Берзи
Цената на златото надмина 1.300 долари за унца, првпат по пет месеци
Цената на златото на светскиот пазар надмина 1.300 американски долари за унца првпат од август 2014 година, на основа на шпекулациите дека забавувањето на глобалниот раст ќе ги поттикне централните банки да ги зголемат монетарните политики за поттикнување, а во таква атмосфера се зголемува побарувачката на сигурните засолништа за капиталот.
Откако две години не беа наклонети да вложат во златото, инвеститорите повторно му се вратија на драгоцениот метал поради загриженоста дека растот на американската економија нема да биде доволен да ги надомести слабостите во другите странски економии.
Така фјучерсите за златото за испорака во март на берзата ICE во Лондон во средата надминаа 1.300 долари за унца и според показателот од 8 часот изнесуваше 1.300,4 долари, што претставува раст од 2,04 отсто во однос на затворањето на тргувањето во вторникот.
Во следните часови од тргувањето цената на златото за промптните испораки порасна за 0,6 отсто, на 1.303 долари за унца. Минатата седмица поскапи за 4,7 отсто, најмногу од 2013 година, бидејќи инвеститорите бараа сигурно засолниште за капиталот поради потресите на валутните пазари, во прв ред движењето на швајцарскиот франк. Годинава цената на златото веќе порасна за 9,8 отсто.
Фондот за злато ETF, според податоците на германската „Commerzbank“ привлекол на 14-ти и 15-ти јануари, максимален износ за два дена по ред од 2011 година.
Растот на цената златото забрза откако на финансиските пазари се зголеми неизвесноста во врска со неизвесноста во пресрет на очекувањето на квантитативното олеснување од страна на Европската централна банка (ЕСВ), како и укинувањето на „плафонот“ на цената на швајцарскиот франк кон еврото. На 15-ти јануари швајцарската централна банка се откажа од заштитниот курс на швајцарската валута во однос на европската, на 1,2 франци за евро, кој беше воведен во 2011 година за намалување на дефлаторните ризици и за поддршката на трговијата и економијата на Швајцарија.
Важно за движењето на цената на златото ќе биде заседанието на челниците на ЕСВ во четвртокот на кој инвеститорите очекуваат да ги слушнат поединостите во врска со програмата за квантитативно олеснување во еврозоната. Сето внимание е насочено сега кон ЕСВ, а се очекува на заседанието, првото редовно месечно во 2015-та, да ги објави програмите за купување на капитали и со тоа дополнителни да го ослаби еврото чиј курс е веќе на најниските нивоа во последните 11 години во однос на американскиот долар. Во фокусот е и јапонската централна банка „Bank of Japan“ која во средата ги намали прогнозите за инфлацијата и ја задржа досегашната многу блага монетарна политика.
Во таквата атмосфера цената на унцата злато достигна 1.126 изразено во евра, што е највисокото ниво од 2013 година. Златото инаку, во текот на 2014 година поевтини за 1,.4 отсто, откако претходната 2013-та цената му падна за дури 28 отсто, што значи дека забележа втора година по ред пад на цената по 2000 година. Подемот на акциите и подобрената состојба на американската економија ги обесхрабри поединечните вложувачи во смисла на инвестирањето во златото.
Во меѓувреме, се зголеми цената и на среброто, и тоа за 1,9 отсто, на 18,3327 долари за унца, што е неговото најголемо ниво од септември 2014 година.
„Прерано е да се тврди дека надолниот тренд кај златото навистина е сопрен. Промената којашто се случи изминатите месеци е дека стравот се врати. Некои инвеститори купуваат злато за да се заштитат од неизвесноста“, вели за Reuters Ленс Роберт, аналитичар во компанијата „STA Wealth“. И Меѓународниот монетарен фонд (ММФ) и Светската банка претходно во јануари ги намалија прогнозите за растот на глобалната економија, иако процените се зголемени за американската економија. Функционерите во Европа и во Азија се под притисок да преземат нови потези за да го поткрепат економскиот раст во контекстот на ниската инфлација којашто долго време е под посакуваната.
