движи околу четири проценти, најавувајќи засилени инспекциски контроли и законски измени со значително повисоки казни за трговските ланци што ги прекршуваат правилата за нефер трговски практики.
Одговарајќи на новинарско прашање, Мицкоски изјави дека ваквите проекции за инфлацијата се присутни веќе со месеци и дека Владата активно делува преку зачестени контроли на инспекциските служби.
„Ќе предложиме законски измени со многу поголеми казни за сите ланци на супермаркети коишто го изигруваат законот за нефер трговски практики. За некои од ланците веќе имаме докази и мислам дека ако така продолжат, ќе мора клуч да стават на врата“, изјави премиерот.
Економија
Директорката на УЈП не призна грешка во испратените решенија за данок од работа во странство, но повика секој што има доказ дека е платен, да го достави
Решенија за оданочување на доход од странство за 2020 година Управата за јавни приходи (УЈП) законски морала да ги испрати заклучно со 31 декември, е објаснувањето на директорката Елена Петрова за пристигнатите решенија кај граѓаните на само неколку дена пред Нова година во кои им бараат да си платат данок за доходот од странство иако многумина кажуваат дека данокот е платен во странската земја со која имаме меѓународен договор за избегнување на двојно оданочување. Директорката Петрова денес долго објаснуваше за решенијата за данок на доход од странство, но во ниту еден момент не кажа дека има решенија кои се испратени по грешка оти данокот бил платен во странската земја. Таа објаснуваше дека целата активност е обемна, вклучува вкрстување неколку бази и податоци, дека работеле по доставени известувања од банките и за секој поединечно проверувале дали доходот подлежи или не подлежи на оданочување кај нас.
Оние кои пред Нова година постапиле по решението и вторпат уплатиле данок оти такви насоки добиле и од вработените во УЈП кога се пожалиле, директорката Петрова рече дека ќе ги добијат средствата назад или пак ќе им бидат пресметани за некоја од следните години. И нив и оние кои се уште не постапиле по решенијата ги повика да достават докази во канцелариите на УЈП доколку данокот е платен во странската земја.
„Секако дека ќе бидат земени предвид сите докази. Ќе се утврди, зависно од меѓународниот договор доколку со земјата имаме склучено меѓународен договор, каде треба да се плати данокот, а каде треба да се изврши поврат или доколку е возможно платениот данок во странство да се прифати како даночен кредит па на уплатата што е извршена овде може да се изврши враќање или да се прифати за друг долг за следна година на соодветното лице“, реле директорката Петрова и објасни дека секој случај ќе се разгледува поединечно и даночниот обврзник ќе биде дополнително известен дали доставениот доказ се прифаќа или не.
Директорката Петрова не кажа конкретно колкав период имаат граѓаните за да достават докази за платен данок на доход од странство но јавно ги повика да го сторат тоа.
„Имајќи предвид дека граѓаните мора да се вратат и да обезбедат докази за пет години наназад, за работа што се случила пред пет години, а доказите ги обезбедуваат од странски земји ние ќе им овозможиме на граѓаните и дополнително да достават докази, еве во овој период повикани се граѓаните, јавно ги повикувам и сега сите што имаат и што може да обезбедат докази да ги достават до сите даночни канцеларии на УЈП. Ние ќе ги разгледаме тие докази и што може, ќе биде прифатено. Доставените решенија мораше да бидат донесени до 31 декември, тоа се аконтативни решенија и после врз основа на тие решенија и врз основа на, се разбира дополнително доставените докази, ние треба да преминеме кон коригирање на годишната даночна пријава за 2020 година, односно на конечниот данок за 2020 година. После тоа ќе следат оние постапки за наплата, значи се уште имаме период во кој граѓаните доколку имаат докази можат да ги достават“, објасни директорката Петрова.
За данокот на доход остварен во странство, директорката Петрова кажа дека УЈП испратило над 11.000 персонализирани известувања со секој граѓанин што се појавил во податоците. Утврдиле дека 6.600 граѓани од нив подлежат на оданочување. 2.200 граѓани сами поднеле пресметка за оданочување, а за 4.400 Управата донела решенија по службена должност.
Вкупно утврдениот данок изнесува 186 милиони денари или три милиони евра за 2020 година.
Директорката Петрова нагласи дека главна цел не е само да се соберат пари туку да се создаде даночна дисциплина.
„Јас апелирам граѓаните да си ги обезбедат во овој период што им е даден и доказите за другите години бидејќи ние ќе го утврдуваме данокот и за следните периоди од 2021 до 2025 година и редовно да си ги пријавуваат отсега натаму доходите остварени во странство. Нашата цел не е само тој данок да се утврди и плати туку и отсега понатаму да се воспостави ред и функционирање на системот“, рече директорката Петрова.
Доходот се пријавува по истекот на месецот до 10. во следниот месец освен доходите од плата и пензија кои што се пријавуваат до 31 март по истекот на годината
Економија
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,94% во однос на одлуката од 29.12.2025 година.
Од 06.01.2026 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 70,00 (денари/литар)
Моторен бензин ЕУРОСУПЕР БС – 98 72,00 (денари/литар)
Дизел гориво ЕУРОДИЗЕЛ БС (Д-Е V) 64,50 (денари/литар)
Масло за горење Екстра лесно 1 (ЕЛ-1) 64,00 (денари/литар)
Мазут М-1 НС 32,801 (денари/килограм)
Малопродажните цени на бензините ЕУРОСУПЕР БС-95, ЕУРОСУПЕР БС-98 и ЕУРОДИЗЕЛ (Д-Е V) се намалуваат за 0,50 ден/лит,.
