Економија
Државната обврзница го зголеми прометот на берзата

Значително поголем промет кој изнесуваше 23.619.131,76 денари остварен е при денешното тргување на македонската берза за хартии од вредност.
Значително поголем промет кој изнесуваше 23.619.131,76 денари остварен е при денешното тргување на македонската берза за хартии од вредност.
Главниот виновник беше државната обврзница за денационализација од втората емисија, чиј промет изнесуваше 12.615.475,04 денари, а вкупниот промет со државните обврзници изнесуваше 13.844.902,76 денари.
Поголемиот дел од прометот беше остварен на официјалниот пазар, односно 21.847.882,76 денари беа остварени преку 118 трансакции. На редовниот пазар прометот изнесуваше 1.771.249,00 денари при реализирани 30 трансакции.
Акциските индекси беа дел од позитивниот бран што преобладуваше на берзата, така што продолжи позитивната тенденција на МБИ10, а МБИД забележа промена на трендот во однос на претходниот трговски ден. МБИ10 со порастот од 0,73% ја зголеми вредноста на 2.908,61 индексни поени, така што беше остварена растечка низа од два дена. МБИД оствари благо зголемување од 0,28%, а вредноста при затворањето на пазарот изнесуваше 3.153,86 индексни поени. ОМБ ја намали вредноста за 0,21% позиционирајќи се на ниво од 110,11 индексни поени. Убедливо најликвидна хартија од вредноста на целата домашна берза беше државната обврзница за денационализација од втората емисија со промет од 12.615.475.04 денари, што претставува 53,4% од вкупниот промет. Просечната цена изнесуваше 91,00% од номиналната вредност и беше без промена на дневна основа. Истргувани беа вкупно 225.400,00 денари кои се реализираа преку една трансакција.
Од акциите кои котираат на официјалниот пазар најтргувана беше Гранит Скопје со промет од 2.232.091,00 денари. Просечната цена изнесуваше 780,72 денари, предизвикувајќи пораст од 0,44%, така што порастот се одржува веќе четири дена едно по друго. Ценовниот распон се движеше од 780,00 денари до 790,00 денари. Истргувани беа 2.859 акции кои се реализираа преку 34 трансакции. Трета според ликвидност на официјалниот пазар беше Макстил Скопје со промет од 1.250.000,00 денари. Просечната цена од 250,00 денари по акција значеше пораст од 1,68%. Беа истргувани 5.000 акции кои се реализирани преку 11 трансакции. Од редовниот пазар најактивно се тргуваше со Тутунска Банка Скопје која оствари промет од 564.300,00 денари. Просечната цена од 4.950,00 денари предизвика пораст од 1,03% на дневна основа. Истргувани беа 114 акции кои се реализираа преку 7 трансакции. Втора според ликвидност од редовниот пазар беше Македонски Телеком Скопје со промет од 507.332,00 денари. Просечната цена од 471,50 денари резлутираше со пораст од 0,68%. Максималната цена изнесуваше 476,00 денари, а минималната 470,00 денари. Истргувани беа 1.076 акции кои се реализираа преку 9 трансакции. Пет најтргувани хартии од вредност1. Р.Македонија – Денационализација 02 2. Гранит Скопје3. Макстил Скопје4. Алкалоид Скопје 5. Стопанска Банка БитолаХартии од вредност со најголем раст1. Македонијатурист Скопје 5,00%2. РЖ Техничка контрола Скопје 4,84%3. РЖ Услуги Скопје 2,50%4. Жито Вардар Велес 2,22%5. Макстил Скопје 1,68%Хартии од вредност со најголем пад1. Витаминка Прилеп 9,31%2. Винарска визба Тиквеш Скопје 7,75% 3. Бетон Скопје 2,68%4. Стопанска Банка Скопје 1,26%5. Р.Македонија – Денационализација 08 0,85%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Објавен јавен повик за финансиска поддршка за набавка на трактори

