Компании
Најголемото искушение на газдите на Фершпед
По одземањето на дозволата за работа
Платите на вработените, Фершпед годишно го чинат 4,4 милиони евра. Сега, кога има забрана за работа, што ќе одлучи менаџментот? Ако отпушта, ќе се соочи со потенцијален револт на работниците-акционери од што може да произлезе понуда на акциите на берзата. Тоа ќе значи дека некој непосакуван за внатрешните акционери може да влезе во игра. Ваквото сценарио, со вакви ниски цени, многумина ќе се обидат да го валоризираат… Како и да е, актуелните основачи на Фершпед сега се пред големо искушениеПишува: Владо ХРИСТОВЦаринската управа го одзеде решението на Фершпед за царинско застапување. Ова решение за одземање е изготвено по еден процес во кој со однос топло-ладно Царинската управа повеќе од една година наназад го држи Фершпед во неизвесност. Иако пред еден месец беше изготвено решение за мандатна казна од 10.000 евра за царински прекршоци (кои за Фершпед се технички грешки поради голем обем на работа), Царината сепак реши дека Фершпед не може да се толерира и дека постои основа за одземање на неговата лиценца за основната дејност – застапување компании во царински постапки. За да добие чувство пошироката читателска публика што значи Фершпед во сферата на царинските работи, треба да се знае следново: Фершпед покрива повеќе од 30% од пазарот со шпедитирање во земјава. Преку Фершпед годишно поминуваат повеќе од 30% од сите стоки кои нашата економија ги разменува со светот. Фершпед по сите критериуми е најголемата македонска шпедиција која вработува речиси 500 лица. Компанијата за 2008 г. ì платила повеќе од 1,4 милијарди денари на Царинската управа. Во администрацијата на Фершпед направиле сериозни пропусти во своето работење додека правеле декларации за стоки кои влегуваат во земјава. Царинската управа се посомневала, и по ригозорни контроли и постапки на објаснувања и докажувања е утврдено дека не се работи само за “технички”, туку за “суштински” пропусти кои не биле правени “кампањски” заради обемна работа, туку биле правени “системски”. Сега Фершпед има на располагање други правни мерки и средства и останува да видиме што ќе оценат надлежните институции во натамошната постапка.ШТО СЕГА?Фершпед ја доживеа судбината на Макошпед – доби забрана за вршење дејност во рок од една година. Што во тој период ќе работат речиси 500 луѓе вработени во Фершпед? Дали ова за нив ќе значи прекини на работните ангажмани, односно народски кажано – ќе добијат откази? Ако не добијат откази, што ќе работат, зашто фирмата не може да ја работи основната дејност цела година? И, доколку не добијат откази, од кои пари ќе добиваат плата зашто фирмата нема да генерира приходи?Ова се клучните прашања на кои треба да се бараат одговори сега. Доколку вработените добијат откази, тие ќе треба да најдат извори на егзистенција за да преживеат една година. Од што ќе живеат? Фершпед е компанија со висок углед во Македонија и важи за фирма во која вработените се добро платени. Многумина од нив ги наследиле работните места од своите пензионирани родители. Добар дел, пак, добиле вработување како возврат на довербата на нивните родители лојални на Штерјо Наков и на Кираца Трајковска, менаџерско дуо кое го подигнало Фершпед. Многумина од тие млади луѓе имаат обврски спрема банки по основ на кредити за автомобили, куќи, плацеви, станови, викендички…, затоа што до неодамна работеле во солидна, цврста компанија која генерира солидни приходи и добивки и во која добро заработуваат. И што сега, ако останат без работа, а ратите и каматите продолжат да доаѓаат? Навистина, сега најтешко му е на менаџментот во компанијата. Прв менаџер е синот на поранешниот најголем акционер Штерјо Наков, основач на Фершпед. Сега откако Наков се пензионираше и ги подели своите акции на своите двајца синови, останува тие