„Капиталот се насочува во безбедните засолништа, како што е златото. На пазарот во моментот има многу вести кои гои поддржуваат растот на цената на златото, вклучително и очекувањата за пониските стапки на глобалниот раст, неизвесноста околу тоа што ќе преземе ЕСВ, како и очекувањата за дополнителни монетарни мерки ширум светот“, коментираше за агенцијата Bloomberg Марк То, аналитичар во финансиската групација „Wing Fung“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Берзи
„Волстрит“ падна – ни САД ни Кина не попушта
На Волстрит цените на акциите нагло паднаа, губејќи дел од добивките од претходниот ден, бидејќи царинската војна меѓу Вашингтон и Пекинг не покажува крај.
Индексот Dow Jones падна за 2,50 отсто, на 39.593 поени, додека S&P 500 потона за 3,46 отсто, на 5.268 поени, а индексот Nasdaq за 4,31 отсто, на 16.387 поени.
Така, индексите загубија дел од добивките од претходниот ден, кога S&P 500 скокна за историски 9,5 отсто, а Nasdaq повеќе од 12 отсто.
По големите промени во последниве денови, S&P 500 сè уште е во пад од околу 7 отсто од средината на минатата недела, кога американскиот претседател Доналд Трамп најави дополнителни, реципрочни царини за американскиот увоз.
Откако Трамп во средата ја одложи примената на тие царини за 90 дена, многу земји вчера изјавија дека се подготвени да преговараат. Меѓу другите и Европската унија, која ги одложи своите контрамерки против царините на Трамп.
Но, царинската војна меѓу Вашингтон и Пекинг продолжува бидејќи Трамп ја зголеми вкупната царинска стапка за увоз на кинески стоки на 145 отсто, 125 отсто реципрочни царини и претходните 20 отсто поврзани со кризата со фентанил.
Кина, пак, од вчера применува царина од 84 отсто за увоз на американски стоки, покрај претходните 20 отсто на одредена група производи и вели дека нема да отстапи.
„Тешко е за инвеститорите да одлучат да купат акции со ваква нестабилност и неизвесност. Тие се загрижени за тарифите бидејќи е тешко да се процени како тоа ќе влијае на економиите“, рече Пол Нолте, аналитичар во Марфи и Силвест.
Затоа инвеститорите вчера не ги охрабрија подобрите од очекуваните податоци за ублажувањето на инфлацијата во САД во март. Се проценува дека инфлацијата најверојатно ќе се зголеми во наредните месеци поради воведувањето царини, додека челниците на американската централна банка велат дека нема да брзаат со намалување на каматните стапки, туку чекаат податоци кои ќе покажат како царините влијаеле на економскиот раст и на инфлацијата.
На европските берзи вчера пораснаа акциите. Лондонски FTSE индекс зајакна 3,04 отсто, на 7.913 поени, додека франкфуртски DAX скокна за 4,53 отсто, на 20.562 поени, а париски CAC зајакна 3,83 отсто, на 7.126 поени.
Берзи
Доларот нагло падна, еврото зајакна
На девизните пазари вредноста на доларот во однос на кошницата валути драстично падна минатата недела, бидејќи инвеститорите сметаат дека поради забавувањето на инфлацијата во САД заврши циклусот на зголемување на каматните стапки од страна на американската централна банка. Индексот на доларот, кој ја следи вредноста на САД во однос на шесте најважни светски валути, потона минатата недела за 1,9 отсто, на 103,81 поен, што е најниско ниво од почетокот на септември.
Истовремено, доларот падна за 2,1 отсто во однос на европската валута, па цената на еврото достигна 1,0910 долари. Остриот пад на курсот на доларот уследи по објавувањето во вторникот дека стапката на инфлација во САД се лизна на 3,2 отсто во октомври, од 3,7 отсто во септември.
