Економија
Велика Британија и Франција за пет години ќе останат без нафта, гас и јаглен

Велика Британија и Франција во следните пет години ќе останат без нафта, гас и јаглен, предупредуваат научниците.
Извештајот на Институтот за глобална одржливост покажува дека недостатокот на овие енергенси ќе ја зголеми зависноста од Норвешка, Катар и Русија, пренесува BBC.
Цела Европа би требало да се сврти кон обновливите извори на енергија како што се ветерот, плимата и сонцето, смета Виктор Андерсон од Институтот.
Иако британската влада смета дека целосната енергетска независност е непотребна, според ова истражување Велика Британија има резерви од нафта за уште пет и пол години, јаглен за четири и пол години, додека без гас ќе остане за три години.
Слична е ситуацијата и во Франција, чии резерви на фосилни горива ќе бидат исцрпени за само година дена.
Од друга страна, Русија, според важечките проценки, има нафта за повеќе од 50 години, гас за повеќе од 100 години и јаглен за дури 500 години.
„Европската унија станува сè позависна од соседните земји кои имаат богати ресурси, како Русија и Норвешка и трендот ќе продолжи доколку не се преземат решителни чекори”, вели Алед Џонс, директор на институтот.
Британската влада неодамна најави дека ќе ги намали субвенциите за соларна енергија, а се најавува и запирање на изградбата на ветроелектрани по следните избори.
Кусокот на енергенти се планира да се надомести со вадење на гас преку контроверзната метода од шкрилци, што се смета за штетна по околината. /крај/ин/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Исплатени 99.743.746,00 денари кон 1.865 лица за предадени јаболка

Денеска се исплатија 99.743.746,00 денари кон 1.865 лица од подмерка 1.9 за јаболка предадени кај регистрирани откупувачи или регистрирани преработувачки капацитети, од Програмата за финансиска поддршка во земјоделството за 2024 година, извести Министерството за земјоделство.
Од таму најавуваат дека продолжува поддршката кон производителите на јаболка.
Економија
УЈП со повик: Платете го веднаш достасаниот данок по ДЛД-ГДП и избегнете присилна наплата

Управата за јавни приходи ги повикува сите даночни обврзници, кои во законскиот рок не ја платиле даночната обврска по ДЛД-ГДП 2024, да го исполнат својот даночен долг.
Во согласност со евиденцијата на УЈП, 3.155 даночни обврзници ја немаат намирено разликата за доплата на данокот на личен доход утврдена во годишната даночна пријава за данокот на личен доход (ДЛД-ГДП) за 2024 година, што требаше да се исполни во законскиот рок до 30 јуни.
„Во следниот период УЈП ќе премине кон опоменување и присилна наплата на достасаните неплатени долгови по овој основ, што ќе доведе до дополнителни трошоци по основ на камата за задоцнето плаќање од 0,03 % дневно и еднократна посебна такса во постапка на присилна наплата“, информира УЈП.
Дополнителни информации се објавени на страницата на УЈП, во делот плаќање даноци на следниот линк http://www.ujp.gov.mk/mk/plakjanje.
Економија
Меџити: Поддршка со 227 милиони денари за 43 проекти во 33 општини

Министерството за животна средина и просторно планирање денеска ги потпиша договорите за реализација на 43 капитални проекти во 33 општини во државата.
За овие проекти се обезбедени над 227 милиони денари директна финансиска поддршка од Министерството, со што се овозможува имплементација на конкретни решенија во областа на канализацијата, водоснабдувањето и управувањето со водните ресурси.
„Убеден сум дека ова е најправилниот и најефикасен модел на соработка – директно партнерство меѓу Владата и општините, со цел да им донесеме на граѓаните конкретни придобивки“, изјави министерот за животна средина и просторно планирање, Изет Меџити.
Тој исто така ја потенцира важноста од навремената и квалитетна реализација повикувајќи на одговорност и посветеност од страна на сите општини.
„Немаме време за губење. Секој ден што ќе го добиеме во овој процес е еден ден повеќе во служба на граѓаните“, изјави Меџити нагласувајќи дека преку ова партнерство се поставуваат нови стандарди во справувањето со инфраструктурните и еколошките предизвици.