Малопродажната цена на Екстра лесното масло за домаќинство на (ЕЛ-1) не се менува.
Малопродажната цена на Мазутот М-1 НС се намалува за 0,848 ден/кг и сега ќе изнесува 32,801 ден/кг.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,200% кај дизелот за 1,395%, кај екстра лесното масло за 0,463% и кај мазутот намалувањето е за 3,841%.
Курсот на денарот во однос на доларот во изминатиот период по кој беа формирани цените со претходната пресметка е за околу 0,0031% повисок од курсот на доларот.
Одрони, излевања и поплави на повеќе локации – во Кичево евакуирани 60 луѓе во спортска сала поради поплавени домови
Директорот на Центар за управување со кризи, Мухамед Али, заедно со дежурните екипи на бројот за итни повици 112 и...
Поплавени улици во Битола, мобилизирани јавните претпријатија
По обилните врнежи од дожд што вечерва предизвикаа поплавување на улици низ Битола, екипи на ЈП „Нискоградба“ и други јавни...
Мицкоски најави лидерска средба на која би се зборувало за укинување на техничката влада
Премиерот Христијан Мицкоски во текот на утрешниот ден ќе упати покани до политичките партии за лидерска средба, на која би...
Мицкоски за бугарската формулација „достапен јазик“ наместо македонски: Не е во прашање само Уставот, туку редефинирање на македонскиот идентитет
Премиерот Христијан Мицкоски, одговарајќи на новинарско прашање, ја коментираше формулацијата „достапен јазик“, наместо македонски јазик, што ја употреби Министерството за...
МВР ќе утврдува зошто новите службени возила биле осветувани со верски обред
Одделот за внатрешна контрола, криминалистички истраги и професионални стандарди при Министерството за внатрешни работи презема мерки и активности за целосно...
Државниот врв со божиќни честитки: Пораки за мир, семејство и солидарност
Претседателката на државата Гордана Сиљановска-Давкова, претседателот на Владата Христијан Мицкоски и претседателот на Собранието Африм Гаши упатија божиќни честитки до...
Трамп: Постигнавме договор за нафтата од Венецуела, ние ќе ги контролираме приходите
Каракас и Вашингтон постигнаа договор за извоз на венецуелска сурова нафта во САД во вредност до две милијарди долари, изјави...
Денеска е Божик – денот на христовото раѓање
Православните христијани во светот, во Македонија и црквите кои се раководат по Јулијанскиот календар денеска го слават Рождеството Христово –...
Коалицијата на волните договори што по мирот во Украина
Триесет и пет земји од таканаречената Коалиција на волните во вторникот ја поддржаа Париската декларација во која се детално опишани...
Берни Сандерс: Шест причини зошто нападот на Трамп врз Венецуела е погрешен
Нападот на САД врз Венецуела во текот на викендот предизвика остри осуди од целиот свет, а критики беа упатени и...
(Видео) Маж избол до смрт кондуктер во Италија, па избегал со воз: во тек е масовна потрага по Хрват
34-годишниот кондуктер Алесандро Амброзио беше избоден до смрт синоќа на главната железничка станица во Болоња. Полицијата го идентификуваше осомничениот напаѓач...
(Видео) Николоски: 40 километри од автопатот Охрид – Кичево се веќе во функција
Вицепремиерот и министер за транспорт Александар Николоски на својот фејсбук профил објави ноќно видео од автопатот Охрид-Кичево, каде истакнува дека...
(Фото) Мицкоски: Бадник не е само ден, туку порака дека заедништвото, љубовта и солидарноста нe прават посилни
„Во пресрет на Бадник, денеска поделивме пакети помош во Карпош, Гази Баба, Чаир, Аеродром, Ѓорче Петров, Кисела Вода, Бутел и...
Европа под мраз: Откажани летови, затворени патишта и жртви во сообраќајот
Смрзнувачки временски услови денес зафатија делови од Европа, а снегот и мразот предизвикаа откажување на стотици летови во Холандија, а...
Сиљановска-Давкова: Божиќните празници ќе ја зацврстат нашата вера и надеж и ќе нè потсетат на човековата насушна потреба од чинењето добри дела
Претседателката Гордана Сиљановска-Давкова, по повод големиот христијански празник Божиќ, упати честитка до граѓаните кои го прославуваат денот на Христовото раѓање,...
(Фото) Ѓорѓиевски: Овој свет празник да ни донесе мир во душите и слога меѓу луѓето, заедно, со љубов и радост, да го дочекаме светлото Христово раѓање
Градоначалникот Орце Ѓорѓиевски денес присуствуваше на традиционалното одбележување на големиот христијански празник Бадник во Соборниот храм, каде во духот на...
Изгубил контрола врз возилото и удрил во бетонски ѕид: во сообраќајната незгода повредени двајца малолетници од Тетово
Вчера во 19:15 часот во СВР Скопје е пријавено дека на улицата „Емин Бојана“ во село Бојане, скопско, 47-годишниот М.Ш....
(Видео) Барот во Швајцарија никој не го проверувал пет години: прскалките сега се забранети
Ски-барот кој изгоре на новогодишната ноќ не поминал низ безбедносни проверки пет години, открија швајцарските власти на прес-конференција. Во трагедијата...
(Фото) Градоначалникот Георгиевски им подари пакетчиња на коледарите од општина Илинден
По повод големиот христијански празник Бадник, коледарите од општина Илинден со традиционални бадникови и коледарски песни ја најавија радосната вест...
Уапсен возачот што удри пешак на ГП „Долно Блаце“, следува пријава
На 06.01.2026 околу 01:50 часот во СВР Скопје е пријавено дека на меѓупросторот помеѓу Граничен премин „Хани Елези“ и Граничен...
