Економија
Прва блок трансакција на берзата по три месеци

Прва блок трансакција на Македонската берза по три месеци го обележа денешниот трговски ден, искачувајќи го прометот на над 51 милион денари
Прва блок трансакција на Македонската берза по три месеци го обележа денешниот трговски ден, искачувајќи го прометот на над 51 милион денари.
Блок трансакција беше извршена со акцијата на ТГС Технички Гасови Скопје која изнесуваше 33.786.655,00 денари. Предмет на трансакцијата беа 11.045 акции по цена од 3.059,00 денари. Номиналната вредност на една акција од оваа компанија изнесува 50,00 евра, а беа истргувани 7,55% од основната главнина.
Индексите на берзата завршија во црвено и тоа МБИ10 падна за 0,12% на 3.399,67 индексни поени. МБИД го оствари петтиот дневен пад по ред, намалувајќи се за 0,44 насто, ОМБ се спушти за 0,41%.
Официјалниот пазар оствари промет од 15.362.049,00 денари при реализирани 127 трансакции, додека редовниот пазар оствари промет од 35.763.784,00 денари при реализирани 33 трансакции.
Од компаниите кои котираат на официјалниот пазар најмногу се тргуваше со Комерцијална Банка Скопје чиј промет изнесуваше 4.026.170,00 денари. Просечната цена од 3.450,02 денари го продолжи растечкиот тренд иако скромен, со дневно зголемување од 0,21%. Истргувани беа 1.167 акции кои се реализираа преку 23 трансакции.
Алкалоид Скопје оствари промет од 2.116.265,00 денари. Просечната цена изнесуваше 5.813,91 денари со што беше остварен пораст од 0,60%. Истргуваната количина од 364 акции се реализираше преку 23 трансакции. Распонот на цената се движеше од 5.800,00 до 5.850,00 денари.
Прометот на Макстил Скопје изнесуваше 2.116.265,00 денари. Цената од 300,52 денари по акција го смени трендот кој денес беше опаѓачки и со намалување од 0,59%. Истргувани беа 2.906 акции.
Покрај компанијата ТГС Технички Гасови Скопје која беше предмет на блок трансакција, од редовниот пазар висок промет оствари акцијата на Жито Малеш АД Берово. Прометот изнесуваше 627.7560,00 денари, а беше постигната просечна цена од 750,00 денари по акција. Истргувани беа 837 акции преку 5 трансакции.
Акцијата на Македонски Телеком Скопје оствари промет од 498.166,00 денари. Просечната цена изнесуваше 430,94 денари, а беше остварен мал пад од 0,26%. Истргувани беа 1.156 акции преку 9 трансакции. Пет најтргувани хартии од вредност 1. ТГС Технички Гасови Скопје 2. Комерцијална Банка Скопје3. Р.Македонија – Денационализација 084. Алкалоид Скопје5. Макстил Скопје Хартии од вредност со најголем пораст 1. Охридска Банка Охрид 6,79%2. Цементарница УСЈЕ Скопје 6,67%3. Попова Кула Демир Капија 1,71%4. Реплек Скопје 1,12%5. Р.Македонија – Денационализација 06 0,61% Хартии од вредност со најголем пад1. РЖ Фаморд Скопје 42,00%2. РЖ Техничка контрола Скопје 14,67%3. Хотели Метропол Скопје 6,67%4. ОХИС Скопје 4,67%5. Арцелормиттал (ХРМ) Скопје 2,91%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Мицкоски: Се работи на проекти во образованието вредни две милијарди денари

Во моментот имаме инвестициска активност од околу две милијарди денари за проекти во образованието, повеќе од 30 капитални инвестиции, седум комплетно нови училишни згради, дваесетина се реновираат, спортски сали во Струга и во Битола, отпочнуваме со спортските сали – Кисела Вода и Аеродром, во план е продолжување на проектот за реконструкција на универзитетите, односно зградите на факултетите ФИНКИ и ФФК, отпочнуваме со кампусот „Мајка Тереза“, изјави попладнево премиерот Христијан Мицкоски.
„Истовремено, ќе продолжи и инспекцискиот надзор на оние високообразовни институции, но и оние други образовни институции, што не ги исполнуваат стандардите. Ќе бидат опоменати. Доколку не преземат ништо во насока на исполнување на стандардите, ќе мора да бидат затворени“, рече премиерот.
Тој кажа дека децата треба да добијат европско знаење, а „тоа може да го даваат институции што ги почитуваат законите и што нудат таков тип на пренос на знаење“.
„Реформата во образованието е навистина опсежна. Оваа година, нешто што не е за фалење, учениците ги добија книгите на 1 септември. Исто ќе биде и во следната година. Ние пред 10 – 15 години зборувавме за компјутер за секое дете, денеска сме среќни ако секое дете има учебник. Но, за жал, имавме цунами седум години што и тоа не можеше да го направи онаа влада на СДСМ и ДУИ, па оваа влада мора буквално сите тие елементарни работи да ги прави“, додаде премиерот.
Економија
Перински во Студеничани: Инвестираме и во руралните средини – тие се еднакви по својата важност како и останатите

