Компании
ЕВН Македонија првонаградена за проектот „Поттикнување на читачките навики”

Проектот за поттикнување на читачките навики на ЕВН Македонија ја доби првата награда за општествено најодговорна практика за 2015 година во категоријата вложување во заедницата. Во оваа категорија традиционално има најголема конкуренција на националното доделување на награди за општествено одговорни практики, кое и оваа година се организира под покровителство на Министерството за економија.
Системскиот и иновативниот пристап кон креирањето на читачки навики е главната карактеристика на наградениот проект на ЕВН Македонија. Проектот започна со реализација во декември 2014 година и се реализираше во текот на целата 2015 година. Идејата се роди од потребата за промоција на новата услуга на ЕВН – електронска фактура. Заштедата на хартија која корисниците ја остваруваа со пријавувањето за електронска наместо печатена фактура за електрична енергија, ЕВН ја преточи во три збирки раскази, од вкупно 14 домашни автори кои дотогаш немале прилика да ги објават своите дела, со тираж од над 3.000 примероци. Со ова се заокружи првата фаза од проектот, позната во јавноста како „Создади книга“.
Во втората фаза, проектот ги опфати и најмладите како целна група. Отворени беа 3 модерни читалници во Скопје, Битола и Струга во кои се реализираа работилници за поттикнување на читачките навики и креативноста кај децата преку интерактивни и современи методи. Покрај работилниците во кои учествуваа над 200 деца, во рамките на проектот беа организирани повеќе настани и тоа: првоаприлски маскембал за деца инспириран од ликови од книги, ноќно читање по повод Часот на планетата Земја, промоција на Саемот за книга и отворени денови во читалниците. Проектот беше реализиран со мноштво на партнери од граѓанскиот и приватниот сектор, како и локалната власт. Резултатите од проектот се позитивни, а како трајна вредност остануваат издадените книги, но и читалниците за користење на локалните заедници во Скопје, Битола и Струга.
Инаку, оваа година ЕВН го прославува 10 годишниот јубилеј од влегувањето во Македонија. Во изминатите 10 години, компанијата постепено и стратешки го развиваше сегментот на општествената одговорност. Досега, ЕВН Македонија е наградена дури 14 пати на националното доделување на награди за општествено одговорни практики, во сите 5 различни категории, со што е една од најнаградуваните компании во Македонија. /крај/мф/би
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Кроација осигурување носи сигурност поблиску до вас: две нови филијали во Скопје

Компанијата Кроација осигурување со гордост најавува отворање на две нови филијали во главниот град. Новите локации се наоѓаат во двете најдинамични и растечки населби во Скопје – Карпош и Аеродром. Филијалата во Населба Карпош се наоѓа на Булеварот Партизански одреди бр. 109, додека филијалата во Населба Аеродром е лоцирана на Ул. Коста Новаковиќ бр. 17/1 лок. 6.
Отворањето на новите филијали е дел од стратегијата на компанијата за проширување на присуството и за обезбедување лесен пристап до услугите за осигурување за сите граѓани. Во новите канцеларии, клиентите ќе можат да добијат комплетни информации и консултации за широк спектар на производи за осигурување, вклучувајќи осигурување на дом, возилo, осигурување од незгода, одговорност, здравствено осигурување и патничко осигурување.
Со ова проширување на продажната мрежа, Кроација осигурување продолжува да обезбедува сигурност и безбедност за клиентите. Новиот тим во филијалите е подготвен да им понуди најдобри можности за осигурување на сите постоечки и идни клиенти, а се со цел соодветна осигурителна заштита.
Кроација осигурување продолжува да се развива и да ги задоволува потребите на своите клиенти, обезбедувајќи сигурност и доверба во секој момент. Што и да се случи, едно е сигурно – Кроација осигурување е тука за вас!
(ПР)
Економија
Пратките ќе можете да си ги подигнувате сами од пакетомати – презентирана нова платформа

