Највисоко ниво на доларот кон кошницата валути во седум седмици

Курсот на американскиот долар достигна во средата највисоко ниво во последните седум седмици на меѓународните пазари, а поддршката му ја пружија сигналот од американската централна банка Federal Reserve (Fed) за можниот раст на каматните стапки уште во март.

Во таквата атмосфера на пазарите американската валута зајакна за 0,7 отсто во однос на јапонската, на 113.6- јени. Зајакна и 0,3 отсто во однос на заедничката европска валута, па со еврото се тргуваше по 1,0544 долари.

Со тоа индексот на доларот, која ја мери вредноста на американската кон другите шест најзначајни светски валути, на земјите најголеми трговски партнери на сАД, порасна за околу 0,5 отсто.

Во фокусот на инвеститорите беа изјавите на претседателот на филијалата на Fed во Њујорк, Вилијам Дадли, инаку близок соработник на претседателката Џенет Јелен, дека аргументите за заострување на монетарните политики станале далеку појасни.

Слична порака испрати и неговиот колега од филијалата на Fed во Сан Франциско, Џон Вилијамс, велејќи дека зголемувањето на каматните стапки на дневен ред се теми коишто сериозно ќе бидат разгледувани, имајќи ја предвид полната вработеноста и забрзувањето на инфлацијата во САД.

Поради таквите пораки очекувањата на пазарите во врска со нивното можно зголемување на седмицата во март сега се зголеми на речиси 70 отсто, додека уште во вторникот тие шанси изнесуваа само малку повеќе од 30 отсто.

„Тие изјави на функционерите на Fed во текот на оваа седмица го поткрепуваат очекувањата на пазарите кои се понаклонети на заострување на монетарната политика, па на доларот му пружија одредена поддршка“, вели за Reuters Митул Котеча, валутен аналитичар во „Barclays“.

Учесниците на пазарите во вторникот го следеа говорот на американскиот претседател Доналд Трамп во желба да дознаат детали во врска со планот со ветувањето за поттикнувањата, во прв ред на оние кои се поврзани со даночната политика. Иако се осврна на ветувањето на позначителните поттикнувања на планот на оданочувањето на средната класа, Трамп не изнесе натамошни поединости кои инвеститорите ги очекуваа./крај/мф/сн