Контакт

Компании

ЕЛЕМ: СДСМ манипулира со податоците за производството и увозот на електрична енергија

Објавено пред

СДСМ се обидува да ја манипулира јавноста со тези и податоци за производството на електрична енергија, конзумот и увозот кои немаат врска со реалноста, заради ситни дневнополитички поени и ги извртуваат информациите искажани на денешната прес-конференција на АД ЕЛЕМ за електро-енергетските состојби во Македонија во екстремни временски услови, стои во реакцијата на АД ЕЛЕМ на соопштението на СДСМ од неделата.

dobivaj vesti na viber

Претходно СДСМ презентираше документација за којашто тврди дека покажува оти струја се увезувала веќе три дена, а не само четири часа како што тврди директорот на ЕЛЕМ, и тоа по прескапа цена, соопштија во неделата од СДСМ објавувајќи документи кои според нив ги покажуваат набавките на АД ЕЛЕМ. Според документите струја, ЕЛЕМ барала интервентен увоз на струја не само за самотата, туку и за неделата и за во понеделни, СДСМ тврди дека цената за увоз е скапа и повисока за околу 30 отсто од вообичаеното.

Според компанијата, пак, неосновани се обвинувањата од СДСМ дека АД ЕЛЕМ објавила дека цената на набавената електрична енергија за потребите на тарифните потрошувачи изнесува 40 евра за мегаватчас.

„Напротив, на денешната прес-конференција, АД ЕЛЕМ детално информираше по која цена е набавената електрична енергија, периодот за кој е набавена, како и за постапката која е спроведена согласно сите востановени пазарни правила, утврдени од Регулаторната комисија за енергетика. Впрочем, цените, количините и периодот за набавка уште во текот на вчерашниот ден транспарентно се објавени на веб страната на АД ЕЛЕМ“, се наведува во одговорот на државната компанија.

Потсетуваат дека со Одлука на менаџментот на АД ЕЛЕМ во ноември и декември минатата година, не само што немало увоз, туку била реализирана продажба на вишоци на електрична енергија по повисоки цени, а со додадената вредност што била остварена се набавува електрична енергија во период со екстремни временски услови кога и побарувачката и потрошувачката на електрична енергија во Европа е на највисоко ниво.

„Повторуваме дека станува збор за набавка на електрична енергија по поволна цена, со оглед на фактот што поради екстремните временски услови и проблемите со производните капацитети со кои се соочуваат многу земји од југоисточна Европа, други енергетски системи во регионот набавуваат електрична енергија и по цени од 100 евра за мегаватчас“, се наведува во соопштението.

Воедно, се нагласува дека не станува збор за интервентен увоз, туку за набавка спроведена согласно сите правила и процедури донесени од Регулаторната комисија за енергетика.

Исто така, се отфрла и тезата на СДСМ дека јавноста не била информирана за исклучувањето на ТЕ Битола 3 од електроенергетскиот систем и се наведувајќи дека АД ЕЛЕМ информирал во детали оти станува збор за техничко-технолошки настан, кој е својствен за четиридецениското постоење на РЕК Битола, а не за дефект од поголеми размери.

Ова, е, се посочува, прв застој на ТЕ Битола 3 по речиси половина година со оглед дека овој капацитет во континуитет испорачува електрична енергија од август минатата година, појаснуваат од АД ЕЛЕМ и информираат дека се прават напори до крајот на денот, блокот да биде целосно оспособен и до раните утрински часови да биде синхронизиран во електроенергетскиот систем./крај/мф

Економија

Нов репер во компактната класа: претставен целосно новиот Audi Q3

Објавено пред

· Претставен новиот Audi Q3 во својата најдобра форма: динамични и моќни пропорции на SUV избалансирани со пространа внатрешност.

dobivaj vesti na viber

· Ефикасност, динамика на возење и удобност: нов систем на амортизери, моќна хибридна технологија и ефикасни мотори.

· Дигитален придружник за секој ден: помош при возење и технологија за осветлување и иновативен концепт за контрола за уште поголема удобност.

