Компании
Американски Westinghouse го потврди повлекувањето од бугарски Козлодуј
Американската компанија „Westinghouse“ го потврди своето повлекување од инвестирањето во изградбата на седмиот блок на единствената активна бугарска нуклеарна централа „Козлодуј“, пишуваат во четвртокот бугарските медиуми повикувајќи се на претседателот на „Westinghouse“ за пазарите во Европа, Блискиот исток и Африка, Ив Браше.
„Веќе неколкупати соопштивме, меѓу друго и на медиумите, дека инвестирањето не е практика на ‘Westinghouse’“, изјави Браше на прес-конференцијата под наслов „Бугарската атомска енергија – национална, регионална и глобална енергетска сигурност“. Според Ив Браше, „Westinghouse“ нема да ја промени стратегијата во однос на изградбата на новиот енергетски блок во нуклеарната централа „Козлодиуј“.
Бидејќи прашањето за финансирањето на изградбата не е решено, а Бугарија нема пари за тоа, изгледите за реализација на проектот стануваат неизвесни, коментираат во Софија.
На новиот, седми блок на „Козлодуј“ беше планирано да се инсталира реакторот AP-1000 од страна на „Westinghouse“. Летото 2014 година, „Westinghouse“ и „Козлодуј“ формираа заедничка компанија за изградба на енергетскиот блок, потпишувајќи заедничка акционерска согласност.
Но во март годинава од „Westinghouse“ објавија дека според нивните пресметки, основната цена на изградбата на блокот ќе изнесува 7,7 милијарди американски долари. Бидејќи тоа за Бугарија е премногу скапо, тамошната влада официјално ѝ предложи на американската компанија да биде инвеститор на проектот со 49-отстотен удел. Договорот меѓу „Westinghouse“ и бугарската влада истече на 31-ви март, а бугарското министерство за енергетика досега не излезе со официјална информација, дали тој ќе биде продолжен и конечно истече. Бугарија ги нема потребните пари за плаќањата по сегашните пресметки, рече на почетокот од април, премиерот Бојко Борисов.
Претходно експертите повеќепати предупредуваа дека Бугарија ќе се најде во многу сложена ситуација, откажувајќи се од проектот, во кој требаше да учествува и Русија, за изградба на нуклеарната централа „Белене“ кој беше оценет како многу попрофитабилен за Бугарија, во полза на изградбата на „Козлодиј 7“ според технологијата на американски „Westinghouse“.
Покрај многу високата цена на американскиот проект и недостигот од референтна енергетска единица, експертите често истакнуваат дека „Westinghouse“ не понудува локализирање на производството на опремата за „Козлодуј 7“, а за споредбата во проектот за новата нуклеарка „Белене“ до 30 отсто од опремата за неа беше планирано да биде произведена во фабриките во Бугарија, што би било во полза на нејзината економија.
Стручњаците, покрај тоа, често истакнуваа и дека во светот не постои ниеден активен (референтен) енергетски блок со реактор од типот AP-1000, иако постоењето на таков објект се смета за неопходен предуслов за предлог проект на некоја компанија, којашто би градела нуклеарен реактор надвор од својата земја.
Плановите за изградба на нуклеарниот реактор според проектот АР-1000, инаку, се проблематизирани дури и во самите САД. Имено во март годинава, американскиот деловен весник The Wall Street Journal пишуваше за „темната перспектива“ на овој проект, поради пречекорувањето на трошоците и одложувањето на лансирањето на реакторите од тој тип.
Во изминативе неколку години во врска со безбедноста на АР-1000 беа отворени повеќе прашања, особено од страна на американските стручњаци. Во 2011 година група американски општествени организации апелираа во Регулаторната комисија за нуклеарна енергија на САД (NRC), барајќи внимателно да бидат разгледани низата недостатоци на проектот, коишто според нив ги има АР-1000.