да одлучуваат за суштински важни работи за иднината на компанијата. КАКО ОВА ЌЕ ВЛИЈАЕ ВРЗ АКЦИЈАТА НА ФЕРШПЕД? Фершпед беше една од најпосакуваните акции на Македонската берза. Оваа акција еден момент достигна цена и повисока од 400.000 денари, што беше највисока во споредба со сите други акции. Фершпед е компанија со само 18.113 акции со книговодствена вредност повисока од 170.000 денари, што значи дека капиталната вредност на компанијата изнесува околу 50 милиони евра. Во таа компанија крупните акционери поседуваат заедно помалку од 40% од сите акции со право на глас, а поголемиот дел од акциите ги поседуваат вработените или нивните родители кои се пензионирани работници на Фершпед. Заедничко за сите нив е што имаат голема доверба во Штерјо Наков, поранешниот прв човек на Фершпед. Досега за довербата тој им возвраќал со високи и редовни плати, придобивки, вработувања за нивните деца, сè со цел да ја стекне нивната доверба на секое акционерско собрание. Но, како ќе биде отсега?Што ако секнат приходите на семејствата кои со години наназад егзистираат од Фершпед? Дали ова нема да направи паника и нема да ја разниша довербата во поранешниот прв човек на Фершпед и во неговиот наследник кој сега е на чело на компанијата? И дали тие луѓе во очај и паника нема да посегнат и да ги понудат на берза своите акции? Или барем на некој што е подготвен да плати повеќе за нив? Многу прашања, засега нема одговори. Како и да е, ова сценарио не смее да се исклучи. Фершпед е гигант и повеќе од сигурно е дека никој не сака да го уништи, туку дека многумина сакаат да ја контролираат или поседуваат најсилната инфраструктура за царинско посредување во Македонија.Дали може да очекуваме цената на акцијата на Фершпед да почне да расте во услови кога сите очекуваат да паѓа поради тоа што компанијата ќе изгуби најголем дел од своите приходи во претстојните 365 дена. Дали ќе видиме непријателско превземање на Фершпед? Сите овие прашања се отворени, колку и да изгледаат неверојатни. Само да не заборавиме. Акумулираната нераспределена добивка на групата Фершпед изнесува повеќе од 1,4 милијарди денари. За што ќе се користат сега тие пари? И да не заборавиме дека за еден квартал платите на вработените во Фершпед изнесуваат 1,1 милиони евра. Значи, во наредните 365 дена се потребни барем 4,4 милиони евра по таа основа, за да се задржи довербата кај потенцијално “нервозни” иматели на акции. Како и да е, сите се пред големо искушение…
Податоци за групата Фершпед за 2008 година -Добивка по акција – 12.505 денари-Акумулирана добивка – 1,44 милијарди денари-Вкупни приходи на групата Фершпед – 6,5 милијарди денари-Добивка на групата – 223,2 милиони денариНајголеми акционери:1.Драган Наков 11,8%2.Сашо Наков 11%3.Кираца Трајковска 10,6%4.Ист инвестор (Инвестициски фонд) 5,8%Факти Лани Фершпед на Царинската управа ì платил 1,4 милијарди денари.Групата Фершпед на крајот на 2008 г. вработувала 807 лица, а 467 се вработени во шпедицијата Фершпед.Фершпед поседува96,7% од сите акции во Сковин51,6% од сите акции во Лотарија на Македонија65,6% од сите акции во Хотели Метропол Охрид100% од Фершпед Брокер (брокерска куќа со големо овластување основана со 500.000 евра)Долгорочни обврски на ФершпедНа крајот на 2008 г. долгорочните кредитни обврски на групата Фершпед спрема домашните банки изнесуваат 394,8 милиони денари. Од тоа долгорочните обврски спрема Комерцијална банка се 294,6 милиони денари, а спрема Охридска банка се 78,3 милиони денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Официјална премиера на целосно новата Škoda Kodiaq
Škoda го лансираше својот водечки SUV, целосно новиот Škoda Kodiaq, на македонскиот пазар. Со својот моќен и робустен изглед, новиот Kodiaq поставува нов репер во сегментот SUV, комбинирајќи ја врвната технологија со исклучителна удобност и простор.
