Економија
Европска бизнис награда за „Везешари“
Компанијата за производство на јајца „Везешари“ е национален шампион од Македонија, прогласен на најголемиот Европски бизнис натпревар.
По првата фаза на оценување, Везешари е оценета од независни судии врз основа на вредностите на ЕБА за иновација, етика и успех. По ова, компанијата го продолжува својот пат кон втората фаза од натпреварот, која вклучува видео и јавно гласање.
За Арбен Абдурахмани, еден од сопствениците на Везешари, оваа награда е пример за препознавање на успехот на една македонска компанија во Европа.
„Ние сме горди што сме избрани да ја претставуваме Македонија како Национален шампион. Европските бизнис награди се познати како пример за европските динамични компании и сме горди што сме препознаени на ова ниво“, вели Абдурахмани.
Овие награди се воспоставени да ја прослават успешноста во бизнисот и најдобрите деловни практики на европската бизнис заедница. Тие се поддржани од бизнис лидери, академици и политички претставници. Годинава се вклучени повеќе од 33.000 компании од 34 држави.
Извршниот директор на Европските бизнис награди, Адриан Трип, го честита изборот на Везешари за Национален шампион „Честитки до компанијата Везешари која е избрана да ја претставува Македонија како Национален шампион. Тие се насочени кон успехот на европската бизнис заедница и ги покажуваат вредностите за иновативност, етика и успех“.
Во следната фаза Националниот шампион ќе направи презентациско видео преку кое ќе ја покаже својата уникатна приказна и ќе го објасни својот деловен успех. Независни судии ќе ги наградат најдобрите видеа од оваа група со статусот “Ruban d’Honneur“ и селектираните компании ќе бидат присутни на Гала финале во 2017 година.
Корпоративните видеа ќе бидат поставени на веб страната на Европските Бизнис Награди и компанијата која ќе добие најмногу поени во својата држава ќе биде Национален Јавен Шампион. Во натпреварот 2015/16 беа вклучени сите ЕУ членки плус Турција, Норвешка, Швајцарија, Србија и Македонија./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Владата предложи покачување на платите за администрацијата до 40 отсто, со почетно зголемување од 8 проценти од април
Премиерот Христијан Мицкоски, изјави дека денешната средба со Синдикатот на УПОЗ била конструктивна и дека на маса е предлог за зголемување на платите на административните службеници за 40 проценти во наредниот период.
Во интервју за Дневникот на МРТ, Мицкоски рече дека Владата ги презентирала условите и правилата под кои е подготвена да го реализира процесот на покачување на платите и дека сега се очекува одговор од синдикатите дали го прифаќаат предлогот.
„Денеска имавме состанок со УПОЗ. Ние дадовме понуда, истата онаа понуда за која јас зборував во јавноста. Ги поставивме условите и правилата под кои сме подготвени да го движиме овој процес напред“, изјави Мицкоски.
Тој посочи дека претставниците на УПОЗ и КСС најавиле дека ќе се консултираат со своите раководства и дека во текот на утрешниот ден ќе ја соопштат нивната одлука. Доколку се постигне согласност, според најавите, договорот би бил финализиран во недела, а од понеделник би започнала изработка на примерок на индивидуален синдикален договор.
Мицкоски појасни дека исплатата на зголемените плати би започнала во април, за мартовската плата, со осумпроцентно зголемување на збирот од постојната плата и минималната плата. Истиот модел би се применувал и во 2027 и во 2028 година.
„Тоа значи дека за околу две години и два до три месеци, административните службеници ќе имаат најмалку 40 проценти повисоки плати во споредба со сегашното ниво“, истакна премиерот.
Економија
Биткоинот забележа силен пад
Цената на биткоинот денеска падна под 67.000 долари, првпат од ноември 2023 година, во услови на засилена распродажба и намалена доверба кај инвеститорите, објави Си-Ен-Би-Си.
Биткоинот се тргуваше по цена од околу 67.500 долари, откако претходно во текот на денот падна под психолошката граница од 70.000 долари, што дополнително ја засили распродажбата. Само оваа недела вредноста на криптовалутата е намалена за околу 20%, а во однос на рекордното ниво од октомври минатата година е пониска за речиси 47%.
Аналитичарите предупредуваат дека нивото од 70.000 долари претставува клучна техничка и психолошка граница и дека нејзиното пробивање отвора простор за понатамошен пад, потенцијално кон опсегот од 60.000 до 65.000 долари.
Падот на биткоинот се случува паралелно со слабеењето на технолошките акции во САД и зголемените присилни ликвидации на криптопазарот. Според податоци на Coinglass, оваа недела се ликвидирани повеќе од 2 милијарди долари во долги и кратки позиции.
Во исто време, институционалните инвеститори се повлекуваат. Аналитичката куќа CryptoQuant наведува дека побарувачката од институционални инвеститори значително се намалила. Другите криптовалути исто така бележат значителни загуби.
Економија
„Сетек“ отвора нов продажен салон во Godi Retail Park
Сетек – ја зацврстува својата лидерска позиција на македонскиот пазар со повеќе од 32 години доверба и врвна понуда на најновите производи од најпрестижните светски брендови.
Брендот продолжува со својата мисија да ја донесе технологијата поблиску до своите потрошувачи, да ги понуди најдобрите услови, најповолните цени и најдобрата услуга.
Големото отворање ќе се одржи од 6 до 8 февруари, ново место, нова енергија, нов, модерен Сетек продажен салон во Godi Retail Park – Скопје, со промотивни цени, најголеми попусти и над 300 подароци за најверните купувачи.
Во текот на отворањето, посетителите ќе имаат можност да уживаат во интерактивни демо-зони со тестирање и дегустации на врвни производи, како и специјална забавна програма.
СПЕЦИЈАЛНА ПРОГРАМА:
Петок, 6 февруари – забава со Гораст и Тони Зен
Сабота, 7 февруари – забава со Викса и DJ Дела
Подароци ве очекуваат со секоја сметка над 10.000 денари.
Посетете нè и бидете дел од најголемата технолошка забава во градот!
Количините се ограничени. Промотивните цени важат исклучиво во СЕТЕК Godi Retail Park – Скопје.
(ПР)

