Компании
Легендарниот ‘Колт’ во стечај, се нуди за нула долари
Легендарниот американски производител на пиштоли „Колт“ (Colt) ја покрена стечајната постапка, а на аукција ќе се биде понуден за нула долари.
Сопственикот на „Colt Defens“, инвестицискиот фонд „Sciens Capital Management“, предложи купување на компанијата по почетна цена од нула долари, но со преземање на 105 милиони американски долари постојни кредитни обврски и до 20 милиони долари нови кредити.
Продажбата на пушките и пиштолите на „Колт“ во 2014 година паднала за 30 отсто, па компанијата во мај годинава не можеше да исплати 11 милиони долари доспеани обврзници на сопствениците, на коишто вкупно им должи околу 20 милиони долари.
Во таквата тешка ситуација, компаниите вообичаено им ја препуштаат сопственоста на кредиторите, заменувајќи ги долговите за сопственичкиот удел. Тоа сопствениците на обврзниците на „Колт“ и го предложија во март. Меѓутоа, компанијата тоа го одби, со образложение дека тоа би било преризично. Од друга страна, пак, „Колт“ некогаш главен снабдувач со оружје на американската армија, предложи издавање на нови акции во износ од 450 долари за секоја досега издадена обврзница во вредност од 1.000 долари, што прави дисконт од 55 отсто. Бо, сопствениците на обврзниците ја одбија таа понуда.
Бидејќи во „Colt Defens“ проценуваат дека во следната 2016 година приходите ќе им растат, неговиот сопственик „Sciens Capital Management“ се реши да се обиде да ја задржи сопственоста, дури и доколку имателите на обврзниците претрпат големи загуби.
Покренувањето на стечајната постапка и понудата на компанијата на јавно наддавање е начин „Колт“ да го избегне прекинот на производство и активности, поради што компанијата би престанала да ги испорачува нарачките, би укинала 800 работни места и би го довела во прашање фондот за пензиско осигурување на своите вработени, наведе во стечајните документи директорот за реконструирање, Кит Мејб.
Понудата на „Sciens Capital Management“ за купување на „Colt Defens“ за нула долари, со преземање на обврските на компанијата и нови кредити, ќе биде само почетната понуда на акцијата, закажана за 3-ти август.
„Секој кој мисли дека тоа е прениска цена, може да понуди колку што смета дека компанијата навистина чини. Очекувам голем интерес на аукцијата“. Колт е икона!“, вели за Reuters Ван Конвеј претседател на консултантската компанија „Conway Mackenzie“.
„Colt’s Manufacturing Company“ во 1855 година ја основал Семјуел Колт, а оваа компанија долг период доминираше на американскиот пазар како по производството, така и по иновативноста, особено од половината на XIX век до Првата светска војна. Проблемите на компанијата се интензивираа кон крајот на минатиот век и траат до денес поради зголемената конкуренција и, како што се жалат од неа, поради кампањата за не купување оружје во САД./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
„Новата мачка во градот“ – Ексклузивна февруарска понуда за новата Ford Puma Hybrid
Овој февруари, во духот на „месецот на мачките“, Гранд Ауто ја претставува специјалната продажна кампања „Новата мачка во градот“, посветена на новата Ford Puma Hybrid – модел кој комбинира впечатлив дизајн, динамични перформанси и напредна хибридна технологија. Кампањата носи ексклузивни попусти достапни само во текот на февруари, за верзиите со мануелен и автоматски менувач.
Во ограничен временски период, купувачите имаат можност да го добијат овој атрактивен компактен SUV по специјални цени:
Ford Puma Hybrid – мануелен менувач: од 21.500 €
Ford Puma Hybrid – автоматски менувач: од 23.500 €
Понудата важи само до крајот на февруари 2026 година и се однесува на возила од залиха.
Со својата агилност, карактер и урбана енергија, Ford Puma совршено го оправдува слоганот „Новата мачка во градот“ – автомобил создаден за возачи кои сакаат стил, технологија и возбудливо возачко искуство во едно.
Повеќе информации за кампањата и достапните модели: https://ford.mk/puma-hybrid-nova-macka
(ПР)
Економија
Македонско возило привлече внимание на улиците на Будимпшета: GREEN MACHINES чисти снег кај будимската тврдина
Деновиве, возило на Green Machines на БРАКО – Велес, привлече внимание на улиците на Будимпешта, додека ја чистеше од снег Будимската тврдина, едно од најзначајните културно-историски обележја на унгарската престолнина.
Иако по димензии е значително помало во споредба со класичните камиони за чистење снег, Green Machines возилото се покажа како исклучително ефикасно токму таму каде што големата механизација има ограничен пристап – на пешачки зони, патеки и тешко достапни делови, особено во културно заштитените подрачја и објекти.
Додека тешките машини се користат за расчистување на главните сообраќајници, возилото произведено во БРАКО обезбедува прецизно и безбедно одржување на јавната хигиена и зимската проодност во чувствителни урбани средини, каде што се бара внимателен пристап и современа технологија.
Истото возило кое во текот на годината ја одржува чистотата на градските улици, паркови и плоштади, во зимски услови успешно се користи и за чистење снег, што уште еднаш ја потврдува универзалноста и мултифункционалноста на возилата на Green Machines на БРАКО.
Фактот што вакво македонско индустриско решение е ангажирано во една европска метропола како Будимпешта претставува силна потврда дека нашите возила не само што се извезуваат, туку и се избираат за работа во најсложени и најчувствителни услови – од секојдневна урбана хигиена до зимско одржување, во повеќе од 60 држави низ светот.
(ПР)
Економија
„Сетек“ отвора нов продажен салон во Godi Retail Park
Сетек – ја зацврстува својата лидерска позиција на македонскиот пазар со повеќе од 32 години доверба и врвна понуда на најновите производи од најпрестижните светски брендови.
Брендот продолжува со својата мисија да ја донесе технологијата поблиску до своите потрошувачи, да ги понуди најдобрите услови, најповолните цени и најдобрата услуга.
Големото отворање ќе се одржи од 6 до 8 февруари, ново место, нова енергија, нов, модерен Сетек продажен салон во Godi Retail Park – Скопје, со промотивни цени, најголеми попусти и над 300 подароци за најверните купувачи.
Во текот на отворањето, посетителите ќе имаат можност да уживаат во интерактивни демо-зони со тестирање и дегустации на врвни производи, како и специјална забавна програма.
СПЕЦИЈАЛНА ПРОГРАМА:
Петок, 6 февруари – забава со Гораст и Тони Зен
Сабота, 7 февруари – забава со Викса и DJ Дела
Подароци ве очекуваат со секоја сметка над 10.000 денари.
Посетете нè и бидете дел од најголемата технолошка забава во градот!
Количините се ограничени. Промотивните цени важат исклучиво во СЕТЕК Godi Retail Park – Скопје.
(ПР)