Надворешноста на Kodiaq е целосно редизајнирана, прикажувајќи ги елементите на новиот дизајнерски јазик Modern Solid на Škoda. Елегантните, аеродинамични подобрувања не само што ја подобруваат естетиката на возилото туку придонесуваат и за неговите извонредни перформанси. Новиот Kodiaq е за 6 см подолг во споредба со претходникот и нуди уште повеќе простор и комфор за сите патници. Во понуда е и варијантата со 7 седишта.
Вниманието на надворешноста го привлекуваат LED matrix светлата од втората генерација и предната решетка со хоризонтална светлосна лента. Внатрешноста е збогатена со текстил и кожа кои потекнуваат од еколошки процес на обработка и го рефлектираат фокусот на одржливоста.
Kodiaq во својата втора генерација нуди свеж и иновативен концепт на ентериерот со четири специфични дизајнерски селекции – Loft (текстил), Lounge (текстил-волна), Suite Black и Suite Cognac (кожа) кои во комбинација со опционални пакети креираат комплетно различно доживување. Ново ниво на удобност и релаксација нудат опционално достапните ергономски седишта со пневмо-масажа. Инфозабавниот дисплеј сега е самостоен, со дијагонала на екранот до 13 инчи и е опционално е достапен со head-up дисплеј.
Рачката на менувачот сега е поставена на управувачкиот столб, што и дава на централната конзола многу чист и уреден изглед и додава дополнителен простор. Škoda Smart Dials се уште една сосема нова карактеристика на целосно новиот Kodiaq – три ротациони контроли позиционирани под инфозабавниот екран. Комбинирајќи ги хаптичките контроли со екранот во боја од 32 милиметри, тие обезбедуваат интуитивен, лесен и приспособлив пристап до различни функции на возилото и инфозабавниот систем.
Со постојаната интернет конекција кај Kodiaq овозможено е безжично ажурирање на софтверот, мапите за навигација и разните услуги на Skoda Connect – како на пример Далечинско активирање на климатизацијата или полнењето на батеријата (kaj Plug-In варијантата), проверка на сообраќајот или временската прогноза и сл. Интегрирањето на четботот заснован на вештачка интелигенција ChatGPT во неговиот гласовен асистент Laura, Škoda го подобрува искуството на многу клиенти и помага да се олесни секојдневниот живот. Новата предна конзола овозможува индуктивно полнење на два смартфони истовремено, обезбедувајќи вентилација и моќност од 15W на безжично полнење и 45W преку USB-C портата за брзо полнење.
Опсегот на погонски единици на Kodiaq покрај добро познатите бензински 1.5 TSI DSG Mild-hybrid со 110 kW (150 KS) и дизелските 2.0 TDI EVO DSG со 110 kW (150 KS) и 142 kW (193 KS) во комбинација со погон на сите тркала 4х4, сега е проширен со возбудливото деби на plug-in хибриден погон од 150 kW (204 КС) кој нуди повеќе од 100 km чисто електричен опсег. Ова обезбедува динамично возачко искуство прилагодено на секоја потреба. Сите погонски единици се достапни единствено со автоматски DSG менувачи.
На располагање кај новиот Kodiaq се девет различни бои, меѓу кои и новата Bronx Gold металик. Изборот на алуминиумски тркала почнува од 17” тркала како стандардна опрема, па се до 20” тркала “RILA Aero anthracite” претставени на изложените возила.
Економија
Македонска премиера на целосно новиот Volkswagen Tiguan
• Новата генерација на Volkswagen Tiguan е претставена со прогресивни технологии и харизматичен дизајн
• Новите plug-in хибридни погони овозможуваат електричен опсег од околу 100 километри и брзо DC полнење
• Новиот ентериер со јасно структуриран дигитален кокпит, инфозабавен екран, head-up дисплеј и копче за избор на искуство во возењето е лесен за употреба и се заснова на конкретни повратни информации од клиентите
• Новиот адаптивен систем за контрола на потпирањето DCC Pro, технологија од премиум класата, обезбедува максимална удобност и врвна агилност
Volkswagen на македонскиот пазар го претстави целосно новиот Tiguan, во третата генерација на бестселерот. Во моментот Tiguan е еден од најуспешните модели на Volkswagen во светот. Повеќе од 7,6 милиони купувачи го избраа компактниот SUV од неговото деби во 2007 година. Новиот модел може да го разгледате во салоните на Volkswagen.
