Контакт

Компании

Финансиски стабилно, профитабилно и современо работење со надградена стратегија на групацијата Триглав

Објавено пред

Групацијата Триглав ги објави во средата стратегијата за периодот 2017-2020 година и деловниот план за 2017-та година. Преку своите вредности, мисијата и стратешките цели го зацрта својот пат да биде современа, иновативна и динамична осигурителна и финансиска групација, која што цврсто ја држи водечката позиција во Словенија и во регионот. Визијата на Групацијата предвидува динамично развивање на нови начини на работење, како основа за одговорен долгорочен развој на компанијата, а воедно да работи профитабилно и безбедно.

dobivaj vesti na viber

Мисијата на групацијата Триглав и до 2020-та година останува градење безбедна иднина за своите акционери. Дополнително, водечката осигурителна и финансиска групација во ЈИ Европа ќе биде посветена на одговорен и одржлив развој. Повеќе од 5000 посветени вработени, кои се темел на имплементирањето на визијата и стратешките цели, се поврзани со заедничките вредности, втемелени во културата на групацијата Триглав: безбедност, одговорност, стручност, едноставност и современост.

Главните стратешки активности на Групацијата се осигурувањето и управувањето со средства. На крајот на стратешкиот период Групацијата ќе биде водечки понудувач на иновативни и сеопфатни производи во доменот на осигурителните и услугите за управување со средства на постојните пазари во регионот на ЈИ Европа.

Работење, прилагодено на потребите на клиентите, во правец на дигитализација, застапеност во сите продажни канали и нудење на асистентски услуги

Во центарот на сите активности на Групацијата се клиентите, кон кои Триглав ќе се однесува индивидуално, следејќи го нивниот севкупен кориснички развој. Групациските процеси, кои што стануваат сѐ повеќе дигитализирани, ќе бидат прилагодени на клиентите и нивните променливи навики, како дополнување на развојот на иновативни продукти и услуги, кои што ќе се креираат со цел да бидат едноставни и лесно достапни преку сите продажни канали, вклучувајќи ги како традиционалните, така и дигиталните пристапи. И понатаму ќе продолжиме да нудиме асистентски услуги, како додадена вредност на осигурителните производи.

Во поглед на управување со средства, стратешка цел на Групацијата ќе биде зголемување на обемот на средствата кои што се управуваат, или пак уделот во управувани средства за одреден клиент.

Успешно и профитабилно работење, преку јакнење на конкурентните предности

Финансиски стабилното работење на групацијата Триглав ќе биде профитабилно и насочено кон зголемување на вредноста на групацијата. Долгорочно гледано, основната осигурителна дејност ќе биде профитабилна, додека пак целниот просечен комбиниран коефициент во неживотно осигурување ќе изнесува приближно 95%. Во 2020-та година профитабилноста на капиталот (ROЕ) на Групацијата ќе надмине 10%. Групацијата ќе обезбеди ефикасно и севкупно управување со ризиците, трошковна ефикасност, финасиска стабилност и адекватност на капиталот, сѐ со цел да се одржи постојниот “A” кредитен рејтинг на групацијата. Од друга страна, критериумите на дивидендната политика и насоките за управувањето со капиталот ќе останат непроменети.

Во своето работење Групацијата ќе ги користи и подобрува своите конкурентни предности. Тие се темелат на силниот и доверлив бренд, големото портфолио на корисници на производите и услугите, развиените продажни канали, широката палета на квалитетни производи и услуги, како и брзото решавање на штети. Дополнително, Групацијата се одвојува од своите конкуренти и по својот однос кон пазарот, бидејќи нејзиниот долгорочен фокус на пазарите во регионот наметнува потреба од активно и одговорно инвестирање во тие пазари и во нејзините односи со акционерите.

Групацијата Триглав во регионот и пошироко

Групацијата ќе продолжи да работи во шест држави во ЈИ Европа, каде ќе се развива органски, сепак, доколку се појават соодветни можности, не се исклучени евентуални превземања. Во регионот каде што Групацијата работи се очекува долгорочен забрзан раст на осигурителните пазари, што ќе резултира со повисок удел во вкупната полисирана премија на пазарите надвор од Словенија. Групацијата ќе продолжи да ги развива пазарите во регионот, инвестирајќи првенствено во осигурителните сегменти во кои што се очекува највисока стапка на раст (осигурување на живот, здравствено и пензиско осигурување). Ќе развива дигитални бизнис модели, кои што ќе ѝ овозможат пристап до пазари надвор од постоечкиот регион. Ќе гради стратешки партнерства со компании, чии активности се комплементарни со бизнис моделот на групацијата Триглав.

Оптимална организациска структура

Групацијата Триглав воведува флексибилна организациска структура, која што гарантира ефикасна рамнотежа помеѓу стабилноста и динамиката на организацијата, а притоа се намалуваат стратешките и другите ризици. На ниво на Групацијата и во иднина ќе се користи синергија и ќе се оптимизираат трошоците на работење, а воедно ќе се воведува целосен иновативен систем во организацијата.

