Компании
Почна изградбата на скопскиот Flatiron во Кисела Вода
На влезот од скопската населба Кисела Вода за помалку од две години треба да никне, во петок почнатата зграда „Адора Flatiron Скопје“, многу слична на познатата њујоршка зграда Flatiron.
На влезот од скопската населба Кисела Вода за помалку од две години треба да никне, во петок почнатата зграда „Адора Flatiron Скопје“, многу слична на познатата њујоршка зграда Flatiron.
Новиот станбено – деловен објект ќе се гради на местото на сапунарницата „Цветан Димов“, која подолг период беше запуштена и го грдеше влезот на општината. „Реализацијата на овој проект на „Адора инженеринг“ вреден 20 милиони евра е најголема домашна инвестиција во високоградбата во Македонија, со економски обрт од повеќе од 40 милиони евра во двете насоки. Зградата се планира да се изгради за 24 месеци со ангажман на 350 градежни работници, македонски неимари, високостручни кадри, подизведувачи, кооперанти и добавувачи“, рече Ванчо Чифлиганец, директор на Адора инженеринг.Тој додаде дека одлучил да гради ваков објект затоа што во далечната 1989 година прв пат бил во Њујорк, и се фотографирал токму пред зградата Flatiron, триаголнеста зграда со облик на пегла, која го фасцинирала. „Кога почнав во својата кариера да се занимавам и со градежништво, имав желба тоа да го направам. Можеби понекогаш фантазиите и соништата сами по себе доаѓаат“, рече Чифлиганец.Елитниот комплекс ќе се гради на влезот во Кисела Вода, познат како Стара Рампа, на само еден километар од центарот на градот. Зградата е со висина од 54 метри, ќе има 16 ката, три влеза и седум лифтови. Во неа ќе има 279 станови со површина од 31 до 119 м2 и луксузен апартман на врвот од 260 м2, со фантастичен поглед на Скопје, на порта „Македонија“ и градскиот плоштад.Во приземјето и мезанинот ќе има 29 деловни простории со површина од 45 до 1.770 м2. Објектот има 350 сопствени паркиралишта, најголемиот дел на три подземни нивоа. Објектот се гради на површина од 4.412 м2, купени за речиси 3.000.000 евра, а во зградата ќе бидт вградени 25.000 м3 бетон и 2.500 тони железо. Објектот ќе ја има потребната асеизмичка стабилност, стандардизиран европски квалитет, А-енергетска класа, а ќе понуди одлични услови за домување. Цената на становите во зависност од условите ќе се движи од 1.100 до 1.250 евра за метар квадратен.„Уште еднаш се покажува дека во градот Скопје и во Македонија има добра клима за инвестирање и македонски компании како „Адора инженеринг “ кои најдоа свој интерес и се еден од големите инвеститори во градот Скопје. Ние како град Скопје, јас како градоначалник максимално ги поддржуваме инвеститорите, во решавањето на сите проблеми коишто можат да им настанат во реализирањето на нивните проекти којшто се во надлежност на градот Скопје, а и да не се, ние помагаме и во институциите за да може тоа што побрзо да се реши и нинвите објекти коишто тие ги градат да бидат што побрзо изградени“, рече градоначлникот на Скопје, Коце Трајановски.Чифлиганец најави дека првите станари во зградата најверојатно ќе можат да се вселат кон крајот на 2016 година,а зградата целосно ќе биде завршена за две години./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
„Алкалоид“ чекор понапред кон целосна дигитализација
Компанијата „Алкалоид“ започна со имплементирање на софтверската платформа AlkaLIMS, која има цел да изврши целосна интеграција на сите лабораториски процеси во компанијата, централизирано управување со податоците и со процесите, нивна следливост поврзана со контрола на производите, регулаторна усогласеност и стимулација за континуирано подобрување.
„Алкалоид“ започна процес на целосна интеграција на сите свои лабораториски процеси во рамките на сегментот ПЦ Фармација, преку имплементирање на современата софтверска платформа AlkaLIMS (Laboratory Information Management System). Спроведувањето на овој нов проект значи интегрирање на сите лабораториски процеси, вклучувајќи ја секоја процесна фаза – од земање примерок до издавање сертификат за анализа на производ во рамките на една дигитална платформа.
AlkaLIMS како софтверско решение се имплементира со цел значително унапредување на повеќе аспекти од лабораториското работење во рамките на Контрола на квалитет, Истражување и развој и Технички опeрации за произвoдство, меѓу кои: зголемување на ефикасноста и на продуктивноста; унапредување на регулаторната усогласеност, на можностите за обезбедување интегритет и следливост на податоците и на процесите поврзани со контрола на производите; централизирано управување со податоци; интеграција на севкупната аналитичка опрема во една платформа; намалување на оперативните трошоци и стимулација на процесите за континуирано подобрување.
