Контакт

Економија

Екс директорите на Ericsson сведочат за раширената практика за подмитување

Објавено пред

Поранешните директори на шведскиот произведувач на телекомуникациска опрема „Ericsson“ тврдат дека оваа компанија плаќала десетици милиони долари мито во периодот од 1998 до 2001 година, пишуваат во средата шведските медиуми.

dobivaj vesti na viber

Поранешниот директор Лис-Олоф Нензел им доставил на американските финансиски регулатори документи коишто укажуваат на наводно подмитување, известуваат во средата дневниот весник Dagens Nyheter и јавното радио SR.

„Од седиштето на компанија во Стокхолм упатувани се преку Цирих огромни суми на тајни примачи ширум светот“, пишува Dagens Nyheter, сугерирајќи дека Нензел имал централна ролја во таквите активности.

Најголемите суми, според весникот, кои вклучуваат 1,4 милијарди шведски круни, или 140 милиони евра, се уплатени на банкарски сметки во Малезија, како и 736 милиони круни уплатени на сметки во Полска, преку британската даночна оаза Џерси.

Јавното радиот SR, пак, наведува дека пари се уплатувани на сметки на политичари и високи државни функционери во Костарика, вклучително и на поранешниот претседател Мигуел Анхел Родригез, „во времето кога Ericsson конкурирал за голем државен договор во областа од телекомуникациите“.

Се додава и дека радиото располага и со сведоштвата на „неколку поранешни водечки директори“ коишто под услов да останат анонимни „раскажаа дека се одговорни за активната корупција во здобивањето на договорите во голем број земји“.

Тврдењата за востановената практика за подмитување во Ericsson во шведските медиуми се појавуваат уште од 2010 година, но од компанијата упорно негираат какви и да се неправилности.

Во средата од Ericsson, според пишувањето на Dagens Nyheter, тврделе дека никогаш не пронашле „никакви докази за наводни исплати на мито“.

Во јуни годинава од споменатата шведска компанија известија дека против нив е покрената истрага, меѓу другото и во САД, а шведските медиуми пишуваа дека станува збор за случаи на наводна корупција во Кина и во Грција.

Од Ericsson во октомври предупредија дека нема да можат да ги исполнат очекувањата на финансиските аналитичари во поглед на деловните резултати, за потоа во деловниот извештај да објават дека третиот квартал го заклучиле со загуба од 233 милиони круни, поради слабите вложувања на операторите во мобилните мрежи./крај/мф/сн

Економија

Растот на руската економија го изненади ММФ

Објавено пред

Растот на руската економија го „изненади“ Меѓународниот монетарен фонд (ММФ) со оглед на санкциите воведени кон Москва поради војната во Украина. Во јануари ММФ прогнозира дека руската економија ќе порасне 2,6 отсто оваа година поради големите воени и лични трошоци поддржани од зголемувањето на платите.

dobivaj vesti na viber

Во октомври минатата година тие очекуваа раст од 1,1 отсто во 2024 година, што сега го предвидуваат во 2025 година, изјави вчера директорката за комуникации на ММФ, Џули Козак, во Вашингтон.

Значајните социјални трансфери ѝ помагаат и на потрошувачката, додаде Козак, предупредувајќи на знаци на прегревање на економијата, како што е зголемената инфлација.

Во среднорочна перспектива растот треба да забави, со оглед на исклучувањето на Русија од меѓународниот финансиски систем, ограничениот пристап до технологијата и губењето дел од висококвалификуваната работна сила, наведува. Сите овие фактори значително ќе влијаат на растот и перспективите на економијата на среден рок, заклучи претставникот на ММФ.

Прикажи повеќе...

Економија

Поскапува мазутот, цената на бензинот и на дизелот не се менува

Објавено пред

Регулаторната комисија за енергетика, водни услуги и услуги за управување со комунален отпад донесе одлука со која се врши зголемување на малопродажните цени на нафтените деривати во просек за 0,49 отсто во однос на одлуката од 19.2.2024 година.

dobivaj vesti na viber

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 0,829 %, кај дизелот 2,669 %, кај екстра-лесното масло 1,719 % и кај мазутот зголемувањето е 3,215 %.