Во скопската општина Студеничани денеска започна реконструкцијата на 6,5 км долгиот локален пат Драчево – Мотел Китка, проект финансиран од првиот владин повик за финансиска поддршка на инфраструктурни општински проекти. На официјалниот почеток на градежните активности присуствуваа министерот за локална самоуправа, Златко Перински, претседателот на Владата, Христијан Мицкоски, министерот за транспорт, Александар Николоски, првиот вицепремиер и министер за животна средина, Изет Меџити, заменик министерот за локална самоуправа, Ерџан Селими и Калтрина Зеколи Шаќири, заменик министер за транспорт.
Градоначалникот Азем Садики, појасни дека станува збор за пат долг 6,42 км, кој се протега од селото Црвена Вода до мотел Китка, а проектот предвидува негова целосна реконструкција и обнова со неопходната инфраструктура.
„Многу сум среќен што Владата продолжува да ги помага општините, особено руралните. Овој пат е многу битен за нашата општина, затоа што не само што ќе придонесе за побрз, полесен и побезбеден транспорт за жителите во планинските села, туку ќе создаде услови за поттикнување и развој на туризмот и за инвестирање во скопската околина со оглед на близината и убавината на Китка“, истакна Садики.
Министерот Перински порача дека проектот е доказ за посветеноста на Владата да инвестира во подобрување на инфраструктурата во сите општини и региони.
„За оваа Влада не постојат заборавени општини, помагаме онаму каде што е најпотребно, а тоа се руралните средини со сите предизвици коишто ги имаат во дел на капиталните инвестиции. Радоста на мештаните којашто ја видовме денеска е доказ дека Владата трасира пат којшто се темели исклучиво на потребите на граѓаните и во таа насока ќе продолжиме за да го подигнеме квалитетот на живот на сите граѓани на цела територија на Македонија“, истакна Перински, кој како дел од теренските посети „Каде што срцето е дома“, претходно со неговиот заменик, Селими, одржаа работна средба со градоначалникот, членовите на општинскиот Совет и претставници на администрацијата на која разговараа за актуелните состојби во општината.
Поддршка на сите општини и во периодот што следи најави и премиерот Мицкоски, кој истакна дека Владата ќе продолжи да инвестира во проекти кои ќе значат поквалитетен, покомфорен и поубав живот, независно од политичката определба на градоначалниците.
„Немаме намера да заборавиме ниту едно место на целата територијата на Македонија, ќе инвестираме секаде. Тоа го правиме веќе девет месеци, покажуваме еден поинаков начин на функционирање на Влада. Ќе продолжиме така и во иднина, бидејќи граѓанинот, Македонецот, Албанецот, Турчинот, Србинот, Ромот, Бошњакот, Влавот и сите останати, се центарот на нашето внимание и сите ние заедно ќе работиме за нивно подобро утре“, порача премиерот Мицкоски.
„Евидентна е разликата од начинот на функционирање на оваа Влада“, оцени првиот вицепремиер и министер за животна средина, Меџити.
Министерот за транспорт, Николоски, информираше дека во моментов во село Студеничани привршува и реконструкција на локален пат долг 840 метри, а во тек е тендерска постапка за изградба на нов пат во Моране, проекти со кои дополнително се дава поддршка за подобрување на инфраструктурата во оваа општина.
Економија
Пратките ќе можете да си ги подигнувате сами од пакетомати – презентирана нова платформа

На промотивен настан денес беше презентиран нов начин за подигнување на пратките, што, како што беше посочено, ги надминува досегашните предизвици со доставата.
Се работи за воведување паметни автоматозирани пакетомати кои ќе бидат поставени на 120 локации низ државата, а пратката би можеле да си ја подигнете со кодот што би пристигнал на вашиот мобилен телефон.
Решението во земјата го воведува „Мај бокс“ (My Box). Основачот на компанијата, Далибор Ѓошевски, изјави дека идејата е резултат на детаљна анализа на потребите на корисниците и предизвиците во постојниот систем за достава.
„Нашата цел е да обезбедиме модерно, ефикасно и достапно решение што ќе стави крај на загубените пратки, на долгите чекања и на ограничувањата на временски рамки во доставата“, рече Ѓошевски.
Во рамките на настанот се одржа и панел-дискусија за иднината на е-трговијата и предизвиците на логистиката, за тоа како иновативните производи и услуги од овој тип ќе го подобрат искуството на корисниците и ќе го оптимизират процесот на достава.