Како напредно и отворено софтверско решение, AlkaLIMS нуди можност за тековно надградување со нови модули, во согласност со потребите на компанијата. Партнерска компанија на „Алкалоид“ во овој проект е светски реномираната корпорација LabWare од Соединетите Американски Држави.
AlkaLIMS е од стратешко значење во Профитниот центар Фармација, но и значајна референција во амбициозната агенда на „Алкалоид“ за целосна дигитална трансформација. Kако глобална и иновативна компанија, „Алкалоид“ континуирано ги следи светските достигнувања во развојот на фармацевтската индустрија, а приспособливоста и искористувањето на иновативните технологии се важен императив во насока на унапредување и на усовршување на сите аспекти во работењето.
(ПР)
Економија
Возилата Грин Машинс на БРАКО на саем во САД
На саем во САД, БРАКО ги изложи своите електрични возилата за чистење Грин Машинс, претставувајќи ги пред претставници на локалните власти и специјализирани комунални претпријатија од сите сојузни држави на настан во Атланта, Џорџија.
Станува забор за најпознатиот саем за комунални работи во САД „Public Works Expo “, кој беше посетен од одговорните лица за комунални прашања од стотици американски градови.
Еколошките и технолошки напредни возила за одржување на хигиена во урбани средини од брендот Грин Машинс, кои се произведуваат во македонската фабрика Брако, предизвикаа голем интерес поради нивниот модерен дизајн, ефикасноста и ефективноста што ја покажуваат при чистењето, економичноста и еколошките карактеристики.
На саемот беа изложени електричните модели 500 ZE и 400 ZE, како и унапредениот дизел модел 636, кои се најпродавани модели во палетата и се користат во повеќе од 60 земји на сите континенти во светот.
Возилата Грин Машинс се продаваат на американскиот континент преку фирмата-ќерка на Грин Машинс во Калифорнија и преку застапништвото во Мексико.
На саемот за комунални работи PWX 2024, кој е во организација на Американската Асоцијација за комунални работи, учествуваа околу 500 изложувачи, меѓу кои и најпознатите светски брендови во сферата на одржувањето хигиена во урбани средини со возила на класичен, електричен и водороден погон, а велешки БРАКО произведува модели на сите три погони.
(ПР)
Економија
„А1 Македонија“ прославува со своите корисници: 50 проценти роденденски попуст за 5 години „А1“
А1 Македонија, телекомуникациска компанија членка на Групацијата А1, ја прославува својата петта година од претставувањето на брендот на македонскиот пазар. Компанијата е горда на своите достигнувања во минатите пет години исполнети со иновативни дигитални решенија, богато конвергентно портфолио, најатрактивни понуди и воведување нови технологии и содржини со кои ја овозможува дигитализацијата на целото општество.
„Лидерската позиција на пазарот и довербата на корисниците во изминативе 5 години се доказ за нашата посветена работа и континуираното инвестирање во премиум корисничко искуство. Изградивме најмодерна мобилна и оптичка мрежа, ги усовршивме сите наши производи и услуги, вложивме во нови најнапредни технологии, во атрактивни содржини, сè со цел да ги поврземе нашите корисници и да овозможиме да ги споделуваат најважните моменти во животот“, изјави Методија Мирчев, главен извршен директор на А1 Македонија.
Големото А1 семејство надминува милион корисници на мобилни и фиксни услуги, што претставува потврда за довербата во поглед на достапноста и квалитетот на услугите на компанијата.
„Задоволните корисници се нашиот секојдневен поттик за постојано да се подобруваме и да растеме. Затоа, продолжуваме со уште посилно темпо и понатаму да обезбедуваме најдобри понуди, супериорна корисничка услуга и врвни технологии. Сигурни сме дека сето ова ќе донесе уште повеќе вредност, многу повеќе комуникација и поврзаност. Kако и секогаш, најважните моменти ги славиме сите заедно и денес ја почнуваме роденденската кампања ‘Животот е прекрасен со тебе’, со која внесуваме позитивна енергија во светот околу нас и многу придобивки за нашите корисници“, изјави Мирчев.
Како дел од кампањата „Животот е прекрасен со тебе“ А1 воведува атрактивна понуда, со која сите нови и постојни приватни постпејд корисници што ќе направат обнова на својот договор, добиваат ексклузивна можност за 50 % попуст за нов паметен уред. Со А1 Net M + TV M и две мобилни линии A1 Ultra M имаат можност да го добијат извонредниот iPhone 15 5G 128GB за месечна рата од 999 денари. Додека, пак, сите нови и постојни бизнис-корисници со А1 Net Business Pro M и две мобилни линии А1 Business Pro М добиваат 50 % попуст за нов паметен уред SAMSUNG Galaxy S24 5G 8/128GB, со 287 денари месечна рата.
Повеќе информации можете да најдете на www.a1.mk