Министерството за земјоделство, шумарство и водостопанство објави јавен повик за доставување на барања за користење на средства од Програмата за финансиска поддршка на руралниот развој за 2025 година, наменет за модернизација на земјоделските стопанства преку набавка на трактори.
Максималната поддршка по корисник изнесува 600.000 денари, поддршката се исплаќа на годишно ниво според реализацијата на деловниот план.
Јавниот повик се однесува исклучително за набавка на трактори – приклучната земјоделска механизација не е покриена.
Право на користење на средствата имаат земјоделски стопанства кои се запишани во Единствениот регистар на земјоделски стопанства во Министерство за земјоделство, шумарство и водостопанство, согласно Закон за земјоделство и рурален развој.
Земјоделци кои во претходните десет години користеле финансиска поддршка за набавка на трактори преку ИПАРД Програмата или Националните програми за рурален развој, не се прифатливи како корисници на оваа мерка.
Крајниот рок за доставување на барањата е 07.07.2025 година.
Економија
Берзите реагираат бурно на расправијата Трамп-Маск, акциите на „Тесла“ паѓаат

На Вол Стрит, берзанските индекси паднаа, главно поради наглиот пад на цената на акциите на „Тесла“, додека пазарот беше поддржан од веста за разговорот помеѓу американскиот и кинескиот претседател Доналд Трамп и Си Џинпинг. Индексот Дау Џонс падна за 0,25 проценти на 42.319 поени, додека S&P 500 се лизна за 0,53 проценти на 5.939 поени, а индексот Nasdaq падна за 0,83 проценти на 19.298 поени.
Акциите на Тесла паднаа за 14 проценти
Цената на акциите на производителот на електрични автомобили „Тесла“ падна за повеќе од 14 проценти, откако јавната расправија помеѓу извршниот директор Илон Маск и Трамп се интензивираше.
Цената на акциите падна во четири од последните пет трговски дена, откако Трамп и Маск ја започнаа својата вербална војна, за време на која „Тесла“ изгуби околу 150 милијарди долари пазарна вредност.
Маск ги засили критиките кон огромниот закон за даночни стимулации на претседателот во последните денови, додека Трамп тврди дека Маск е вознемирен затоа што законот ги елиминира даночните олеснувања за купување електрични возила.
„Последиците за акциите на ‘Тесла’ се очигледни. Но, не гледам никакви значајни последици за остатокот од пазарот, освен мало влијание врз индексите. Генерално, берзата има многу проблеми, но ‘Тесла’ не е еден од нив“, рече Марк Шпигел, менаџер за портфолио во Stanphyl Capital.
Сепак, пазарот беше поддржан од телефонскиот повик меѓу Трамп и Си. Нема дополнителни информации за разговорите, освен дека тие се поканија еден со друг на официјални посети. И тоа беше оценето како позитивно од пазарот, бидејќи неодамнешниот спор околу клучните минерали се закани да го наруши кревкото трговско примирје меѓу двете најголеми економии во светот.
Економија
АД ЕСМ со најповолна понуда за електрична енергија, соопшти „ЕВН хоме“

ЕВН Хоме како универзален снабдувач на електрична енергија, на тендерот за набавка на електрична енергија за задоволување на потребите на корисниците за периодот јули-декември 2025 доби најповолна понуда од АД ЕСМ со купопродажна цена на електрична енергија од 62 евра за мегаватчас, за покривање на 100% од вкупно планираните количини, соопштија од таму.
Оваа цена, како што појаснуваат, е идентична со претходната која беше добиена на последниот тендер на Универзалниот снабдувач (јануари-јуни 2025), кога АД ЕСМ понуди купопродажна цена од 62 евра за мегаватчас.
„Под комплетен надзор на Регулаторната комисија за енергетика и согласно законските обврски и претходно утврдената методологија, во наредниот период ЕВН Хоме ќе ја пресмета цената на електрична енергија по однапред утврдени влезни параметри.
Како и секогаш, во крајната цена влегуваат: цената по која АД ЕСМ ја продава електричната енергија на ЕВН Хоме, цената на Преносниот систем оператор МЕПСО, цената на Операторот на пазар на електрична енергија МЕМО, како и цената на Дистрибутивниот систем оператор Електродистрибуција“, се истакнува во соопштението.