Атлантик Група во првиот квартал на 2015 година оствари приходи од продажба во вредност од 154,4 милиони евра, што во споредба со првиот квартал од 2014 година, претставува раст од 3 отсто.

Добивката пред оданочување изнесува 9,6 милиони евра што претставува намалување за 14,2 отсто, додека нето добивката по исплата на малцинските акционери изнесува 5,8 милиони евра што значи раст од 39,3 отсто.

„И покрај пазарните предизвици во регионот и пошироко посебно во Русија и Украина, Атлантик Група во првиот квартал на 2015 година бележи раст на приходите од продажба и подобрување на профитабилноста. Во средина на март 2015 година пуштен е во употреба производниот погон за енергетски барови во Нова Градишка, што претставува најголем инвестиционен циклус на Атлантик Група во развој на производството, а успешно е започнат и процес на интеграција на компанијата Foodland, која со брендот ‘Бабините тајни’ ќе го зголеми асортиманот на производи на Атлантик Група. Во продолжение на 2015 година, фокусот ќе биде на натамошниот раст и интернационалното работење, управување со оперативните и финансиски ризици, оптимизација на работењето, одржување на ликвидноста и управување со финансиските обврски“, истакна Емил Тедески, претседател на управата на Атлантик Група.

Со отворање на современиот погон за енергетски барови во чија изградба и опремување е вложено 13 милиони евра, продолжува консолидацијата на производните капацитети на Атлантик Група, а производството на енергетски барови успешно е префрлено од надворешните договорни произведувачи, во сопствениот погон. Дополнително, во почетокот на оваа година српската комисија за заштита на конкуренција го одобри преземањето на компанијата Foodland, со што се исполнети условите за интеграција на компанијата во состав на Атлантик Група, и вклучување во консолидираните резултати за 2015 година. Во првиот квартал, фокусот е на интензивната интеграција на компанијата во составот на Атлантик Група, и во таа смисла се истакнува префрлувањето на регионалната дистрибуциска мрежа на Атлантик Група, и ширење на регионалното присуство на брендот „Бабините тајни“.

За вкупниот раст на приходите од продажба на Атлантик Група во првиот квартал од 2015, најмногу придонесоа стратешката бизнис Слатко и солено со раст од 5,9 отсто, стратешката бизнис област Деликатесни намази со раст од 9,8 проценти, стратешката бизнис во областа на производите од кафе со раст од 3,1 процент, стратешката дистрибутивна област Хрватска со раст од 15,2 , Србија со раст 5,0 отсто, Словенија со раст 6,0 отсто. Кафето со 18,8 процентен удел во вкупните приходи од продажбата, се истакнува како најголема поединечна категорија со 28,7 милиони евра приходи од продажба.

Гледано по пазари, најголем раст од 11,7 проценти е остварен на пазарот во Хрватска што изнесува 25,8 проценти од вкупните приходи од продажба. Пазарот во Србија со 22,6 проценти има најголем удел во вкупните приходи од продажба и оствари раст од 6,3 проценти.

Сопствените брендови на Атлантик Група учествуваат во продажбата со 63,1 проценти, дистрибуцијата на брендовите од принципалите со 20,1 проценти, фармацевтскиот синџир Фармација со 7,2 проценти, додека производите кои Атлантик Група ги произведува како приватни брендови за големите бизнис системи во земјата и странство учествуваат со 9,5 проценти во вкупната продажба./крај/мф/ап

Извор: Макфакс