На промотивен настан денес беше презентиран нов начин за подигнување на пратките, што, како што беше посочено, ги надминува досегашните предизвици со доставата.
Се работи за воведување паметни автоматозирани пакетомати кои ќе бидат поставени на 120 локации низ државата, а пратката би можеле да си ја подигнете со кодот што би пристигнал на вашиот мобилен телефон.
Решението во земјата го воведува „Мај бокс“ (My Box). Основачот на компанијата, Далибор Ѓошевски, изјави дека идејата е резултат на детаљна анализа на потребите на корисниците и предизвиците во постојниот систем за достава.
„Нашата цел е да обезбедиме модерно, ефикасно и достапно решение што ќе стави крај на загубените пратки, на долгите чекања и на ограничувањата на временски рамки во доставата“, рече Ѓошевски.
Во рамките на настанот се одржа и панел-дискусија за иднината на е-трговијата и предизвиците на логистиката, за тоа како иновативните производи и услуги од овој тип ќе го подобрат искуството на корисниците и ќе го оптимизират процесот на достава.
Економија
Склопи сам, конфигурирај со „Нептун“!

Конечно и кај нас, во нашата најсовремена продавница за компјутерски компоненти, отсега е достапен и онлајн конфигуратор, со кој лесно ќе може да го склопите вашиот идеален компјутерски систем.
Тимот на Нептун верува дека вашиот компјутер треба да биде единствен како и вие, затоа се одлучија на пионерски и храбар исчекор кон овој сегмент, знаејќи дека со конфигураторот нема да понудат само техничка слобода на своите купувачи, туку и ексклузивно патување до нивниот личен, уникатен компјутер.
Онлајн конфигураторот нуди загарантирана компатибилност меѓу компонентите, широк избор на премиум компоненти од врвни брендови, неограничена креативност и целосна поддршка чекор-по-чекор низ секоја компонента во вашата конфигурација. Од изборот на процесор, преку графичката картичка, па сè до последниот мемориски чип – со онлајн конфигураторот кој ексклузивно го нуди само Нептун, вие сте архитект на сопственото ремек-дело од компјутер.
- Но зошто сами да конфигурирате компјутер?
- Затоа што може да го направите во секое време и од кое било место
- Затоа што може подобро да го оптимизирате вашиот буџет
- Затоа што може да ги изберете компонентите што ги сакате и што совршено ќе одговараат на вашите потреби, а притоа да бидете сигурни дека истите се меѓусебно компатибилни
- Затоа што ќе може полесно да го надградувате и одржувате компјутерот и во иднина
- И конечно, затоа што сите компоненти и онлајн конфигураторот сега се достапни во Нептун.
Дополнителна предност на овој подвиг е тоа што ќе го прилагодите вашиот иден компјутер според вашите желби и потреби до најмалите детали. Без оглед на тоа дали сакате да склопите компјутер за игри, за стриминг или интензивно ќе го користите за создавање мултимедијална содржина, сега имате „хаб“ каде ќе ги најдете сите компоненти и конфигураторот кој ќе ви помогне да креирате врвен домашен, канцелариски или компјутер за игри. Сето ова, благодарение на Нептун ќе биде лесно како 1-2-3.
Изборот на компонентите што ја сочинуваат секоја компјутерска конфигурација е вистинска уметност и конечно Нептун ја носи таа уметност поблиску до вас, токму преку оваа револуционерна услуга.
Кога сами ќе составите компјутер, вие имате само своја, лична конфигурација што ќе одговара на вашите потреби, посебен, единствен компјутер што никој друг го нема освен вас. Со избирање на вистинските компоненти со помош на конфигураторот, ќе постигнете максимални перформанси со минимална инвестиција што ќе ги оживее вашите игри и апликации.
И за крај, потсетување за сите љубители на технологијата, искористете ја можноста за купување производи од целата ИТ категорија на дури 48 рати без камата, во сите продавници на Нептун.
(ПР)