Економија
77 години квалитет посветен на здравјето, прашајте го фармацевтот за „Галеника“
Грижата за здравјето и справувањето со болеста е комплексен процес, кој не почнува или завршува меѓу лекарот и пациентот. Исклучителнo важeн во оваа комуникација e и фармацевтот. Него го препознаваме како лицето што го издава препишаниот лек во аптеката, но фармацевтот е специјалист што има знаење за лековите, неговите особини и контраиндикации и може да помогне да се избере соодветната терапија за болниот. Велат дека еден фармацевт поседува знаење за неколку стотици лекови.
Фармацевтите и фармацевтските техничари имаа незаменлива улога и во битката на здравствениот систем со пандемијата на Ковид-19 во изминатите две години. Застанаа со другите здравствени работници во првите редови со цел да му се помогне на секој пациент што ќе побара поддршка и во директна комуникација со пациентите да споделат совет и препорака за потребниот лек. Впрочем, тие се дел од штитот што може да му помогне на пациентот да ги препознае симптомите и да го советува да посети лекар.
Иако во македонскиот здравствен систем фармацевтот не може да пропишува лекови, како што е тоа случај во САД или некои европски држави, сепак може да помогне да го направите вистинскиот избор кога избирате лек. Големите фармацевтски компании значајно внимание посветуваат и на лекарите и на фармацевтите да ги запознаат со лековите, како и ОТЦ-лековите што се издаваат без рецепт, а се одобрени од надлежните институции на македонскиот пазар.
Директорот на „Галеника Македонија“, м-р фарм. Даниел Јаневски, нагласува дека комуникацијата меѓу потрошувачот или пациентот со фармацевтот е особено важна за запознавање со особините на лековите, начинот на кој влијаат, употребата, независно дали е лек или ОТЦ-производ што се издава без рецепт.
„За потрошувачот на македонскиот пазар, ‘Галеника’ нуди загарантиран квалитет на производите. Во понудата имаме лекови на рецепт, лекови без рецепт (ОТЦ), козметички производи и додатоци во исхраната. Тоа се производи креирани во согласност со современите барања на потрошувачите и пациентите затоа што ‘Галеника’ како стабилен партнер на заедницата носи иновации во својата понуда, но за таа да стигне до потрошувачите, особено важна е и фармацевтската експертиза кога се издава лекот или производот. Ние стоиме зад 77 години традиција и квалитет за секој потрошувач“, вели директорот на „Галеника Македонија“, м-р фарм. Даниел Јаневски.
Изборот за тоа кој лек ќе го користи потрошувачот на македонскиот пазар е одлука на самиот потрошувач. Односно, лекарот го препишува лекот со генерички назив, а потоа во аптеката потрошувачот може да се информира од кои производители е достапен тој лек и во комуникација со фармацевтот да се запознае со особините на лекот и да го направи најдобриот избор.
Според Јаневски, потрошувачот секогаш треба да се потпре на квалитетот и традицијата што се препознатливи не само на македонскиот пазар туку и пошироко во регионот и во Европа независно дали изборот е за лек на рецепт, лек без рецепт (ОТЦ), козметички производ или додаток во исхраната.
Фармацевтот во аптека треба да одговори на прашањата на потрошувачот за препишаните лекови, а тоа се прашања и за можните несакани реакции и интеракции со други лекови или нарушувања. Но, и потрошувачот треба да одговори на прашањата на фармацевтот за неговата здравствена состојба за да може да им го препорача најдоброто.
Фармацевтот може да помогне и кога потрошувачот бара ОТЦ-производ или козметика поради знаењето и можноста да го запознае со особините на производот, начинот на кој влијае, можните несакани ефекти или употребата.
Потрошувачите не треба да ја напуштат аптеката ако сѐ уште имаат нејасни работи во врска со користењето на лекот, начинот на кој се зема лекот или дали треба да се избегнува некоја храна кога го земаат лекот. Некои антибиотици не треба да се пијат со млечни производи, а има лекови со кои треба да се избегнуваат цитрусните овошја. Кога лекот треба да се пие пред оброк, а кога по, се информации за кои фармацевтот треба да ве информира кога ви го дава лекот. Сето тоа е дел од неговата работа и грижата за здравјето што треба фармацевтите да ја обезбедат за потрошувачот. Фармацевтот и фармацевтскиот техничар со нивното знаење и искуство се секогаш достапни за помагање во обезбедување подобар квалитет на живот на пациентите.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
УЈП: Фискалните каси да имаат точни адресни податоци и редовно да се одржуваат во овластени сервисери
Управата за јавни приходи ги потсетува даночните обврзници кои вршат промет на добра и услуги со готовински плаќања дека се должни за секое работно место каде што се врши прометот да воведат и користат фискален систем на опрема, задолжително да издаваат фискална сметка за секој извршен промет и редовно да ги одржуваат и сервисираат фискалните апарати во овластен сервисен центар.
