Берзи
Падот на доларот го поткрепи растот на цените на нафтата

Цените на сировата нафта пораснаа во понеделникот на светските пазари, поткрепени од падот на вредноста на американскиот долар, а побарувачката би можела да ја зајакнат и нападите врз нигериските нафтени постројки, кои ја намалија понудата од Нигерија.
Цената на барелот сирова нафта на лондонскиот пазар порасна за 63 центи, на 50,27 долари, додека на американскиот пазар беше во плус 60 центи и изнесуваше 49, 22 долари за барел.
Учесниците во тргувањето истакнуваат дека цените пораснале по остриот пад на вредноста на доларот во петокот, откако слабите американски податоци за вработеноста во мај предизвикаа загриженост за кондицијата на најголемата светска економија и ги издишија очекувањата за скорешно подигнување на американските каматни стапки. Трговците сега го очекуваат говорот, подоцна во понеделникот, на челничката на американската централна банка, Џенет Јелен, во потрага по навестувања за натамошното движење на каматите.
Послабиот долар ја поддржува побарувачката на горива во остатокот од светот, бидејќи тоа оваа суровина, чијашто цена е изразена во американска валута, ја чини поевтина за другите земји. Воедно, со почетокот на светиот месец Рамазан, се очекува поголема побарувачка на годинава во мнозински муслиманските земји, што исто така ги зголемува цените.
Цените на нафтата добиваат поткрепа и од нападите врз нафтената инфраструктура во Нигерија, чиешто производство веќе се наоѓа на најниските нивоа во повеќе од дваесет години.
Досега намалените испораки од земјите како Нигерија и Либија беа надоместувани со растот на производството на Блискиот исток, особено Иран кој го зголемува производството откако во јануари му беа укинати децениските меѓународни санкции. Но Иран се враќа на меѓународните пазари побрзо отколку што се очекуваше, и забрзано се приближува до својот максимален производствен капацитет. А тоа значи дека натамошното нарушување на глобалното снабдување може повеќе нема да може да биде компензирано со растот на иранското производство.
Од друга страна, пак, растот на цените на нафтата го ограничуваат знаците за зголемувањето на производството во САД. Бројот на постројките за дупчење таму е зголемен за девет во седмицата до 3-ти јуни, подигнувајќи го вкупниот број на 325. Сепак, тоа е уште далеку под 642 постројки, колку што ги имаше на почетокот од годинава, објави компанијата „Baker Hughes“. И покрај тоа, американското производство на сирова нафта паднало до јануари за 5,4 отсто, односно за речиси 10 проценти од 2015 година, на 8,74 милиони барели дневно./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Берзи
Еврото ослабе во однос на доларот

Еврото падна во однос на доларот на меѓународните пазари, со оглед на тоа дека продажбата на акциите на европските пазари ја зајакна побарувачката за јенот и франкот.
Еврото падна 0,2 отсто, на 1,1429 долар ова утро. Во претходното тргување неговата цена се зголеми на 1,1472 долар, што е највисоко ниво за две недели.
Инвеститорите ги загрижува развојот на ситуацијата во кинеско-американскиот трговски план, преговорите за брегзитот и продажбата на акциите на американскиот пазар.
Поради стравувањата од забавување на кинеската економија, утринава под притисок се најде и австралискиот долар, кој исто така беше ослабен во однос на американскиот долар. Јенот зајакна спрема доларот 0,2 отсто, па доларот се продаваше за 112,33 јени. Цената на франкот се зголеми 0,3 отсто во однос на еврото, кое се тргуваше за 1,1344 франк.
Берзи
Европските берзи бележат драстичен пад

Тргувањето на европските берзи утринава почна со драстичен пад на најважните индекси под влијание на острите корекции на цената на нафтата и одлуката на италијанската влада да го игнорира барањето на Европската комисија да го ревидира својот буџетски предлог за в година.
Цените на нафтените компании се намалија во просек 1,9 отсто, а на рударските компании 2,1 отсто.
Трговците ги следат трендовите на пазарите на нафта по вчерашното намалување на цените на американскиот пазар повеќе од 7 отсто, што е најголема дневна загуба во последните две и пол години. Утрово се намали уште 0,5 проценти, на 55,40 долари, што е најниското ниво во една година.
На лондонскиот пазар цените за барел, по вчерашното опаѓање од 6,8 отсто, ова утро се намалија 0,2 отсто, на 65,35 долари, блиску до најниското ниво за осум месеци.
Берзи
Максимално јакнење на доларот во последните десет недели

Вредноста на доларот достигна 10-неделен максимум во петокот, додека инвеститорите очекуваа да видат дали податоците за економскиот раст ќе доведат до прекин на едномесечното зајакнување на националната валута.
Шпекулациите дека американските каматни стапки следната година ќе бидат зголемени поагресивно од очекуваното ќе влијаат на зајакнувањето на доларот во однос на еврото.
Федералните резерви се очекува да ги зголемат каматните стапки за 25 базични поени во декември.
Индексот на доларот се зголеми за 0,1 отсто во споредба со кошницата на валутите, на 96,749 поени, што е највисоко ниво од 16 септември.
Еврото, пак, падна на 10-неделен минимум од 1.135 долари.