Audi Q3 е добро воспоставен бестселер во премиум компактниот сегмент повеќе од десет години. Новата, трета генерација поставува нови стандарди во неколку аспекти. Надворешноста на модерниот SUV буди самодоверба и емоции. Бројни иновативни карактеристики го претвораат Audi Q3 во дигитален придружник. Тие обезбедуваат првокласно корисничко искуство и исто така обезбедуваат поголема удобност и безбедност за возачот и другите учесници во сообраќајот благодарение на многуте системи за помош. Во прилог на добро избалансираната шасија, дигитализацијата на светлата исто така ги зголемува придобивките за клиентите. Висок степен на персонализација и адаптивни светлосни функции со висока резолуција се овозможени со новата микро-LED технологија во дигиталните Matrix LED фарови. Друга карактеристика на новиот Audi Q3 е ефикасноста, делумно електрифициран мотор со внатрешно согорување со блага хибридна технологија и хибриден модел со електричен опсег до 119 километри.

Гернот Делнер, извршен директор на AUDI AG изјави: “Со вкупно повеќе од два милиони возила продадени ширум светот од лансирањето на првата генерација, Audi Q3 е еден од нашите најдобро продавани модели и има висок статус во нашето портфолио на производи. Со третата генерација на Audi Q3, ние обновуваме важна семејство на модели како дел од нашата иницијатива за производи и го зајакнуваме нашиот опсег со моќен хибрид со приклучување и ефикасни мотори со внатрешно согорување. Новиот модел комбинира ефикасност, динамика на возење и удобност. Во прилог на ефикасните и делумно електрифицирани мотори со внатрешно согорување, Audi Q3 нуди нова адаптивна амортизација која овозможува баланс помеѓу удобност и динамика. Џефри Буко, член на Управниот одбор за технички развој на AUDI AG, додава: “Со ентериерот на Audi Q3, ние ја пренесуваме дигиталната сцена од целосна во компактна класа. Иновативниот оперативен концепт и бројните системи за помош ја зголемуваат безбедноста и удобноста и го прават Audi Q3 идеален дигитален придружник за секојдневниот живот.

Во споредба со својот претходник, новиот Audi Q3 има уште поемоционален дизајн. Широката Singleframe предна решетка и елегантните конусни фарови се целосно интегрирани во аеродинамичниот концепт. Гледано од страна, хоризонталната линија помеѓу фаровите и задните светла визуелно го дели автомобилот на два дела, создавајќи специјална дистрибуција на светлина и сенка.

Задниот дел е украсен со опционални дигитални OLED задни светла, надополнети со континуирана LED светлосна лента и осветлени прстени. Ова ниво на технологија за осветлување понудено во новиот Audi Q3 е достапно за прв пат во компактниот сегмент од Audi.

Предниот дел на компактниот SUV има дигитални Matrix LED фарови кои користат микро-LED модул за прв пат во Audi Q3. Употребата на оваа микро-LED технологија значително го подобрува осветлувањето и на тој начин обезбедува силен контраст на патот. Функциите за насочување на светлината сега се многу потесно поврзани со функциите за помош на возачот. Дигиталните дневни светла со LED технологија, кои се состојат од 23 сегменти од секоја страна, создаваат карактеристични светлосни потписи кои го прават возилото лесно препознатливо на патот.

Во ентериерот, новата контролна единица на воланот значи повеќе простор за складирање на централната конзола, ново корисничко искуство и подобро чувство за простор. Управувачката единица на воланот за прв пат интегрира две нови рачки на воланот. Рачката од десната страна служи како селектор на брзината, додека левата како контролен елемент за функциите на светлината и метличките на ветробранско стакло. Исто така, за прв пат во компактниот сегмент на Audi, можно е да се нарача акустично стакло за предните странични стакла, што ја прави подобра внатрешната акустика, особено при големи брзини. Волуменот на багажникот од 488 литри исто така ја демонстрира практичноста на Audi Q3. Со склопената клупа на седиштето, просторот за складирање на Audi Q3 се зголемува до 1.386 литри. Седиштето може да се поместува по должина, а нејзиниот агол може да се прилагоди. Автомобилот има капацитет за влечење до 2.100 килограми.