Досега во светот не е пуштен во употреба ниеден реактор од типот АР-1000. Во моментов изградени се осум блокови со реактори АР-1000, по четири блока во Кина и во САД. Првиот кој требаше да биде пуштен во употреба беше во кинеската нуклеарна централа „Санмен-1“ во 2013 година, но неговиот старт беше одложен за три години, и би профункционирал не порано од 2016 година./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
SEAT S.A. постигна историски рекордни финансиски резултати благодарение на двоцифрениот раст и ефикасноста на SEAT и успехот на CUPRA
“Кога станува збор за SEAT, ви ветувам дека најдоброто допрва доаѓа“
SEAT S.A. постигна историски рекордни финансиски резултати, благодарение на двоцифрениот раст и ефикасноста на SEAT и успехот на CUPRA
· Оперативната добивка на SEAT S.A. достигна рекордни 625 милиони евра, повратот од продажба достигна 4,4%, а прометот за минатата година се зголеми на 14,3 милијарди евра
· Нова инвестиција во брендот SEAT се новите освежувања на Ibiza и Arona, како и подобрувањето на Leon и Ateca
· Во 2024 година е планирано лансирањето на CUPRA Tavascan и CUPRA Terramar
SEAT S.A. ги претстави своите резултати за 2023 година заедно со својата стратегија за претстојните години. Минатата година, според Меѓународните сметководствени правила (МСФИ), оперативната добивка достигна рекордни 625 милиони евра, зголемувајќи се за 592 милиони евра (2022: 33 милиони евра). Ова претставува подобрување на повратот на продажбата од 4,1 процентен поен, од 0,3% на позитивни 4,4%. Годишниот промет исто така достигна историски 14,333 милијарди евра, 31,0% повеќе од 2022 година (10,941 милијарди). Овие резултати ја потврдуваат силата на компанијата и успехот на нејзината постојана стратегија за трансформација.
„Зад себе оставаме година во која SEAT S.A. ги објави најдобрите финансиски резултати во својата 73-годишна историја, осигурувајќи се дека нашата компанија продолжува на својот пат кон попрофитабилна иднина“, рече Вејн Грифитс, извршен директор на SEAT и CUPRA. „2023 година беше година на огромни контрасти за автомобилската индустрија, како и за нашата компанија, бидејќи продолживме да се движиме низ морето на несигурност додека ја претрпевме најголемата трансформација во нашата историја“.
„Во 2023 година, SEAT S.A. направи голем чекор на своето патување на трансформација: имавме за цел да направиме значително подобрување и тоа е она што успеавме да го направиме. Постигнавме рекорди на сите времиња во промет, оперативна добивка и оперативен готовински тек. Ова совршено ги одразува позитивните ефекти од растот на обемот на марката CUPRA и обновувањето на обемот на марката SEAT, како и важноста на напредокот што го постигнавме со нашата програма за подобрување на перформансите“, рече Дејвид Пауелс, потпретседател за финансии и ИТ во SEAT. С.А.
ИНВЕСТИЦИИ ВО БРЕНДОТ НА SEAT
Гледајќи во иднината, SEAT S.A. ја има поставено вистинската стратегија за да го одржи профитабилниот раст на компанијата. Брендот SEAT ќе игра клучна улога во ова и компанијата ќе лансира подобрени plug-in хибридни и штедливи автомобили на SEAT.
Arona и Ibiza ќе добијат подобрување во 2025 година, а во следните месеци, марката ќе лансира нова и подобрена верзија на SEAT Leon, со технички и технолошки надградби. Понатаму, Ateca ќе биде подобрен и неговиот животен циклус ќе се продолжи.
„Го враќаме брендот SEAT таму каде што припаѓа, продолжувајќи го двоцифрениот раст од минатата година со нови инвестиции во брендот и неговите модели. Исто така, разгледуваме што можеме да испорачаме во електричниот свет под брендот SEAT. Кога станува збор за SEAT, ви ветувам дека најдоброто допрва доаѓа“, додаде Вејн Грифитс.
(ПР)
Економија
„Зегин онлајн“ е најпопуларна е-продавница за здравје, нега и убавина за 2023 година
Во организација на Асоцијацијата за е-трговија на Македонија вчеравечер се одржа Ecommerce Awards, избор на најдобрите во македонската е-трговија.
