Економија
Прометот повторно на рекордно ниско ниво за ноември
Прометот на македонската берза за хартии од вредност во четврток повторно се спушти на најниско ниво од почетокот на ноември и изнесуваше 8.048.199,74 денари.МБИ10 оствари минимално намалување од 0,08% постигнувајќи вредност од 3.435,16 индексни поени.
Прометот на македонската берза за хартии од вредност во четврток повторно се спушти на најниско ниво од почетокот на ноември и изнесуваше 8.048.199,74 денари.
МБИ10 оствари минимално намалување од 0,08% постигнувајќи вредност од 3.435,16 индексни поени. МБИД се намали за 1,43%, на ниво од 3.473,37 индексни поени. ОМБ падна за 0,36% позиционирајќи се на ниво од 106,39 индексни поени.
Повторно Комерцијална Банка Скопје се најде на врвот од официјалниот пазар со промет од 1.805.503,00 денари. Оваа акција беше помеѓу ретките од најликвидните на пазарот која оствари пораст и тоа од 0,49% при просечна вредност од 3.472,12 индексни поени. Распонот на цените се движеше од 3.455,00 денари до 3.499,00 денари. Истргувани беа 520 акции кои се реализираа преку 16 трансакции.
Втора според ликвидност од официјалниот пазар беше државната обврзница за денационализација од осмата емисија со промет од 1.805.503,00 денари. Просечната цена од 80,00% значеше дневно намалување од 1,19%. Истргувана беше количина од 22.911 обврзници.
Гранит Скопје, иако со скуден промет од 808.098,00 денари беше трета акција според ликвидност од официјалниот пазар. Просечната цена од 889,98 денари значеше намалување за 0,67%. Истргувани беа 908 акции кои беа реализирани преку 10 трансакции.
Од акциите кои котираат на редовниот пазар најтргувана беше Македонски Телеком Скопје со промет од 901.532,00 денари. Просечната цена од 431,56 денари забележа пад од 0,40%. Истргувани беа 2.089 акции. Ценовниот минимум изнесуваше 430,00 денари, а максимумот 435,00 денари.
Тутунска Банка Скопје беше една од најтргуваните на редовниот пазар со промет од 433.500,00 денари. Просечната цена изнесуваше 5.100,00 денари беше без промена на дневно ниво. Истргувани беа вкупно 85 акции.
Макошпед, ОХИС, ТТК Банка и ЗК Пелагонија Битола на интернет страницата на Македонската берза во четврток ги објавија неревидираните биланси на успех за деветте месеци од годинава.
Макошпед Скопје објави неревидиран биланс на успех за период 01.01. – 30.09.2009 година. За првите три квартали од тековната година остварена е нето добивка од 5.503.000,00 денари, додека за третиот квартал од тековната година остварена е нето добивка од 2.479.000,00 денари. Добивката од тековната година е драстично намалена во однос на добивката од претходната година кога истата изнесувала 160.609.000,00 денари, заради забраната за вршење дејности која царинската управа и ја изрече на Макошпед Скопје.
Макошпед објави известување според кое на ден 10.11.2009 год. со одобренијата број 10-24047/2, 10-24291/2 и 10-22492/2 на царинската управа на Р.М. Скопје на ТД Макошпед АД Скопје му се одобрува употреба на царинска постапка царинско складирање во следните магацини: магацин на ул. Перо Наков бб, Маџари, Скопје; магацин на ул. 15-ти Корпус бб, Скопје; магацин на ул. Нов Живот бб, Шуто Оризари, Скопје.
ОХИС Скопје објави неревидиран биланс на успех за период 01.01. – 30.09.2009 година. За првите три квартали од тековната година остварена е загуба од 85.687.000,00 денари, а за третиот квартал од оваа година остварена е загуба од 33.205.000,00 денари. Загубата за првите три квартали од оваа година е за 57,2% поголема од загубата остварена за истиот период за претходната година кога изнесувала 54.495.000,00 денари.