Почетниот модел во фамилијата на Audi Q3 е Audi Q3 SUV TFSI 110 kW, четирицилиндричен бензински мотор со блага хибридна технологија. Audi Q3 SUV TDI 110 kW е особено погоден за возење на долги растојанија. Audi Q3 SUV e-hybrid 200 kW може да полни до 50 kW со еднонасочна струја во идеални услови и е помоќен и ефикасен од било кога. За таа цел е инсталирана високонапонска батерија со бруто капацитет од 25,7 kWh (нето 19,7 kWh). Оваа батерија овозможува електричен опсег до 119 километри.

Дополнително развиената стандардна амортизација обезбедува подобрено искуство при возење. Спортската амортизација и амортизацијата со контрола на амортизерите со два вентила се достапни како опции за оптимално избалансирано возење. Еден од најдобрите моменти за помош при возење е адаптивниот асистент за возење Plus. За уште поголема безбедност на патот, внатрешната камера го следи возачот за знаци на поспаност и недостаток на концентрација. Напредниот систем за паркирање им овозможува на клиентите да го научат Audi Q3 на индивидуални маневри за паркирање, а новата помош за возење на назад сигурно ќе помогне при излегување од непрегледни простори.

(ПР)

Прикажи повеќе...

Економија

Национална конференција на ОРМ: Продуктивноста на компаниите е загрижувачки ниска, време е за реформи

Објавено пред

Ограничениот пристап до финансии, слабите институции и корупцијата се главните пречки за растот на продуктивноста и развојот на македонските фирми. Овие фактори ја нарушуваат конкуренцијата и создаваат долгорочна непредвидливост која ги обесхрабрува инвестициите и иновациите, кои пак, заедно со добрите менаџерски практики и вештините, имаат суштинско значење за долгорочна конкурентност на домашните компании. Ова се дел од клучните наоди од истражувањето презентирано во рамки на националната конференција: „Продуктивноста и нејзините главни двигатели за економски раст и конкурентност“, што се одржа по повод 20-годишнината на Организацијата на работодавачи на Македонија (ОРМ). Јубилејот и конференцијата на ОРМ ги поздрави и заменик – министерот за економија и труд, Марјан Ристески.

dobivaj vesti na viber

Истражувањето, кое за потребите на ОРМ го спроведе Институтот за економски истражувања и политики „Finance Think“, покажува загрижувачки тренд на намалување на вкупната продуктивност на македонските компании, што укажува на тоа дека фирмите во земјава стануваат сѐ помалку ефикасни во користењето на основните фактори на производство – трудот и капиталот. Дополнително, компаниите со странски сопственици имаат дури четири пати повисока продуктивност од домашните, додека извозно ориентираните компании се значително попродуктивни од оние што работат исклучиво на домашниот пазар.

„Продуктивноста е темелот на секоја успешна компанија и движечка сила за одржлив економски развој на целата земја. За да ја зголемиме, потребно е да почнеме да делуваме веднаш, преку добро обмислени и решителни реформи кои ќе ја подобрат бизнис климата, ќе значат елиминирање на системската корупција, ќе го подобрат пристапот на фирмите до финансии и ќе ги поттикнат инвестициите и иновациите во модернизација на домашната економија“, изјави претседателката на Организацијата на работодавачи на Македонија, Владанка Трајкоска.

На конференцијата ОРМ презентираше и сет од конкретни препораки за раст на продуктивноста и деловната ефикасност, меѓу кои: обезбедување поголема финансиска поддршка за мали и нови компании преку поволни кредити, субвенции, даночни олеснувања за инвестиции во иновации и нови технологии; зајакнување на борбата против корупцијата преку зголемена транспарентност на институциите, независно и ефикасно судство; реформа на регулативата заради намалување на административниот товар и зголемување на предвидливоста на пазарните услови; ефикасна борба против нелојалната конкуренција и сивата економија преку дигитализација на услугите во јавниот сектор, засилен и координиран инспекциски надзор и ревизија на државната помош; и подобрување на инфраструктурата, особено дигиталната и енергетската, како клучен предуслов за технолошка модернизација.

„ОРМ, како единствена репрезентативна организација на работодавачите во рамки на социјалниот дијалог со владата и синдикатите, останува посветена на тоа да биде гласот на бизнисот. Ќе продолжиме да креираме решенија во соработка со институциите, синдикатите, експертите и граѓанското општество, со цел да го поттикнеме економскиот раст, да создадеме нови перспективи за младите и да обезбедиме социјална сигурност за сите“, најави Трајкоска.