Курсот на денарот во однос на доларот во изминатиот период по кој беа формирани цените со претходната пресметка е повисок 0,015 %.

Од 23.2.2024 година, од 00.01 часот, максималните цени на нафтените деривати ќе изнесуваат:

Моторен бензин ЕВРОСУПЕР БС-95 – 83,00 (денари/литар)

Моторен бензин ЕВРОСУПЕР БС-98 – 85,50 (денари/литар)

Дизел-гориво ЕВРОДИЗЕЛ БС (Д-Е V) – 80,50 (денари/литар)

Масло за горење екстра-лесно 1 (ЕЛ-1) – 77,50 (денари/литар)

„Мазут М-1 НС“ – 42,901 (денара/килограм)

Малопродажните цени на бензините ЕВРОСУПЕР БС-95 и ЕВРОСУПЕР БС-98 и на ЕВРОДИЗЕЛОТ (Д-Е V) и на екстра-лесното масло за домаќинство (ЕЛ-1) не се менуваат.

Малопродажната цена на „мазутот М-1 НС“ се зголемува 1,020 денар/кг и сега ќе изнесува 42,901 денара/кг.

Напоменуваме дека ова се максималните цени на нафтените деривати од 00.01 часот на 23.2.2024 година. Трговците на големо и трговците на мало со нафтени деривати и горива за транспорт може да ги формираат цените на одделни нафтени деривати и горива за транспорт и пониско од највисоките утврдени цени.

Прикажи повеќе...

Економија

Народната банка и ЕИБ ќе соработуваат за поддршка на зелените финансии

Објавено пред

Народната банка и Европската инвестициска банка (ЕИБ), денеска, потпишаа Договор за соработка, со кој се обезбедува поддршка на напорите на Народната банка во сферата на зелените финансии. Договорот беше потпишан од страна на гувернерката, Анита Ангеловска-Бежоска и претставникот на ЕИБ во земјава, Бјорн Габриел, додека на средбата присуствуваше амбасадорот на ЕУ, Н.Е. Дејвид Гир, амбасадорката на Сојузна Република Германија, Н.Е. Петра Дрекслер, како и дел од тимот на Народната банка.

dobivaj vesti na viber

Соработката помеѓу двете институции се состои во консултантска поддршка за централната банка за понатамошно унапредување на регулаторната и супервизорската рамка за управување со климатските ризици, како и на капацитетите за известување, собирање и обработката на податоци за зелените финансии. Целта е преку овие активности да се зајакне разбирањето на изложеноста на климатските ризици кај корпоративниот сектор од страна на банките и да се поддржат одржливите практики. Соработката ќе се спроведува во рамки на Програмата на ЕИБ за зелени финансиски системи.

Гувернерката посочи дека Народната банка почнувајќи од 2020 година, постојано презема мерки и активности за поттикнување на финансирањето на зелената трансформација на нашата економија. “Досега преземените мерки и активности на Народната банка за поттикнување на зеленото финансирање, како и идните чекори се содржани во првиот Среднорочен план на активностите на Народната банка во доменот на управувањето со климатските ризици. Спроведувањето на планираните активности од Среднорочниот план е веќе започнато. Во насока на зајакнување на отпорноста на банкарскиот систем на климатските ризици, Народната банка неодамна усвои Насоки за банките за начинот на управување со ризиците поврзани со климатските промени. Првичните анализи за оцена на изложеноста на банкарскиот систем на физички и транзициски ризици поврзани со климатските промени, кои се темелат на тековно расположливите податоци во овој домен се особено значајни, и во наредниот период е предвидено да се продлабочат, а во подготовка е и Преглед со зелени показатели”, истакна Ангеловска-Бежоска.

Киријакос Какурис, потпретседателот на ЕИБ, кој е одговорен за операциите во земјава, изјави: „како дел од Тимот Европа, среќни сме што сме активен придонесувач за зелената транзиција и целите за одржливост на Северна Македонија. Договорот со Народната банка се заснова на одличната соработка воспоставена во последните неколку години. Тој ги надополнува другите наши активности во Северна Македонија, како што е „зелената“ кредитна линија потпишана во 2023 година со Развојната банка на Северна Македонија (РБСМ), како и проектите за одржлив транспорт, енергетска ефикасност и заштита на животната средина во рамките на Економскиот и инвестицискиот план. Овие активности имаат големо значење за Северна Македонија, која има за цел да стане дел од семејството на ЕУ и ги усогласува своите активности со Зелената агенда и Парискиот договор“.