Новите технолошки достигнувања реализирани со MQB evo го подобруваат Tiguan практично во секоја област. Новите хибридни погони со целосно електричен досег од околу 100 km го прават овој SUV поефикасен од кога било досега. Дополнително, полнењето со наизменична струја ќе биде побрзо во сите верзии на eHybrid, а за прв пат стандардно ќе биде можно и брзо DC полнење.
Чисто дизајниран дигитален кокпит базиран на MIB4, модуларната инфозабавна матрица од четвртата генерација, нуди највисоко ниво на информации и носи дигитални услуги и апликации. Оперативниот концепт е дизајниран да биде максимално интуитивен. Дополнително, новите системи како што се функцијата за пневматска масажа за предните седишта или IQ.LIGHT HD матричните предни светла – кои се користат за прв пат во Tiguan – се добиени од премиум моделот Touareg. Новата адаптивна контрола на потпирањето DCC Pro ги оптимизира удобноста и динамиката. Најновата генерација на помош при паркирање го олеснува возењето во и надвор од паркинг местата.
Експресивен дизајн и подобрена аеродинамика
Компактниот SUV доаѓа со целосно нов дизајн. Како особено впечатлива карактеристика, предниот дел на возилото има моќен изглед со многу рамни LED фарови и хоризонтална лента покриена со стакло. Отворите на решетката на ладилникот сега се наоѓаат на надворешните страни на браникот, каде што воздушните завеси обезбедуваат оптимално насочување на воздухот. Чисто дизајнираниот преден дел го нагласува фактот дека коефициентот на отпор е подобрен од 0,33 на 0,28. Оваа силуета се карактеризира со атлетски раменици над тркалата, кои пак се достапни во димензии до 20 инчи. Новата хоризонтална LED лента додава акцент на непогрешливиот заден дел на Tiguan.
Ново генерирање на дигиталниот борд компјутер и инфозабавен систем
Внатрешноста на Tiguan се одликува со сосема нов концепт и дизајн. Се издвојува со високите стандарди на материјал и изработка. Покрај тоа, новиот дигитален борд компјутер е интуитивен за употреба, тесно интегриран и има чист и паметен дизајн. Модулите го вклучуваат новиот дигитален борд компјутер (дигитални инструменти со анти-рефлектирачки слој во формат на таблети), инфозабавен екран до 38 сантиметри (15 инчи) и има целосно нова структура на менито и графика, нов head-up дисплеј (проекции на ветробранот) и ново мултифункционално копче за избор на искуство во возењето со интегриран OLED дисплеј. Оваа нова ротациона контрола со свој мини екран може да се користи за контрола на профилот на возење, јачината на звукот на радиото или пак, за прилагодување на боите на амбиентното осветлување. Спротивно на тоа, бројните функции на возилото и инфозабавниот систем може лесно да се прилагодат со помош на говор со новиот гласовен асистент IDA.
Ефикасен опсег на погони
Благодарение на MQB evo, во Tiguan може да се имплементираат различни типови на погони. На пример, ќе има турбо дизел мотори (TDI), турбо бензински мотори (TSI), благи хибридни турбо бензински мотори (eTSI) и plug-in хибридни системи (eHybrid), кои ќе се нудат исклучиво во спрега со автоматски менувач со двојна спојка ( DSG). Како кај ID.7 и новиот Passat, режимот на работа на менувачот во иднина ќе се менува со помош на изборник на воланот десно од воланот со интиутивен принцип на работа. Прекинувачот се врти нанапред во „D“ за да се вози напред и наназад до „R“ за назад, додека рачната сопирачка се активира со притискање на страничното копче на изброрникот. Сите модели на Tiguan дополнително имаат типтроник зад воланот.