Во рамки на конференцијата се одржа и панел-дискусија на која своите размислувања, ставови и предлози за тоа како продуктивноста да стане приоритет на економските политики во државата ги изнесоа претседателот на Собранието на ОРМ Ангел Димитров, професорката на Економскиот факултет при УКИМ д-р Даниела Бојаџиева, директорот на Фондот за здравствено осигурување Сашо Клековски и директорот на Државниот завод за статистика доц. д-р Дејан Станков.

Истражувањето и националната конференција со која се одбележа 20-годишнината на Организацијата на работодавачи на Македонија беа поддржани од Меѓународната организација на трудот, преку проектот Платформа за вработување и социјални прашања – ЕСАП 3, финансиран од Европската Унија.

Прикажи повеќе...

Економија

„Алкалоид“ со јубилејна плакета од Црвениот крст

Објавено пред

По повод 80-годишниот јубилеј на Црвен крст, во Македонскиот народен театар се одржа свечена академија под покровителство на претседателката на државата, н.е. Гордана Сиљановска-Давкова.

dobivaj vesti na viber

Под мотото „Осум децении ние гледаме луѓе“ беше одбележан јубилејот на Црвен крст, хуманитарна организација која осум децении им дава помош и поддршка на најзагрозените категории граѓани, промовирајќи хуманост и човечка солидарност.

Формиран на 17 март 1945 година, Црвен крст на Македонија годинава не го одбележа јубилејот на денот на своето основање поради трагедијата во Кочани, која наложи целосна мобилизација на организацијата заради обезбедување помош и поддршка на погоденото население. Токму во знак на благодарност за поддршката на настраданите во трагедијата дадена од „Алкалоид“, како и за придонесот на компанијата при хуманитарните апели на Црвен крст, генералниот директор и претседател на Управниот одбор на компанијата, г. Живко Мукаетов, беше одликуван со јубилејна плакета.

Признанието на г. Мукаетов му го врачи д-р Лилјана Ристевска, потпретседателка на организацијата Црвен крст на РСМ. Изминативе години „Алкалоид“ има спроведено повеќе активности во соработка со Црвен крст на РСМ и со Црвен крст на град Скопје, како во делот на социјално-хуманитарната дејност така и на полето на крводарителството. Во рамките на компанијата повеќе од 50 години активно функционира Друштвото на крводарители, кое во 2024 година доби специјално признание за масовен одзив во рамките на крводарителските акции организирани од Црвен крст и од Институтот за трансфузиона медицина. Изминативе неколку години „Алкалоид“ континуирано спроведува акции за донирање облека и храна.

Компанијата во континуитет ги поддржува апелите на Црвен крст за поддршка на бездомниците, бегалците и мигрантите како едни од најгорливите категории на полето на хуманитарната помош. Во 2015 година, на организираниот хуманитарен пикник, колективот на „Алкалоид“ собра повеќе од 750.000 денари, донација наменета за Солидарниот фонд на Црвен крст.

Последната донација за истиот фонд, во износ од 15 милиони денари, компанијата ја намени за настраданите од трагедијата во Кочани и за нивните семејства. На јубилејната свеченост Црвен крст додели и четири златни медали, а беше официјализирана и донацијата во износ од 20.000 евра за Универзитетската клиника за трауматологија при Клиничкиот центар „Мајка Тереза“ во Скопје. Како што посочија организаторите на настанот, 80-годишниот јубилеј на Црвен крст претставува момент на благодарност и на сеќавање и признание за сите волонтери, членови, вработени и партнери кои ги оставиле и сè уште ги оставаат своите траги на хуманост.

(ПР)

Прикажи повеќе...

Најново

Регион9 часа

Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни...

Регион12 часа

(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва...

Регион13 часа

Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија  се преполни луѓе. Српските медиуми јавуваат дека реки...

Свет14 часа

(Видео) Забраната од Орбан не ја спречи Парадата на гордоста во Будимпешта, огромен број луѓе се собраа во главниот град на Унгарија

И покрај забраната на Владата на Виктор Орбан, огромен број луѓе денес почнаа да се собираат во главниот град на...