Германската амбасадорка во земјава, Петра Дрекслер, изјави дека „постојат три карактеристики кои се особено погодни за карактеризирање на денешните германско-македонски односи: цврсто европски, економски одржливи, климатски ориентирани. „Програмата за зазеленување на финансиските системи“ го илустрира ова на прекрасен начин. Финансискиот сектор игра клучна улога во приближувањето кон одржлива, отпорна глобална економија, која ги зачувува ресурсите. Без инвестиции во климатската отпорност, не може да има одржливи економии во иднина. Затоа, климатската акција е основен столб на германската надворешна политика. Благодарна сум на Европската инвестициска банка и на Народната банка на Северна Македонија што се наши партнери во ова“.

Шефот на делегацијата на ЕУ во земјава, амбасадорот Дејвид Гир забележа: „Финансиските институции и регулаторите може да играат важна улога во акциите за борба против климатските промени. Со обезбедување приспособена техничка помош за Народната банка на Северна Македонија и локалните комерцијални банки, оваа програма ќе помогне во развојот на ефикасно зелено кредитирање и инвестиции во Северна Македонија, а со тоа ќе придонесе за климатските цели на земјата“.

Програмата на ЕИБ за зелени финансиски системи обезбедува техничка помош за градење финансиски системи кои се отпорни на ризиците кои произлегуваат од климатските промени, со крајна цел поддршка на приватниот сектор во процесот на насочување на расположливите средства во климатски и еколошки одржливи инвестиции. Програмата е финансирана од Меѓународниот фонд за климатска иницијатива на ЕИБ, во име на германското Сојузно Министерство за економски прашања и климатски активности. Таа претставува заеднички придонес на германското Сојузно Министерство за економски прашања и климатски активности и Европската инвестициска банка кон работата на NDC Partnership, а пред се’ кон иницијативата „Поддршка за подготвеност за зелени централни банки“ и Национално утврдените придонеси на РСМ.

На средбата беше заклучено дека меѓуинституционалната соработка, координираниот национален пристап и градењето системи за поголема отпорност и ублажување на штетите, се од суштинско значење за справувањето со климатските промени коишто се идентификуваат како еден од најголемите ризици во светот на кус и на долг рок. Улогата на меѓународните финансиски институции и нивната подготвеност за поддршка во овој домен е од исклучителна важност за нашата земја.

Прикажи повеќе...

Најново

Македонија13 часа

СДСМ: Претседателот на државата да се бира на непосредни избори, а не во Собрание

Остануваме на ставот претседателот на државата да се бира на непосредни избори, велат од СДСМ потенцирајќи дека идејата претседател да...

Македонија15 часа

Матичните бараат да им се одврзат рацете за рано да откриваат ретки болести: имаме ограничен пристап до лабораториски анализи

Кампања за рано откривање на ретките болести во март ќе почнат Здружението „Живот со предизвици“ и Здружението на лекарите по...

Топ15 часа

Пукање среде бел ден во угостителски објект во Чаир, маж застрелан во ногата

Маж бил застрелан во ногата во угостителски објект вчера на пладне во скопската населба Чаир. „Полицијата го приведе А.К.(36) од...

Македонија15 часа

Укинат притворот за шестемина осомничени за упадот во М-НАВ

Јавен обвинител од Основното јавно обвинителство Скопје до судии на претходна постапка при Основниот кривичен суд Скопје, денеска, достави предлози...

Македонија17 часа

Ковачевски ја праша опозицијата кое им е мислењето за уставното име: Или Северна или никогаш Северна, ако си маж, биди маж до крај

Лидерот на СДСМ, Димитар Ковачевски кажа дека рокот на траењето на патните исправи за меѓународна употреба е согласно закон, усогласен...

Македонија17 часа

Бочварски: Обезбедуваме брза лента за издавање патни документи за професионалните возачи

На сите транспортери и превозници, кои вршат транспортна дејност и поседуваат сертификати за професионални возачи, во следниот период им се...