Електронски контролирана опрема за возење за дополнителна практичност и динамика
MQB evo обезбедува основа за нова генерација на опрема за возење. Покрај мноштво индивидуални мерки, Volkswagen ја обнови адаптивната контрола на потпирањето DCC со опционалниот DCC Pro со амортизери со два вентили. Новиот модел е стандардно опремен дополнително со Vehicle Dynamics Manager – систем MQB кој го имаше своето деби во актуелниот Golf GTI. Системот ги контролира функциите на електронските блокади на диференцијал (XDS) и страничните динамички компоненти на контролираните амортизери во системот DCC Pro. Специфичните интервенции на сопирање на тркалата и селективните промени во цврстината на амортизерот доведуваат до поголема удобност и подобрени перформанси за време на динамичните свиоци. Ова го прави управувањето со возилото постабилно, агилно и попрецизно.
Седишта за долги растојанија
Новите ergoActive Plus седишта со пневматско четиринасочно лумбално прилагодување и пневматска функција за масажа со притисок со 10 комори се идеални за висококвалитетниот карактер на Tiguan. Дополнително, има и програмска функција за автоматско активирање на греењето на седиштата или вентилација на седиштата при одредени надворешни температури.
Нов бестселер на повидок
Воден од исклучителните резултати на двете претходни генерации и надоврзувајќи се со целосно новиот дизајн и со врвните комфорни, безбедносни и погонски технологии, новиот Tiguan најавува рекорди во продажбата и уште едно поглавје во приказната за ултра-успешните модели на брендот Volkswagen.
(ПР)
Економија
БРАКО ќе промовира ново електрично возило на саем во Минхен
БРАКО ќе претстави ново електрично возило од својот бренд Грин Машинс на светскиот саем IFAT, кој следната недела ќе се одржи во Минхен.
Возилото беше развивано две години од страна на инженерскиот тим за развој на БРАКО/Грин Машинс и е сосема ново техничко и функционално решение во програмата за производство на возила за одржување урбана хигиена.
Моделот 720 ZE работи на електричен погон и e со технологија од последната генерација, со вградени мотори во задните тркала и управување на сите четири тркала, поголем контејнерски простор, широка кабина за две лица, 360⁰ камера и оптимизиран начин на чистење.
Се очекува новиот модел да отвори уште повеќе пазари во светот, каде се бараат возила за одржување хигиена од овој габарит и перформанси.
Моделот 720 ZE беше најавен како концепт на саемот IFAT во 2022 гoдина и тимот за развој планираше да го развие во следните две години, во што и успеа и создаде возило кое е целосно замислено, проектирано и произведено во погоните на БРАКО.
Возилото во завршна фаза беше претставено пред гостите на прославата на 20-годишнината на Феро Инвест и БРАКО пред шест месеци, а сега во Германија ќе ја доживее својата светска промоција.
(ПР)
ДУИ за Балансерот: Тоа е опасен обид за намалување на влијанието на Албанците во јавниот и институционалниот живот на државата
Демократската унија за интеграција најостро ја осудува одлуката на владата со моноетнички легитимитет да ја смени формулата „балансер“ од 29,5%...
Пратеници на службените електронски адреси добиле заканувачки пораки
МВР соопшти дека вчера во 13.58 часот во Полициската станица Центар, претставник на една политичка партија пријавил дека на 23.07.2024...
Иселениците повеќе нема да ја одредуваат етничката застапеност во државните институции, сменет е процентот на балансерот
Министерот за јавна администрација, Горн Минчев, објави дека се изменети процентите на балансерот, кој од 2022 година ја броеше и...
По 200.000 денари субвенција за занаетчиите за нов алат, машини или нов производ, пријавување до 1 октомври во Економија
Занаетчиите што купиле нов алат, машини или имале нов производ во 2023 и 2024 година ќе може да се пријават...