Економија17 часа

Скенирањето сметки на апликацијата „МојДДВ“ е со прекини, УЈП извести за технички проблеми

Управата за јавни приходи извести дека мобилната апликација „МојДДВ“ во моментов работи со прекини. Тимот на УЈП интензивно работи на...

Регион18 часа

„Од 15 до 9 до 15 до 10 очекувајте почеток на насилство“, рече српскиот претседател Вучиќ во пресрет на протестот на студентите

Претседателот на Србија Александар Вучиќ очекува насилство на вечерашниот протест на студентите во Белград, објавуваат српските медиуми. По свеченоста на...

Македонија19 часа

Пијан Турчин приведен во Охрид, со нож влегол во угостителски објект

Охрдиската полиција приведе пијан Турчин. Викал и непристојно се однесувал на улица, а потоа влегол во угостителски објект каде што...

Македонија19 часа

Муцунски: Одлуките донесени во Хаг без водството на Трамп и САД, немаше да бидат можни

Министерот за надворешни работи и надворешна трговија, Тимчо Муцунски, на маргините на НАТО Самитот во Хаг, имаше интервју со етаблираниот...

Топ21 час

Разбојништво во фризерски салон во Битола: му го зел прометот на фирзерот и му се заканил дека ќе го испрска со солзавец

Основното јавно обвинителство Битола донесе наредба за спроведување истражна постапка против 22-годишен битолчанец осомничен за кривично дело – разбојничка кражба...

Македонија21 час

Герасимовски повикува на концерт, ВМРО-ДПМНЕ му ги брои нереализираните проекти: Центар не доби парк и административна зграда кај ПУИК

Откако утрово градоначалникот на Општина Центар, Горан Герасимовски ги повика скопјани на концерт со Александар Тарабунов вечерва, ВМРО-ДПМНЕ во соопштение...

Македонија22 часа

„Ве чекам во 20 часот, на плочникот кај Градски ѕид“, Герасимовски повика на концерт

Градоначалникот на Општина Центар, Горан Герасимовски, ги повика сите скопјани, вечерва да бидат дел од културната манифестација „Центарска симфонија“ што...

Свет22 часа

Голем видовденски протест вечерва во Белград, студентите се огласија за ненадлежни за она што ќе се случува по 21 часот

Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18...

Македонија2 дена

Три реформски закони за администрацијата ја поминаа првата фаза

Собранието даде поддршка на предлог законот за вработените во јавниот сектор, предлог на законот за административни службеници и на предлог...

Македонија2 дена

Арсовска: Внукот на градоначалникот на Студеничани градел објект кога имал 5 години, а го легализирал на 6

Градоначалничката на Град Скопје, Данела Арсовска, иронично објави дека внукот на Азем Садики, градоначалникот од Студеничани, на 5 години изградил објект,...

Македонија2 дена

Муцунски: Од позиција на климање со глава, се вративме на патот на самопочит и влијание

Во Министерството за надворешни работи и надворешна трговија се одржа прес-конференција по повод една година од мандатот на Владата. Во...

Македонија2 дена

Ризик од појавa на пожари поради високите температури: МЗШВ апелира на претпазливост

Министерство за земјоделство, шумарство и водостопанство ги повикува граѓаните на посебна претпазливост со цел спречување на појава на пожари на...

Економија2 дена

Ранливите потрошувачи и натаму незаштитени: итни мерки барат Инжинерите на Македонија

Додека Владата и Министерството за енергетика се фалат со новиот Закон за енергетика, илјадници граѓани остануваат без никаква реална заштита...

Македонија2 дена

Се очекува Македонија годинава да ја посетат 1,5 милиони туристи, најбројни се гостите од Турција

Македонија веќе бележи двоцифрен годишен пораст во бројот на странски посетители, најновите податоци покажуваат 21.6 % раст во првата половина од...

Македонија2 дена

Казни и до 2.000 евра: МВР со потсетување на целосната забрана за движење во шумите

Министерството за внатрешни работи ги известува граѓаните дека согласно насоките на Владата по барање од корисниците на шумите – ЈП...

Македонија2 дена

Ја давел, ја влечел по подот и ја удирал: обвинение за семејно насилство во Бутел

Јавен обвинител од Основното јавно обвинителство Скопје поднесе Обвинителен предлог против едно лице за кривично дело – Телесна повреда при...