„Во стратешкиот период што следи влегуваме амбициозно и со јасни цели. Се гледаме како современа дигитална осигурителна и финансиска групација, со водечко место во регионот, познати по бројните конкурентни предности. Овие предности уште повеќе ќе ги зајакнеме. При тоа целиме нашето работење да остане финансиски стабилно и профитабилно, а при тоа нашиот развој да биде насочен кон одржливост и одговорност кон нашите сопственици, вработени, локалната заедница и пошироко, кон опкружувањето. Во 2017 година активно ќе спроведуваме проекти, со цел да ги оствариме нашите стратешки насоки и цели”, изјави Андреј Слапар, претседател на Управата на Заваровалница Триглав.

Деловен план за 2017 година

Во 2017 година работењето на Групацијата и понатаму ќе биде финансиски стабилно и профитабилно. Бруто деловната добивка е планирано да изнесува помеѓу 70 и 80 милиони евра. Ќе се зачува финансиската стабилност и адекватноста на капиталот, што е во согласност со важечката политика за дивиденди и основа за исплата на дивиденди за 2016 година.

Според очекувањата, Триглав ќе работи во тешки пазарни услови во доменот на осигурувањето, како и во ситуација на ниски, па дури и негативни каматни стапки на финансиските пазари. Групацијата во 2017 година планира околку 930 милиони евра консолидирана бруто полисирана премија од осигурување (за 2016 година планот е приближно 900 милиони евра), а се очекува сличен тренд во доменот на штети како и претходните години, како и ниска добивка од инвестициите поради влијанието на ниските каматни стапки. Во поглед на инвестициите, групациската инвестициска политика ќе има како приоритет обезбедување сигурност и ликвидност. Комбинираниот коефициент на Групацијата Триглав се планира да изнесува околу 95%. Во согласност со стратешките насоки, Групацијата ќе ја зајакне и ќе ја консолидира својата положба на постоечките осигурителни пазари. /крај/мф/би



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

„Зегин онлајн“ е најпопуларна е-продавница за здравје, нега и убавина за 2023 година

Објавено пред

Во организација на Асоцијацијата за е-трговија на Македонија вчеравечер се одржа Ecommerce Awards, избор на најдобрите во македонската е-трговија.

dobivaj vesti na viber

Компанијата Зегин со е-продавницата www.zegin.com.mk беше номинирана во неколку категории, а го освои првото место во категоријата „Најпопуларна е-продавница за здравје, нега и убавина“, што претставува уште една потврда дека квалитетот, професионалноста, вложениот труд и љубов секогаш резултираат со успех.

Изборот на најдобрите е-трговци има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.

„Оваа награда, трета по ред претстаува уште еден доказ за успешноста на работењето на онлајн продавницата на Зегин- www.zegin.com.mk и е одлична мотивација за уште попосветена работа, поквалитетна понуда, како и позадоволни купувачи во иднина. Ви благодариме за лојалноста и довербата!“, велат од компанијата за наградата.

Манифестација за доделување на македонските Награди за е-трговија за 2023 година – E-commerce Awards, се одржа во присуство на членките на АЕТМ, поддржувачите и партнерите, жири комисијата и наградените е-трговци.

(ПР)

Прикажи повеќе...

Економија

Тековните предизвици и можности на винските пазари и значењето на географските ознаки за македонското вино – теми во фокусот на регионалната конференција за вино

Објавено пред

Како да се искористат актуелните трендови на глобалните вински пазари за подобро позиционирање на македонското вино, како да се зголеми препознатливоста на нашите вина, зошто е исклучително важно воведувањето географски ознаки на виното и какви придобивки ќе донесе овој процес. Ова се само некои од прашањата за кои се имаше дискусија на регионалната конференција за вино, што ја организираа здружението „Вина од Македонија“ и винарската визба „Тиквеш“, во соработка со Германското друштво за меѓународна соработка (GIZ).

dobivaj vesti na viber

„За да се зголемат продуктивноста и додадената вредност на домашната винска индустрија, нејзината конкурентност и вредноста на извозот, како и нејзината отпорност на тековните предизвици, вклучувајќи ги и ризиците од климатските промени, неопходни се големи вложувања во знаење, во нови технологии и дигитализација, во организација, окрупнување на лозјата и создавање ефикасни кооперантски односи, како и во воведување нови правила, стандарди и механизам за државна поддршка и поголема регионална соработка. Сето ова мора да се заснова на научен пристап користејќи ги искуствата на развиените земји, кои поминале низ оваа трансформација и може да ни помогнат да го оствариме она што е нашата главна задача – зголемување на извозот на квалитетно вино, кое ќе биде препознатливо и ценето од потрошувачите во светот“, порача во своето воведно обраќање на конференцијата претседателот на здружението „Вина од Македонија“, Светозар Јаневски.