Компанијата Зегин со е-продавницата www.zegin.com.mk беше номинирана во неколку категории, а го освои првото место во категоријата „Најпопуларна е-продавница за здравје, нега и убавина“, што претставува уште една потврда дека квалитетот, професионалноста, вложениот труд и љубов секогаш резултираат со успех.
Изборот на најдобрите е-трговци има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.
„Оваа награда, трета по ред претстаува уште еден доказ за успешноста на работењето на онлајн продавницата на Зегин- www.zegin.com.mk и е одлична мотивација за уште попосветена работа, поквалитетна понуда, како и позадоволни купувачи во иднина. Ви благодариме за лојалноста и довербата!“, велат од компанијата за наградата.
Манифестација за доделување на македонските Награди за е-трговија за 2023 година – E-commerce Awards, се одржа во присуство на членките на АЕТМ, поддржувачите и партнерите, жири комисијата и наградените е-трговци.
(ПР)
Економија
Тековните предизвици и можности на винските пазари и значењето на географските ознаки за македонското вино – теми во фокусот на регионалната конференција за вино
Како да се искористат актуелните трендови на глобалните вински пазари за подобро позиционирање на македонското вино, како да се зголеми препознатливоста на нашите вина, зошто е исклучително важно воведувањето географски ознаки на виното и какви придобивки ќе донесе овој процес. Ова се само некои од прашањата за кои се имаше дискусија на регионалната конференција за вино, што ја организираа здружението „Вина од Македонија“ и винарската визба „Тиквеш“, во соработка со Германското друштво за меѓународна соработка (GIZ).
„За да се зголемат продуктивноста и додадената вредност на домашната винска индустрија, нејзината конкурентност и вредноста на извозот, како и нејзината отпорност на тековните предизвици, вклучувајќи ги и ризиците од климатските промени, неопходни се големи вложувања во знаење, во нови технологии и дигитализација, во организација, окрупнување на лозјата и создавање ефикасни кооперантски односи, како и во воведување нови правила, стандарди и механизам за државна поддршка и поголема регионална соработка. Сето ова мора да се заснова на научен пристап користејќи ги искуствата на развиените земји, кои поминале низ оваа трансформација и може да ни помогнат да го оствариме она што е нашата главна задача – зголемување на извозот на квалитетно вино, кое ќе биде препознатливо и ценето од потрошувачите во светот“, порача во своето воведно обраќање на конференцијата претседателот на здружението „Вина од Македонија“, Светозар Јаневски.
Во рамките на конференцијата се одржаа три работни сесии на кои реномирани експерти од Универзитетот „Гајзенхајм“ во Германија, професорите Јон Ханф и Силвија Димер говореа за состојбите на глобалниот пазар на вино, за спецификите на посебните пазарни нишки во Европа и за значењето на правните и техничките услови за извоз на вино. Една од поважните пораки што ја потенцираа експертите се однесуваа на важноста на заедничкиот настап на компаниите на пазарот истакнувајќи дека ваквиот пристап може да креира ефективни резултати доколку секоја компанија настапи одговорно и самостојно покрај заедничките активности како кластер.
Поздравувајќи ја организацијата на оваа конференција, регионалниот советник за земјоделство во германската амбасада во Скопје, Франк Мулер, го нагласи значењето на соработката помеѓу здружението „Вина од Македонија“ и ГИЗ акцентирајќи дека за долгорочен одржлив развој на винската индустрија неопходна е соработка и со универзитетите бидејќи научниот пристап во воведувањето и примената на унифицирани стандарди за производство и пласман на висококвалитетно вино од регионот е повеќе од неопходен.
За најновите движења во интрарегионалната трговија со грозје и вино во рамките на Западен Балкан говореше и извршната директорка на здружението „Вина од Македонија“, Елена Младеновска-Јеленковиќ, која ја нагласи неопходноста од воспоставување заеднички вински бренд со загарантирано географски потекло како еден од клучните предуслови за зголемување на препознатливоста на овдешните вина од страна на потрошувачите на пазарите во ЕУ и пошироко.