„Адресните податоци внесени во фискалниот систем треба да бидат точни и да соодветствуваат со локацијата каде што се користи фискалната каса. Даночниот обврзник кој го користи фискалниот систем во одреден деловен објект не смее да го пренесува, користи или отуѓува фискалниот апарат во друг објект без претходна пријава во Управата за јавни приходи преку овластен сервисен центар“, се наведува во соопштението.
Управата за јавни приходи ги потсетува даночните обврзници, корисници на фискална опрема дека секоја промена или одјава на фискалниот систем мора да биде одобрена од страна на Управата за јавни приходи.
Исто така даночните обврзници кои престануваат да го користат фискалниот систем, било поради прекин на дејност или набавка на нова опрема (нов фискален апарат), должни се стариот да го одјават преку овластен сервисен центар во Управата за јавни приходи.
УЈП апелира даночните обврзници да ги почитуваат одредбите од законот и да бидат даночно усогласени.
Економија
Објавена е табелата со цени на плинот во Европа, еве каде е Македонија
Домаќинствата во Европската Унија плаќале највисока цена на гас во втората половина од 2024 година откако Европскиот завод за статистика објавува податоци.
Просечната цена на гасот за домаќинствата во ЕУ беше за речиси 11,7 проценти повисока во втората половина од 2024 година отколку во претходните шест месеци, достигнувајќи го највисокото ниво од 2008 година, од 12,33 евра за 100 киловат-часови.
Во првата половина од минатата година, тоа беше за речиси два проценти пониско отколку во претходните шест месеци.
Домаќинствата на ниво на Унијата повторно потрошија повеќе за гас, за прв пат од крајот на 2022 година, главно поради зголемените даноци во многу земји по ублажувањето на енергетската криза, според статистичарите.
На годишна основа, цените за домаќинствата во ЕУ се зголемија за 9,6 проценти во втората половина од 2024 година, покажуваат табелите на Евростат.
Во еврозоната, гасот за домаќинствата во периодот од јули до декември бил во просек за 12,7 проценти поскап отколку во претходните шест месеци и чинел 13,18 евра за 100 киловат часови.
Најниска цена на гасот, изразена во евра, плаќале домаќинствата во Унгарија – 3,20 евра за 100 киловат часови.
Следи Хрватска – 4,56 евра за 100 киловат-часови, па Романија, каде што чинеше околу 5,4 евра за 100 киловат часови.
Највисоки цени на гасот, изразени во евра, плаќале домаќинствата во Шведска и Холандија, приближно 18,9 евра и 16,7 евра за 100 киловат часови.
Економија
Дурмиши ги предупреди трговците: Ако има енормно зголемување на цените, ќе има поригорозни мерки
Нови поригорозни мерки ќе бидат воведени доколку Државниот пазарен инспекторат утврди енормно зголемување на цените на производите по укинувањето на мерките што важеа до крајот на април, рече денес министерот за економија и труд, Бесар Дурмиши. Тој денес рече дека официјалните податоци за изминатиот период додека беа замрзнати маржите покажуваат намалување на инфлацијата.
„Официјалните податоци покажуваат дека инфлацијата за април е практично нула. Во споредба со март има покачување од 0,6 %. Во споредба со април минатата година инфлацијата е 2,6 %, што значи дека не надминува 3 % и е во стабилна фаза. Цените на храната се речиси непроменети, само 0,3 % годишно зголемување и мора да потенцирам дека ако го споредиме април со декември 2024 година имаме дефлација од 1,35 %. Значи, имаме намалување на инфлацијата“, рече министерот Дурмиши.
Овој месец Државниот пазарен инспекторат ќе прави и редовни и вонредни контроли на цените и кај трговците, и кај дистрибутерите, и кај производителите и ќе подготви извештај врз основа на кој ќе се димензионираат нови, поригорозни мерки доколку се утврди дека покачените цени немаат економска оправданост.
„Може да ја прошириме листата со која ќе бидат опфатени производи за ограничување на маржата, односно ова што го имавме сега како мерка – може да ставиме повеќе производи, може да го покачиме процентот на маржата, да видиме кои се тие можности за поригорозна мерка. Ова го кажувам за да ги известам трговците, производителите и дистрибутерите да не се однесуваат девијантно, да не ги покачуваат цените без економска оправданост. Ако има покачување, ќе има поригорозни мерки. Се вршат контроли“, рече министерот Дурмиши.
На забелешките дека има хигиенски производи, кои се и за 60 денари поскапи по завршувањето на мерката, министерот Дурмиши рече дека првин треба Државниот пазарен инспекторат да го утврди тоа, да го извести секторот во Министерството за економија да направи анализа за тоа кои построги мерки да бидат донесени.
Уапсен битолчанецот кој со нож се закануваше на маж на “Широк сокак”
Денеска на ул. “Св.Кирил и Методиј” во Битола полициски службеници го лишија од слобода М.Ш.(36) од Битола. Тој претходно, пред...