Македонија18 часа

На Ковачевски не му е незгодно што побарал апанажа, вели: сѐ е според законот

Лидерот на СДСМ, Димитар Ковачевски, кој беше во посета на компанијата Киел Македонија ДООЕЛ Желино, на прашањето дали не му...

Македонија18 часа

Бараме масивна поддршка од Албанците за Османи за да ни се овозможи да го измениме Уставот, вели Арбер Адеми

„Демократска Унија за Интеграција, како што најави во текот на вчерашниот ден лидерот Али Ахмети, започна со собирање на потписи...

Македонија21 час

Прилепчанецот што исчезна пред два дена пронајден мртов, погребот ќе се одржи денеска

Александар Јошески од Прилеп, кому му беше изгубена трагата завчера попладне, синоќа беше пронајден починат. На „Фејсбук“ се огласи и...

Македонија21 час

41-годишна Македонка избодена до смрт пред очите на малолетниот син во Германија: сопругот е главниот осомничен

41-годишна Македонка била избодена до смрт од нејзиниот сопруг пред нивниот 8-годишен син, пренесува германски „Билд“. Повредите на Македонката, како...

Свет22 часа

Израел испраќа тим предводен од шефот на Мосад на преговори во Париз

Воениот кабинет на Израле денеска испраќа преговарачки тим во Париз. Тимот ќе го предводи шефот на Мосад, Дејвид Барнеа. Тие...

Македонија22 часа

Бојмацалиев на граница ги пречека новите 140.000 обрасци за пасоши: апелира, граѓаните навремено да ги поднесат барањата за промена на пасошите

Синоќа, дополнителниот заменик-министер за внатрешни работи, Митко Бојмацалиев, на граничниот премин Богородица ги пречека новите 140.000 обрасци за пасоши демонстрирајќи...

Македонија22 часа

ДПМНЕ и министерот за внатрешни целосно го заглавија процесот на вадење пасоши, велат од СДСМ

ДПМНЕ ги лаже граѓаните и создава уште поголем проблем со извадањето нови пасоши, оценуваат од владејачката СДСМ. Од една страна,...

Македонија22 часа

ВМРО-ДПМНЕ: Ги затворија граѓаните во својата држава, пратениците на СДС и ДУИ да гласаат за продолжување на важноста на пасошите

Пратениците на СДС и ДУИ имаат шанса колку толку, да ја исправат својата грешка со пасошите и малтретирањето на целиот...

Европа23 часа

(Видео) Голем пожар зафати зграда во Шпанија, има загинати и исчезнати

Најмалку 4 лица загинаа во голем пожар кој зафати зграда во шпанскиот град Валенсија. Повредени се 14 лица, меѓу кои...

Свет23 часа

(Видео) Верижен судир на повеќе од 100 возила на автопат во Кина, неколку повредени

Неколку лица се повредени во Кина, во верижен судар во кој учествувале повеќе од 100 автомобили, јавија денеска кинеските државни...

Македонија2 дена

Коалицијата Вреди: Али Ахмети се исплаши од Таравари, Бујар Османи оди курбан

„Изјавата на Ахмети за „големата вест” потврдува најмалку две работи. Првата, дека ДУИ е безидејна партија која со предлози извадени...

Македонија2 дена

Застарува предметот „Моќник“, во кој е обвинет Антонијо Милошоски

Предметот „Моќник“, во кој е обвинет пратеникот од ВМРО-ДПМНЕ, Антонијо Милошоски, застарува, соопшти Кривичниот суд. „Поради интерес на медиумите и...

Македонија2 дена

Синдикатот ги повика пратениците: Не гласајте измени со кои судската администрација нема да добие покачување на платата од 2.000 денари

Претседателката на Независниот синдикат на судска администрација, Јасмина Величкова, ги повика пратениците да не ги гласаат законските измени со кои...

Македонија2 дена

Лекарската комисија не дала прецизно мислење од што треба да се лекува Леонид, Фондот за здравство вина гледа и во законот

Вината за случајот со младиот Леонид, Фондот за здравство ја гледа во првостепената лекарска комисија која го донела конзилијарното мислење,...