Во рамките на конференцијата се одржаа три работни сесии на кои реномирани експерти од Универзитетот „Гајзенхајм“ во Германија, професорите Јон Ханф и Силвија Димер говореа за состојбите на глобалниот пазар на вино, за спецификите на посебните пазарни нишки во Европа и за значењето на правните и техничките услови за извоз на вино. Една од поважните пораки што ја потенцираа експертите се однесуваа на важноста на заедничкиот настап на компаниите на пазарот истакнувајќи дека ваквиот пристап може да креира ефективни резултати доколку секоја компанија настапи одговорно и самостојно покрај заедничките активности како кластер.

Поздравувајќи ја организацијата на оваа конференција, регионалниот советник за земјоделство во германската амбасада во Скопје, Франк Мулер, го нагласи значењето на соработката помеѓу здружението „Вина од Македонија“ и ГИЗ акцентирајќи дека за долгорочен одржлив развој на винската индустрија неопходна е соработка и со универзитетите бидејќи научниот пристап во воведувањето и примената на унифицирани стандарди за производство и пласман на висококвалитетно вино од регионот е повеќе од неопходен.

За најновите движења во интрарегионалната трговија со грозје и вино во рамките на Западен Балкан говореше и извршната директорка на здружението „Вина од Македонија“, Елена Младеновска-Јеленковиќ, која ја нагласи неопходноста од воспоставување заеднички вински бренд со загарантирано географски потекло како еден од клучните предуслови за зголемување на препознатливоста на овдешните вина од страна на потрошувачите на пазарите во ЕУ и пошироко.

Прикажи повеќе...

Економија

Традиционалното закројување на лозјата на „Тиквеш“ за Свети Трифун во знакот на новите прогресивни практики на винарницата

Објавено пред

ВВ „Тиквеш“ го одбележа празникот Св. Трифун со свечено закројување на лозјата во Лепово. На настанот присуствуваа бројни гости – претставници на институции, на дипломатскиот кор, соработници на винарницата и лозари.

dobivaj vesti na viber

Годинешниот настан беше во знакот на воведување на ЕСГ стандардите во работењето на винарницата. Со нивното имплементирање, „Тиквеш“ станува единствена винарница во регионот која воведува нови прогресивни активности и култура во своето работење, дополнително инвестирајќи во грижата за животната средина, влијанието и придонесот во развојот на општеството и доброто управување.

Гостите ги поздрави новата генерална директорка на ВВ „Тиквеш“ Бранка Славеска, која во своето обраќање фокусот го стави на посветеноста на „Тиквеш“ за развој на винската индустрија во земјава и регионот, претставувајќи пример за останатите деловни субјекти во индустријата.

„Производството на квалитетно вино е императив во работата на „Тиквеш“. Тоа може да се постигне само со имплементација на современи практики и технологии, примена на науката и, најбитно, со поставување и следење на највисоки стандарди во своето работење. Воведувањето на ЕСГ стандардите за нас и за нашите соработници значи дополнителен поттик за раст на компанијата, но и за позитивно влијание на општеството во целост“, изјави генералната директорка на „Тиквеш“ Бранка Славеска и нагласи дека „Тиквеш“, кој е своевиден амбасадор на државата, чувствува должност да вложува во трасирање на патеката за освојување на светските пазари и градење на имиџот на македонското вино.

ВВ „Тиквеш“ посветено работи на целосна трансформација во т.н. „зелена” винарница. Во рамки на овој процес, го произведува првото органско вино, токму на лозовите насади на Лепово, користи најсовремени научни методи, како и вештачка интелигенција во насока на заштита на лозовите насади и обезбедување квалитетно грозје, имплементира проекти кои имаат за цел заштита на животната средина, намалување на отпадните води како и намалување на емисиите на CO₂ и вложува во обновливи извори на енергија преку инсталирање на фотоволтаици. Притоа, сето ова го споделува и со своите кооперанти и со останатите чинители во индустријата.

„Тиквеш“ како општествено одговорна компанија во целокупното работење е посветена на минимизирање на своето влијание врз животната средина, поддршка на локалните заедници и практикување највисоки стандарди за корпоративно управување.

ПР

Прикажи повеќе...

Најново

Македонија19 минути

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија2 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ3 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија3 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија3 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија6 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет6 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет7 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија7 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион7 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет7 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет7 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија22 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија23 часа

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија1 ден

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија1 ден

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет1 ден

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...

Регион1 ден

Вучиќ: Следуваат тешки денови за Србија, не ми е лесно да кажам какви вести добивме

Српскиот претседател Александар Вучиќ синоќа изјави дека пред Србија претстојат тешки денови, пренесува „Нова.рс“. Вучиќ најави дека во наредните денови...