И низа други извештаи потврдија дека инфлацијата се намалува, што ја поддржа тезата дека ФЕД нема да има потреба дополнително да ја заостри монетарната политика. Од март минатата година, ФЕД ги зголеми клучните каматни стапки за 5,25 процентни поени за да ја ограничи инфлацијата.
Сепак, на последните две седници челниците на ФЕД ги оставија каматните стапки непроменети, па инвеститорите сметаат дека циклусот на зголемување на цената на парите е завршен, иако од ФЕД велат дека е можно дополнително заострување на монетарната политика.
Во наредниот период, движењата на пазарот ќе зависат главно од шпекулациите за тоа кога ФЕД би можел да започне со намалување на каматните стапки. На пазарот на пари се проценува дека првото намалување на каматните стапки на ФЕД би можело да се случи во мај следната година, а до крајот на следната година каматните стапки би можеле да се намалат вкупно за еден процентен поен.
Берзи
Светските берзи драстично паѓаат, можно е дополнително зголемување на каматите
На светските берзи цените на акциите нагло паднаа минатата недела поради растот на приносите на обврзниците и пораката на претседателот на ФЕД Џером Пауел дека централната банка може дополнително да ги зголеми каматните стапки. На Волстрит, Доу Џонс индексот минатата недела падна за 1,6 отсто, на 33.127 поени, додека S&P 500 се лизна за 2,4 отсто, на 4.224 поени, а индексот Nasdaq се намали за 3,2 отсто, на 12.983 поени.
На берзата негативно влијаеше растот на приносите на американските државни обврзници. Во петокот приносите на 10-годишните обврзници се пробија над нивото од 5 отсто за прв пат по 16 години. Ова може да влијае на каматите на хипотеките и автомобилските заеми, каматите на кредитните картички… Покрај тоа, повисоките приноси на обврзниците ја намалуваат привлечноста на акциите бидејќи на инвеститорите им нудат добри приноси без никаков ризик.
Во такви околности, инвеститорите се повлекуваат од поризични инвестиции, како што се акциите, и бараат засолниште за својот капитал во инвестиции кои се сметаат за побезбедни во несигурни времиња, како што е златото. Како резултат на тоа, цената на унца злато се движи близу највисокото ниво во последните два месеци, околу 1.980 долари.
Поради сето ова, инвеститорите не беа охрабрени ниту од кварталните деловни резултати, иако поголемиот дел од компаниите од индексот S&P 500, кои досега објавуваа извештаи, остварија поголема заработка од очекуваната.
И на европските берзи цените на акциите драстично паднаа минатата недела. Лондонскиот FTSE индекс се лизна за 2,6 отсто, на 7.402 поени, додека франкфуртски DAX потона за 2,5 отсто, на 14.798 поени, а париски CAC 2,7 отсто, на 6.816 поени.
ВМРО-ДПМНЕ: Тошковски не сокри нешто, не рече дека законот не важи за неговиот татко
Апасиев е фрустриран од работата на Тошковски, бидејќи законот важи за сите, Левица да одговори како освен сутерен во строг...
ДУИ до Мицкоски: Ако целта е уривање на Охридскиот договор, која е алтернативата
Премиерот Мицкоски, со своето однесување, изјави и постапки, постапува на начин кој ги поткопува стандардите и одговорноста што се очекуваат...
Рубио: Ова не е наша војна, ние не ја започнавме
Американскиот државен секретар Марко Рубио изјави дека „сите треба да му се заблагодарат“ на американскиот претседател Доналд Трамп за мировните...
Левица: И таткото на Тошковски бил дел од бизнисот со мито за инвалидски пензии
Додека се обидува да изгради слика дека го руши корумпираниот систем, фактите кои се обзнануваат во јавност укажуваат како и...
Лавров: Спремни сме да се договориме со САД за Украина
Рускиот министер за надворешни работи Сергеј Лавров изјави дека Кремљ е подготвен да постигне договор со САД за Украина, но...