ТТК Банка објави неревидиран биланс на успех за период 01.01. – 30.09.2009. За првите три квартали од 2009 остварена е загуба од 182.400.000,00 денари за разлика од истиот период за претходната година кога беше остварена добивка од 21.503.000,00 денари. За третиот квартал од тековната година остварена е загуба од 11.700.000,00 денари и е за 40,5% помала од загубата остварена за третиот квартал од минатата година кога изнесуваше 19.685.000,00 денари.
ЗК Пелагонија Битола објави неревидиран биланс на успех за период 01.01. – 30.09.2009 година. За првите девет месеци од оваа година остварена е загуба од 128.446.000,00 денари, за разлика од истиот период за минатата година кога оствари нето добивка од 243.904.000,00 денари. За третиот квартал од оваа година загубата изнесува 62.532.000,00 денари, а за третиот квартал од претходната година остварена беше нето добивка од 202.850.000,00 денари. Пет најтргувани хартии од вредност1. Комерцијална Банка Скопје2. Р.Македонија – Денационализација 083. Македонски Телеком Скопје4. Гранит Скопје5. Алкалоид Скопје Хартии од вредност со најголем пораст 1. Макошпед Скопје 11,25%2. Пекабеско Скопје 8,05%3. Текекс Тетово 3,05%4. ЗК Пелагонија Битола 1,51%5. Комерцијална Банка Скопје 0,49%Хартии од вредност со најголем пад1. Арцелормиттал (ХРМ) Скопје 8,00%2. Хотели Метропол Охрид 5,71%3. Стопанска Банка Скопје 4,01%4. Попова Кула Демир Капија 3,23%5. Р.Македонија – Денационализација 08 1,19%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
За мерката Самовработување се издвоени 2,5 милијарди денари, кажа Мицкоски
Самовработувањето е многу важна мерка и во Буџетот се издвоени средства коишто се од износ отприлика 2,5 милијарди денари, или околу 40 милиони евра, што е за 7,5 милиони повеќе од минатата година. И ова е историски највисока поддршка којашто до сега се случила, кажа претседателот на Владата, Христијан Мицкоски, на денешната седница за поставување на пратенички прашања.
Премиерот Мицкоски истакна дека Оперативниот план за самовработување е доказ дека државата инвестира во младите.
„Со овој план во 2025 година ќе бидат опфатени нешто повеќе од 16.500 лица. Нешто што мислам дека е најголем опфат до сега и јасен доказ дека државата практично инвестира во луѓето, а посебно во младите“, рече Мицкоски.
„До пред една недела издадени се вкупно 2.916 ваучери за изработка на бизнис план и дел од тие ги промовиравме во Владата. Оценети се 2.681, при што 1.140 се за млади до 29 години, 912 за лица над 29 години, а 629 за правни субјекти регистрирани како друштва со ограничена одговорност. Во моментот повеќе од 2.500 лица веќе се во процес на потпишување договори. Финансиската поддршка е значително зголемена: 7.000 евра за лица над 29 години или 14.000 евра ако се здружат во ДОО, и 10.000 евра за млади до 29 години или 20.000 евра ако се здружат во ДОО“, нагласи Мицкоски и додаде дека ова е нешто коешто за прв пат се случува во Македонија.
„Морам да кажам дека ги изненади и нашите очекувања и во годините коишто следат очекувам поддршката којашто е дел од овој Оперативен план за самовработување само да се зголемува, бидејќи ако ние со 40 милиони евра успеавме да анимираме повеќе од 16.500 луѓе, тоа е сериозна бројка и убеден сум дека од тие бизниси ќе излезат многу бизниси старт-ап коишто понатаму ќе донесат додадена вредност во македонската економија“, дециден е Мицкоски.
„Ваква поддршка за младите немало. Генерално зборувам, реконструкција на студентските домови, ваучерите за студентите за електронски уред и кога сето ова ќе се земе во предвид, ценам дека како Влада правиме нешто коешто до сега никој не го направил во независна Македонија за младите“, објасни Мицкоски.
