Минатата недела во Скопје се одржа дводневниот натпревар во бизнис студија на случај 2016 во организација на ИЕДЦ Алумни клуб Македонија и ИЕДЦ Бледската Школа за менаџмент.

Овој натпревар се организира четврта година по ред, а овогодишни учесници беа шестчлени тимови кои ги претставува компаниите НЛБ Тутунска банка, Бритиш Американ Тобако, Бионика Фармацеутикалс, ИТ ГМА, како и Економскиот факултет при Универзитетот „Св. Кирил и Методиј“. Победнички тим беше оној на Бритиш Американ Тобако, а наградата е учество на еден од изборните МБА курсеви на ИЕДЦ Бледката школа за менаџмент во вредност од 9.000 евра.Ментор на целата оваа активност е реномираниот професор по менаџмент и бизнис етика, како и проектен и академски директор на МБА студиите во рамките на ИЕДЦ Бледската Школа за менаџмент, Д-р Ненад Филиповиќ.Агенцијата Макфакс направи интервју со Д-р Ненад Филиповиќ.Макфакс: Што значи учеството на дводневниот натпревар во бизнис студија на случај 2016 во организација на ИЕДЦ Алумни клуб Македонија и ИЕДЦ Бледската Школа за менаџментот за компаниите и учесниците?Професор Филиповиќ: ИЕДЦ натпреварите се одлична можност за тимовите од секоја компанија да се соочат со сериозни предизвици и да видат како во такви услови функционираат како поединци, но и како тим во целина. Ова е важно за сите бидејќи ќе се преиспитаме колку сме добри во структурирањето и анализата на проблемите, но и како ги прифаќаме предизвиците за нивно решавање. Дали и колку знаеме јасно и убедливо да говориме и комуницираме.Овие натпревари, исто така, се идеална прилика да научиме повеќе едни од други. Многу важно е и тоа што победничкиот тим на натпреварот добива атрактивна награда во висина од 9.000 Евра во МБА курс на ИЕДЦ Бледска школа за менаџмент. Оваа награда е престижна како за тимот, така и за компанијата која е претставувана од тој тим.Макфакс: Кои се главните совети кои им ги упативте на учесниците на натпреварот за бизнис студија на случај?Професор Филиповиќ: Мојот прв совет е: секогаш најпрво помислете на најважните прашања кои ги согледувате во дадената ситуација или проблем. Како што вели Петер Друкер „Најголемиот број на грешки направени во процесот на манаџирање не потекнуваат од лошите одговори, туку настануваат поради лошите прашања“.Ако се задоволни од квалитетот на поставените прашање, понатаму треба да се фокусираат на создавањето на добра структура и основа за размислување која ќе води кон добри одговори.Последно, но не најмалку важно, откако ќе бидат задоволни од квалитетот на нивните одговори, учесниците треба да се посветат на нивната комуникација со публиката на јасен и убедлив начин.Овие совети всушност се поклопуваат со некои од најважните вештини и знаења во бизнис лидерството, што го прави ваквиот пристап толку неопходен во бизнис образованието.Макфакс: Кои беа вашите очекувања од овој натпревар и дали се исполнија?Професор Филиповиќ: Очекувањата од ИЕДЦ натпреварот во бизнис студија на случај кој се одржа мината недела во Скопје беа да поминеме интересно исполнето време, кое во исто време ќе ги стимулира учесниците многу да научат и стекнат нови и креативни вештини и знаења.Секако, секогаш ми е посебно драго кога ги гледам тимовите како презентираат одлични „решенија“ на зададените случаи. Би сакал да напоменам дека зададените бизнис студии на случај ретко имаат само едно најдобро решение, па секогаш преостанува голем простор за креативност и иновативност.Со сета почит кон другите вакви ИЕДЦ натпревари во регионот, слободно можам да кажам дека овогодинешниот ИЕДЦ натпревар во Скопје беше високо успешен.Макфакс:Како ги мотивирате младите учесници во овој натпревар повеќе да изнаоѓаат сопствени креативни и иновативни решенија за актуелните бизнис предизвици?Професор Филиповиќ: Создаваме средина во која јасно комуницираме за претстојните очекувања од ИЕДЦ натпреварот и постојано им даваме фидбек односно тука сме за нив во текот на двата дена додека сите тимови ја обавуваат својата студија на случај.Останатото е сопствена мотивација на секој од учесниците и тимовите, која досега никогаш не недостасувала. Без ваквата мотивација, учесниците на овој бизнис натпревар сигурно воопшто не би се пријавиле за учество. /крај/ст