Руте: Русија е долгорочна закана за алијансата
Генералниот секретар на НАТО, Марк Руте, вчера, по разговорите со американскиот претседател Доналд Трамп, изјави дека членовите се согласуваат дека...
(Видео) Ѓоковиќ ги загуби нервите: Да ти е..м тенисот
Новак Ѓоковиќ целосно ги загуби нервите на официјалниот тренинг во Мадрид. Додека во главниот град на Шпанија се одржуваа натпреварите...
Осомничени уште три лица во предметот „Адитив“: меѓу нив и претседателката на Антикорупциска
Во рамките на постапката што се води за предметот Адитив, како резултат на екстрахираните електронски докази обезбедени во досегашната постапка,...
Образ ѓон, се уште седат и земаат илјадници евра плата: Мицкоски за членовите на Судскиот совет
„Вие пратениците изгласавте недоверба на членовите на Судскиот совет. Но, и покрај тоа што тие ја добија недовербата од страна...
Измами во давањето туѓа нега и инвалидски пензии, под истрага 49 лица, вмешани и лекари
Сузбиени две криминални групи, кои вршеле злоупотреби на постапката за стекнување право за туѓа нега и право на инвалидски пензии,...
Битола, Струга, Чаир се меѓу општините кои не аплицирале за проекти, рокот истекува за помалку од една недела
Седумнаесет општини воопшто не аплицирале за инфраструктурни општински проекти, за што Владата доделува средства од унгарскиот кредит. Во оваа група...
(Видео) Трајчулески до Мицкоски: Дали се разводнува истрагата за Кочани за да се заштитат актуелни функционери?
Пратеникот на СДСМ, Митко Трајчулески, на денешната собраниска седница посветена на пратенички прашања, упати прашање до премиерот Христијан Мицкоски, кое...
Таравари го поддржа апсењето лекари: Директорот на Геријатрија првин го разрешив, а потоа го исклучив од партијата, сите што грешат нека одговараат
Сите што грешеле, вклучително и лекарите, треба да одговараат, смета министерот за здравство Арбен Таравари по вчерашната полициска акција, која...
Речиси третина од фирмите, чии лиценци ќе се одземаат, имаат блокирана сметка или се неактивни, според истражувањето на Центарот за граѓански комуникации
Центарот за граѓански комуникации го објави истражувањето за фирмите кои се на списокот што го објави Министерството за транспорт и...
Владата ја прави премиерот, ако тој смета дека Алијансата за Албанците не му треба, ние немаме никаков проблем, вели Таравари
Министерот за здравство и лидер на Алијансата за Албанците, Арбен Таравари, не сака да избрзува со носење какви било политички...
Еден загинат по удар на гром во Прилепско
Регионалниот центар за управување со кризи (РЦУК) Битола, информира, дека преку 112 во ЦУК во 17.39 часот, била добиена пријава...
ДУИ: Она што порано доаѓаше однадвор, денес се спроведува однатре со Албанци што молчат или соработуваат на штета на колективните права на сопствениот народ
„Претставниците на коалицијата ЛЕН, кои со само 9 пратеници (1.3% ) тврдат дека ги претставуваат над 29% од Албанците во...
(Видео) Трамп до американски ветеран без нозе: Значи, те погодија, прекрасно
Американскиот претседател Доналд Трамп вчера во Овалната соба се сретна со група ранети американски ветерани, каде потпиша голем број нови...
Вучиќ оди во Русија на прославата на Денот на победата, ќе се сретне со Путин
Српскиот претседател Александар Вучиќ потврди дека на 9 мај ќе отпатува за Москва, каде ќе присуствува на парадата за Денот...
(Видео) Експлозии во Киев и Харков, дел од населението заробено под урнатините
Украинската воздушна одбрана дејствуваше рано утринава во украинскиот главен град Киев против комбиниран руски напад со беспилотни летала и ракети....