Економија
Божиновска: ЕБОР останува еден од нашите најважни партнери во енергетскиот сектор
Министерката за енергетика, рударство и минерални суровини Сања Божиновска оствари работна средба со претставници на Европската банка за обнова и развој (ЕБОР), на која беше потврден силниот заеднички фокус кон унапредување на енергетската инфраструктура и забрзување на реформските процеси во земјата.
На средбите се разговараше за неколку стратешки проекти што ќе започнат во следната година, меѓу кои и проектот за батериски енергетски систем со капацитет од 300 MWh.
„ЕБОР останува еден од нашите најважни партнери во енергетскиот сектор. На средбата се усогласивме околу финализацијата на неколку стратешки проекти важни за 2026 година, меѓу кои и проектот за батериски енергетски систем на ЕСМ со вкупен капацитет од 300 MWh. Овој проект е клучен за стабилноста и флексибилноста на електроенергетскиот систем,“ истакна Божиновска.
На средбата се разговараше и за следните чекори во подготовката за воведување на ESCO-моделот во земјата. Двете страни ги разгледаа можните области за пилот-проекти и моделот на институционална соработка што ќе обезбеди несметана имплементација.
„ESCO-моделот е нова можност за граѓаните, институциите и целиот систем – модел кој дава реални резултати. Нашата цел е да создадеме јасна рамка, предвидливи процедури и подготвеност за негово постепено воведување,“ додаде министерката.
Министерството за енергетика и ЕБОР договорија во наредниот период да продолжат со заедничка техничка подготовка, со јасен фокус кон обезбедување услови за брза и успешна реализација на проектите што директно ќе ја зајакнат енергетската сигурност на земјата.
Економија
Со цена повисока од претходната до „ЕВН Хоме“ стасала само понудата на ЕСМ за набавка на струја
ЕВН Хоме соопшти дека на тендерот за набавка на струја за задоволување на потребите на корисниците за периодот јануари-декември 2026 добиле само една понуда и тоа од АД ЕСМ, со купопродажна цена на електрична енергија од 65 евра за мегаватчас, за покривање на 100% од вкупно планираните количини.
„Оваа цена е повисока за 4,84 % од претходната која беше добиена на последниот тендер на Универзалниот снабдувач (јуни-декември 2025), кога АД ЕСМ понуди купопродажна цена од 62 евра за мегаватчас.
Под комплетен надзор на Регулаторната комисија за енергетика и согласно законските обврски и претходно утврдената методологија, во наредниот период ЕВН Хоме ќе ја пресмета цената на електрична енергија по однапред утврдени влезни параметри.
Како и секогаш, во крајната цена влегуваат: цената по која АД ЕСМ ја продава електричната енергија на ЕВН Хоме, цената на Преносниот систем оператор МЕПСО, цената на Операторот на пазар на електрична енергија МЕМО, како и цената на Дистрибутивниот систем оператор Електродистрибуција“.
Путин постави клучен услов за завршување на војната, Зеленски го отфрла
Рускиот претседател, Владимир Путин, вчера изјави дека ќе ја запре офанзивата во Украина само ако Киев се повлече од териториите...
Првпат по 60 години, Русите не можат да испратат астронаути во вселената
Рампа на космодромот Бајконур во Казахстан беше оштетена за време на лансирањето на ракетата „Сојуз МС-28“ кон Меѓународната вселенска станица...
Трамп со драстична мерка: „Трајно ја забранувам миграцијата од Третиот свет“
Претседателот на САД, Доналд Трамп, најави драстична мерка – трајно суспендирање на миграцијата од сите земји од третиот свет. Шокантната...
Зеленски: Украинските и американските делегации ќе изработат „формула за мир“ оваа недела
Украинскиот претседател, Володимир Зеленски, денес изјави дека украинските и американските делегации ќе се состанат оваа недела за да ја изработат...