Полскиот премиер: „Срамно е да се биде на парада во Москва и да му се аплаудира на Путин“
Полскиот премиер Доналд Туск изјави дека сите што присуствувале на воената парада во Москва на Денот на победата се посрамотија....
Измами со превозот на ученици – пријава против ексдиректорка на училиште од Куманово, шест вработени во МОН и две фирми
Полицијата поднесе кривична пријава против поранешна директорка на средно училиште од Куманово, шест вработени во Министерството за образование и наука,...
Во Кочани си дојдоа деца што цел живот ќе немаат раце, толку бргу ли нè заборавивте? – проговори мажот што се врза за бандера во Скопје
Мажoт, кој на скопскиот плоштад се залепи со селотејп за бандера, го направил тоа за да испрати силна порака и...
„Да, виновен сум“ – Васил Јованов призна вина за сообраќајната несреќа, во која загина Фросина
Васил Јованов на денешното прво рочиште призна вина за сообраќајната несреќа, во која загина Фросина Кулакова. Одговарајќи на прашање на...
(Видео) Кузеска за убиството во Штип: Како е возможно турски државјанин да поседува пиштол
Безбедноста на граѓаните е сериозно загрозена. Македонија гори од насилство, убиства по улици, криминал и безредие. Вчерашното убиство во Штип...
Време е да сфатиме дека „Генералка викенд“ треба да прерасне во генералка 365 дена, вели претседателката Сиљановска-Давкова
Просторот околу скопскиот акведукт, кој со децении е депонија, треба да прерасне во парк, заклучија утрово претседателката Гордана Сиљановска-Давкова, министерот...
(Видео) Убиецот имал четворица помагачи, сите се oд Турција и се приведени
Четворица помагачи имал убиецот кој пукаше во кафуле во Штип. МВР соопшти дека било пукано кон Е.О.(25) од Република Турција, по...
Уапсен убиецот што вчера пукаше во Штип
Основното јавно обвинителство Штип е известено од МВР дека лицето по кое се трагаше во врска со вчерашниот оружен инцидент...
„Влен“: 9 и 10 мај – црни денови во Куманово, албанските куќи гореа додека министрите на ДУИ се чешлаа
„Во темната колективна меморија на Албанците во Северна Македонија, 9 и 10 мај 2015 година ќе останат засекогаш како денови...
Извршен увид по пукањето во Штип: убиениот и напаѓачот се странски државјани
Јавен обвинител од Основното јавно обвинителство Штип ноќеска вршеше увид на локација во кафе бар каде едно лице беше лишено...
Британскиот премиер: Ќе направиме сè за да ја уништиме операцијата на руската флота во сенка
Велика Британија објави дека ќе санкционира до 100 танкери за нафта од таканаречената руска флота во сенка, со цел да...
Џеј-Ди Венс: Војната меѓу Индија и Пакистан не е наша работа
Американскиот потпретседател Џеј Ди Венс изјави дека Индија и Пакистан треба да ги деескалираат тензиите, но додаде дека САД не...
Американци: Вистина е, Пакистан собори индиски „рафал“ со авион од кинеско производство
Борбен авион Ј-10 од кинеско производство, кој им припаѓал на пакистанските воздухопловни сили, собори најмалку два индиски воени авиони, потврдија...
Пукање во Штип, едно лице повредено
Едно лице е повредено во пукање што се случило вчера вечер во кафуле на градскиот плоштад „Слобода“ во Штип. Според...
(Видео) Папата Лав 14 го одржа првиот говор: „Бог нè сака сите, безусловно“
Новиот поглавар на Католичката црква, папата Лав 14, вечерва се појави на главниот балкон на базиликата „Свети Петар“ и го...
Набавена медицинска опрема вредна 13 милиони евра никогаш не е ставена во употреба
Медицинска опрема вредна 13 милиони евра не е ставена во употреба во медицинските установи, утврди Државниот завод за ревизија. Тоа најмногу...
Порака на Гаши од Рим: Без интеграција во ЕУ на Балканот, ризикуваме создавање на географски вакуум
Претседателот на Собранието, Африм Гаши и делегацијата во посета на Италиjа имаше средба со сенаторката Ема Паванели, која е и...
По десет години затвор за сопственикот и одговорниот во „Дурмо турс“: Апелација им ги зголеми казните на дел од обвинетите за несреќата кај Ласкарци
Апелациониот суд Скопје информира дека зголеми дел од казните на обвинетите за несреќата кај Ласкарци, која ја предизвика неисправниот автобус...
Дете натепано од соученик во Ѓорче, насилството снимано со телефон и објавено на социјална мрежа
Случај со малолетничко насилство во Скопје заврши во рацете на полицијата. Според пријавеното во МВР, пред два дена, на 6...
