Компании
Добивката на Facebook скокна 138, цените на акциите на рекордно ниво
Благодарение на силниот раст на мобилното огласување, Facebook во вториот квартал од годината оствари добивка 791 милион долари, што е 138 отсто повеќе во однос на истиот период лани, па цената на акцијата на најголемата глобална социјална мрежа на рекордно ниво.
Вкупните приходи на команијата достигнале 2,9 милијарди долари, што е 61 отсто повеќе во однос на вториот квартал од минатата година, покажа деловниот извештај објавен во средата.
Приходите од огласувањето, кои претставуваат најголем дел од приходите на Facebook, пораснаа за 67 отсто, на 2,68 милијарди долари. Благодарение на импресивниот раст од 151 отсто, уделот на приходите од огласување на мобилни апарати во второто тромесечје достигна 62 отсто од вкупните приходи од огласувањето.
Facebook сега има 1,5 милиони огласувачки клиенти бидејќи забележа раст во огласувањето во сите региони на светот.
„Имавме добро второ тромесечје. Нашата заедница продолжи да расте и гледаме многу можности пред нас додека го поврзуваме остатокот на светот“, порача во соопштението Марк Зукенберг, основач и извшрен директор на Facebook.
Најголемата глобална социјална мрежа сега има 1,32 милијарди корисници ширум светот, 14 отсто повеќе во однос на истиот период лани, а 63 отсто од нив пристапуваат кон Facebook секојдневно. Притоа над милијарди корисници имаат пристап преку мобилни уреди.
Иако расходите на компанијаа пораснаа силни 22 отсто, на 1,52 милијарди долари, оперативната маржна скокна од минатогодишните 31 отсто на 48 отсто од приходите.
Благодарение на подобрите од очекуваните деловни резултати, цената на акцијата на Facebook скокна за пет отсто, на рекордни 75 долари. Со тоа пазарната вредност на компанијата достигна 190 милијарди долари, колку што отприлика вреди и технолошкиот гигант IBM. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
„Новата мачка во градот“ – Ексклузивна февруарска понуда за новата Ford Puma Hybrid
Овој февруари, во духот на „месецот на мачките“, Гранд Ауто ја претставува специјалната продажна кампања „Новата мачка во градот“, посветена на новата Ford Puma Hybrid – модел кој комбинира впечатлив дизајн, динамични перформанси и напредна хибридна технологија. Кампањата носи ексклузивни попусти достапни само во текот на февруари, за верзиите со мануелен и автоматски менувач.
Во ограничен временски период, купувачите имаат можност да го добијат овој атрактивен компактен SUV по специјални цени:
Ford Puma Hybrid – мануелен менувач: од 21.500 €
Ford Puma Hybrid – автоматски менувач: од 23.500 €
Понудата важи само до крајот на февруари 2026 година и се однесува на возила од залиха.
Со својата агилност, карактер и урбана енергија, Ford Puma совршено го оправдува слоганот „Новата мачка во градот“ – автомобил создаден за возачи кои сакаат стил, технологија и возбудливо возачко искуство во едно.
Повеќе информации за кампањата и достапните модели: https://ford.mk/puma-hybrid-nova-macka
(ПР)
Економија
Македонско возило привлече внимание на улиците на Будимпшета: GREEN MACHINES чисти снег кај будимската тврдина
Деновиве, возило на Green Machines на БРАКО – Велес, привлече внимание на улиците на Будимпешта, додека ја чистеше од снег Будимската тврдина, едно од најзначајните културно-историски обележја на унгарската престолнина.
Иако по димензии е значително помало во споредба со класичните камиони за чистење снег, Green Machines возилото се покажа како исклучително ефикасно токму таму каде што големата механизација има ограничен пристап – на пешачки зони, патеки и тешко достапни делови, особено во културно заштитените подрачја и објекти.
Додека тешките машини се користат за расчистување на главните сообраќајници, возилото произведено во БРАКО обезбедува прецизно и безбедно одржување на јавната хигиена и зимската проодност во чувствителни урбани средини, каде што се бара внимателен пристап и современа технологија.
Истото возило кое во текот на годината ја одржува чистотата на градските улици, паркови и плоштади, во зимски услови успешно се користи и за чистење снег, што уште еднаш ја потврдува универзалноста и мултифункционалноста на возилата на Green Machines на БРАКО.
Фактот што вакво македонско индустриско решение е ангажирано во една европска метропола како Будимпешта претставува силна потврда дека нашите возила не само што се извезуваат, туку и се избираат за работа во најсложени и најчувствителни услови – од секојдневна урбана хигиена до зимско одржување, во повеќе од 60 држави низ светот.
(ПР)
Економија
„Сетек“ отвора нов продажен салон во Godi Retail Park
Сетек – ја зацврстува својата лидерска позиција на македонскиот пазар со повеќе од 32 години доверба и врвна понуда на најновите производи од најпрестижните светски брендови.
Брендот продолжува со својата мисија да ја донесе технологијата поблиску до своите потрошувачи, да ги понуди најдобрите услови, најповолните цени и најдобрата услуга.
Големото отворање ќе се одржи од 6 до 8 февруари, ново место, нова енергија, нов, модерен Сетек продажен салон во Godi Retail Park – Скопје, со промотивни цени, најголеми попусти и над 300 подароци за најверните купувачи.
Во текот на отворањето, посетителите ќе имаат можност да уживаат во интерактивни демо-зони со тестирање и дегустации на врвни производи, како и специјална забавна програма.
СПЕЦИЈАЛНА ПРОГРАМА:
Петок, 6 февруари – забава со Гораст и Тони Зен
Сабота, 7 февруари – забава со Викса и DJ Дела
Подароци ве очекуваат со секоја сметка над 10.000 денари.
Посетете нè и бидете дел од најголемата технолошка забава во градот!
Количините се ограничени. Промотивните цени важат исклучиво во СЕТЕК Godi Retail Park – Скопје.
(ПР)