Мицкоски: Ако се жалат судиите со 3-4.000 евра месечни примања, тогаш како им е на дечињата во градинка кои немаат играчки за играње
Реновираме градинки, училишта, цениме дека е поголем приоритет отколку да ги зголемиме платите на судиите и обвинителите. Мислиме дека е...
Поради превенција од свлечиште на Водно надлежните на итна координација
Поради превенција за активирање на свлечиштето на падините на Водно, во близина на улиците „Белградска“ и „Партенија Зографски“, и реалната...
Филков до СДСМ: Груевски има политички азил, се занимавате со циркус, а не со реална работа
Министерот за правда Игор Филков одговарајќи на пратеничко прашање од Миле Талески од СДСМ, зошто не се бара екстрадиција на...
Мицкоски: Главен фокус в година ќе бидат капиталните инвестиции, целта е да дојдеме до раст на БДП над 4 отсто проценти
Премиерот Христијан Мицкоски на денешната седница во Собранието за пратенички прашања истакна дека в година главен фокус на Владата ќе...
Нема да биде екстрадиран: Ацо Боцевски, 28 години по убиството, живее во Грција и издава соби
Солунскиот жалбен совет одлучи да не го екстрадира во Македонија 60-годишниот Ацо Боцевски, познат под прекарот Циганот, осуден на повеќегодишна...
(Видео) Тешка сообраќајна несреќа во Србија: четири лица загинаа во судир на комбе и работна машина – валјак
Во тешка сообраќајна несреќа што се случи рано утрово, околу 6:20 часот, на патот помеѓу Ириг и Рума во Србија,...
(Видео) Сообраќајна несреќа во центарот на Скопје: пешак удрен од автомобил пред гимназијата „Јосип Броз-Тито“
Во текот на вчерашниот ден на улицата „Димитрие Чуповски“ пред гимназијата „Јосип Броз Тито“ во центарот на Скопје се случи...
Суспендирана миграцијата од Авганистан во САД откога Авганистанец застрела припадници на Националната гарда во близина на Белата куќа
Двајца припадници на Националната гарда на Западна Вирџинија се во критична состојба откако вооружен човек отвори оган врз нив во...
(Видео) Нови податоци: најмалку 55 лица загинаа во пожарот во облакодер во Хонг Конг
Бројот на жртви од катастрофалниот пожар што зафати станбен облакодер во Хонг Конг се искачи на најмалку 55, потврди противпожарната...
Двајца гардисти застрелани во близина на Белата куќа; Трамп: Животното што го изврши злосторството ќе ја плати највисоката цена
Двајцата војници на американската Национална гарда кои беа застрелани во близина на Белата куќа во среда се во критична состојба,...
Девојка убиена, млад маж повреден во напад на ајкула во Австралија
Една жена загина, а еден маж е сериозно повреден во напад од ајкула во близина на популарно место за сурфање...
Хамас побара евакуација на своите борци што останаа заробени во тунелите
Палестинската екстремистичка група Хамас ги повика земјите-посредници да извршат притисок врз Израел да им дозволи на десетици нејзини борци да...
Муцунски во Стразбур: Македонскиот јазик, идентитетот и достоинството на граѓаните не може да бидат предмет на преговарање
Министерот за надворешни работи и надворешна трговија, Тимчо Муцунски, попладнево учествуваше и се обрати на 24-тиот состанок на Мешовитиот парламентарен...
ДСЗИ нареди вонредно чистење и здравствени прегледи на вработените во училиштето „Димо Хаџи Димов“
Државниот санитарен и здравствен инспекторат освен затворање на кујната во училиштето „Димо Хаџи Димов“ во Влае како потенцијален извор на...
Гаши: Ниедно билатерално прашање не смее да стане пречка на нашиот европски пат
Ниедно билатерално прашање не смее да стане пречка на нашиот европски пат. Ние остануваме подготвени за принципиелен дијалог со сите...
Мицкоски: Нема да има нови ресори, еден човек ќе биде и вицепремиер и министер
Нема да има нови ресори, еден човек ќе биде и вицепремиер и министер за нешто, изјави денеска премиерот Христијан Мицкоски...