До декември потешките операции, место во Клинички, ќе се прават во „8 Септември“ и во „Св. Наум Охридски“, Таравари најави нов тендер за компресорска станица
Хируршките сали во Клиничкиот центар ќе функционираат со надворешни компресори и со намален интензитет до декември. Ова решение како привремено...
Наместо Скопје, прашина на подножјето на Водно – што се случувало во сеизмолошката станица за време на скопскиот земјотрес
Денес, 26 јули, одбележуваме 61 година од скопскиот катастрофален земјотрес, кој остави длабоки траги во историјата на градот Скопје. Земјотресот...
Амбулантата во Илинден готова до Нова година, ќе почне со општи лекари, а веќе се бараат и интернист, педијатар, гинеколог…
До Нова година ќе биде пуштена во употреба реновираната амбуланта во општина Илинден, која ќе ги опслужува и жителите на...
Телефонот на врховниот судија Георгиев упатува на друго кривично дело – одземени и досиеја при претресот во Академијата за судии
Два мобилни телефона од лице вработено во Академијата за судии и јавни обвинители, како и видеозапис и две досиеја –...
„Вреди“ го прозва Али Ахмети откога СДСМ ја призна грешката за измените на Кривичниот законик
Претседателот на СДСМ, Венко Филипче, ја призна грешката, дали ова ќе го направи и Али Ахмети од ДУИ, прашуваат од...
Почвата кај Берово не се смирува: утрово регистриран уште еден земјотрес
Земјотрес од 3,1 степени утрово е регистриран во околината на Пехчево и Берово. Според информациите на Сеизмолошката опсерваторија, земјотресот се...
Камала Харис до Нетанјаху: Ставете крај на војната во Газа
Американскaта потпретседателка Камала Харис, која се очекува да биде кандидат на Демократската партија на претседателските избори во ноември, одржа, како...
(Видео) Американска пратеничка со говорна мана одржа говор користејќи глас со вештачка интелигенциј
Американската пратеничка од Вирџинија Џенифер Векстон користеше програма за вештачка интелигенција (АИ) за да се обрати синоќа пред Претставничкиот дом...
Сончево со мала до умерена локална облачност и температури до 38 степени
Времето денеска ќе биде сончево со мала до умерена локална облачност. Ќе дува умерен, а наместа долж Повардарието и во...
Починато бебе во Богданци: подолг период било хоспитализирано
Вчера во 09.10 часот во СВР Струмица, лекар од Итна медицинска помош Гевгелија пријавил дека во Богданци починало машко бебе....
Во канал за наводнување пронајдена почината жена од Кочанско
Денеска во Полициската станица Кочани, К.Ј.(64) пријавил дека во канал за наводнување во близина на с.Оризари, кочанско, ја пронашол удавена...
Мицкоски по апелот на Филипче за нов кривичен законик: Што е со делата што застареа, а граѓаните плаќаат милиони отштета
Премиерот Христијан Мицкоски е согласен да биде донесен нов кривичен законик, кој ќе биде изработен според европските стандарди. Ова беше...
„Нема повеќе евтина храна на државна сметка“ – 50 отсто зголемени цените во владините објекти
Зголемување на цените на угостителските услуги во владините објекти за педесет отсто најави директорот на Службата за општи и заеднички...
Филипче призна дека згрешиле со измените на Кривичниот законик, на Владата ѝ предложи да донесе нов што им бил изготвен пред шест години
Претседателот на СДСМ, Венко Филипче, вели дека претходната влада згрешила што ги донела измените на Кривичниот законик, со кој застаруваат...
Таравари и со скратен буџет ќе ги вработува оние со договор на дело: Ќе најдеме решение и тие до крајот на годината да бидат редовно вработени
По одлуките за вработување на специјализантите и дополнувањето на позитивната листа на лекови, кои министерот за здравство, Арбен Таравари, ги...
Гром предизивка пожар во општина Старо Нагоричане
Гром предизвикал пожар на сува трева и шума во село Бајловце, општина Старо Нагоричане, информираа од регионалниот центар за управување...
