Економија
Индексот МБИ-10 падна за речиси 2 насто
![](https://makfax.com.mk/wp-content/uploads/2016/11/f8a4cf31-ee22-48fb-b889-74dc3768e722-1.jpeg)
Индексот на Македонската берза МБИ10 во среда оствари пад од 1,91%, а вредноста му се спушти на ниво од 3.472,60 индексни поени.
Индексот на Македонската берза МБИ10 во среда оствари пад од 1,91%, а вредноста му се спушти на ниво од 3.472,60 индексни поени.
МБИД се намали за 0,82%, а неговата вредност изнесуваше 3.669,93 индексни поени. ОМБ опадна за 0,26% позиционирајќи се на ниво од 106,27 индексни поени.
Вкупниот промет од тргувањето на македонската берза за хартии од вредност во среда изнесуваше 17.646.056,19 денари. Прометот со државните обврзници изнесуваше 6.551.323,19 денари.
Официјалниот пазар оствари промет од 15.808.170,19 денари при реализирани 130 трансакции. На редовниот пазар прометот изнесуваше 1.837.886,00 денари кои беа реализирани преку 26 трансакции.
Најликвидна од официјалниот пазар беше државната обврзница за денационализација од третата емисија со промет од 5.693.944,95 денари. Просечната цена од 87,50% не резултираше со промена на дневниот просек. Истргувани беа вкупно 106.386 обврзници преку 2 трансакции.
Втора според ликвидност беше акцијата на Гранит Скопје со промет од 2.763.886,00 деари. Просечната вредност изнесуваше 899,12 денари, а остварен беше дневен пад од 2,68%. Истргувани беа вкупно 3.074 акции преку 37 трансакции.
Акцијата на Комерцијална Банка Скопје оствари промет од 2.241.300,00 денари. Просечната цена од 3.390,77 денари значеше намалување од 1,72%. Вкупно се истргуваа 661 акции од оваа банка.
Од редовниот пазар најтргувана беше акцијата на Градежен институт Македонија Скопје со која се оствари промет од 420.000,00 денари. Просечната цена од 7.000,00 денари значеше дневен пад од 6,67%. Истргувани беа 60 акции преку една трансакција.
Втора според ликвидност од редовниот пазар беше Карпош Скопје со промет од 357.000 денари. Просечната цена од 350,00 денари значеше голем пораст од 75,00%. Преку една трансакција се истргуваа вкупно 1.020 акции. Пет најтргувани хартии од вредност 1. Р.Македонија – Денационализација 032. Гранит Скопје3. Комерцијална Банка Скопје4. Макпетрол Скопје5. Алкалоид Скопје Хартии од вредност со најголем пораст 1. Карпош Скопје 75,00%2. ОХИС Скопје 9,05%3. Тутунска Банка Скопје 0,83%4. Македонски Телеком Скопје 0,54% Хартии од вредност со најголем пад1. Арцелормиттал (ЦРМ) Скопје 7,79%2. Хотели Метропол Охрид 7,55%3. Градежен институт Македонија Скопје 6,67%4. Фершпед Скопје 3,16%5. Гранит Скопје 2,68%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
Поскапуваат некои од горивата
![](https://makfax.com.mk/wp-content/uploads/2022/11/benzin-gorivo-960x639-1-2.jpg)
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука со која се врши зголемување на малопродажните цени на нафтените деривати во просек за 0,15 % во однос на одлуката од 28.6.2024 година.
Референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 0,868 %, кај дизелот зголемувањето е во просек за 0,368 %, кај екстра-лесното масло зголемувањето е во просек за 0,387 % и кај „мазутот“ зголемување во просек за речиси 0,170 %.
Курсот на денарот во однос на доларот во изминатиот период по кој беа формирани цените со претходната пресметка е повисок 0,042 %.
Од 2.7.2024 година од 00.01 часот максималните цени на нафтените деривати ќе изнесуваат:
– моторен бензин ЕВРОСУПЕР БС-95 – 83,00 (денари/литар)
– моторен бензин ЕВРОСУПЕР БС-98 – 85,00 (денари/литар)
– дизел-гориво ЕВРОДИЗЕЛ БС (Д-Е V) – 76,50 (денари/литар)
– масло за горење екстра-лесно 1 (ЕЛ-1) – 75,00 (денари/литар)
– „мазут М-1 НС“ – 48,008 (денари/килограм)
Малопродажната цена на бензинот ЕВРОСУПЕР БС-95 се зголемува 0,50 денари/л.
Малопродажните цени на бензинoт ЕВРОСУПЕР БС-98, на ЕВРОДИЗЕЛОТ (Д-Е V) и на екстра-=лесното масло за домаќинство (ЕЛ-1) не се менуваат
Малопродажната цена на „мазутот М-1 НС“ се зголемува 0,080 денари/кг.
Економија
Елена Петрова ја презеде функцијата директор на УЈП
![](https://makfax.com.mk/wp-content/uploads/2024/07/elena-petrova-ujp.jpg)
Денеска Елена Петрова формално ја презеде функцијата Директор на УЈП, од Замeник на директорот, Мевљудин Синани.
Елена Петрова е професионалец со долгогодишно работно искуство во УЈП, која во моментот на назначувањето беше Раководител на Секторот за наплата и управување со долгови. Нејзината биографија е достапна на следниот линк.
Директорката Елена Петрова изјави дека нејзина долгорочна и стратешка агенда е трансформацијата на УЈП, создавање „нов лик” на УЈП, „нов амбиент” и за даночните обврзници, за даночните службеници и за соработниците на даночната администрација.
„Во УЈП ќе поттикнам динамичен курс на работа со цел за дигитализација и трансформација, за да обезбедиме плаќањето данок и услугите од УЈП да бидат најмало можно административно оптоварување, а што повеќе да бидат „природно” вградени во деловните системи на компаниите и на „близок дофат” на граѓаните“, изјави Петрова.
Обраќајќи се на даночните обврзници, Петрова истакна дека ќе негува кооперативност со даночните обврзници преку мрежи за директна соработка и отворена дебата за сите заеднички предизвици во плаќањето даноци и остварувањето на даночните права.
Таа изјави: „Даночните обврзници спроти себе нема да имаат бирократи кои настапуваат од позиција на моќ, туку администрација која обезбедува лесно достапни информации, едноставни алатки и директна помош кои ќе водат кон точно плаќање на даночните обврски и лесно и брзо оставрување на своите права“.
Петрова ќе се залага за интензивна соработка со меѓународните организации, експертската јавност, медиумите и други засегнати страни, со цел со заеднички напори да оствариме позитивно влијание, зголемена даночна свест и даночен морал во општеството.
Петрова најави бескомпромисна борба со неплаќачите и затајувачите на данок и криминалните даночни измами, одговорност и казни за секој што ги оштетува народните пари заради противправно стекнување лична имотна корист.
Економија
ВМРО-ДПМНЕ: 250 милиони евра за капитални проекти за општините од септември
![](https://makfax.com.mk/wp-content/uploads/2019/10/evra.jpg)
Во септември градоначалниците од цела држава ќе можат на аплицираат на јавниот повик на Министерството за Локална самоуправа за добивање средства за проекти во нивните општини, информираа од владејачката ВМРО-ДПМНЕ.
„Градоначалниците од цела држава да направат и довршат што е можно повеќе проектна документација, со цел да аплицираат за повеќе проекти.
Ова е прва година за проектот 250 милиони евра за општински проекти, ист ваков повик ќе има секоја година, а вториот ќе се случи веќе за неколку месеци од сега.
Време е за реален раст и развој. Време е за рамнорен развој“, се вели во партиското соопштение.