Компании
Промовиран новиот Audi Q2
Младешкиот и провокативен нов модел Q2 од Audi, дополнет со комплетната високотехнолошка опрема вградена во контролната табла на возилото, беше претставен пред публиката на автомобилскиот саем во Женева.
Без разлика дали се користи за офроуд авантури или за секојдневно возење низ град, дефинитивно Audi Q2 е мултифункционален тип на возило. Уште на прв поглед, со широчината и аголниот стил, Q2 зрачи со енергија и доверба. Линијата на покривот и ниските стакла на спортскиот автомобил му даваат купе-изглед, возилото е насочено кон патот и доминира со него. Особено впечатливи се закосените светла, високата позиција на маската, како и великодушната големина на решетката за воздух.
Задниот дел има динамична појава со долг спојлер и дифузер со заштита на подножјето. Под задната врата се наоѓа голем багажник со многу простор за спортска опрема или за сместување на купените работи после добар шопинг. Отворањето и затворањето на задната врата со копче е достапно како опција. Практичната функција на карго-преминот преку задната клупа во голема мера го олеснува транспортот на скии или на полици.
Формата ја следи функционалноста и во внатрешниот дел на возилото. Позицијата на возачкото седиште е спортска и ниска како кај Audi седан, но целата прегледност е многу добра како кај секој SUV модел. Во поглед на поврзаноста, Q2 нуди технологии од највисока класа. Возачот може да користи опционален екран осетлив на допир за да се движи низ јасно структурираното мени, додека патниците може да сурфаат користејќи паметни телефони, таблети и други мобилни уреди преку бежичниот интернет.
Брзинометарот и вртежометарот блескаат во целосно дигитализираната контролна табла на Audi Q2, чијшто 12,3 – инчен екран емитува брилијантна и многу детална графика. Горниот екран ги прикажува клучните податоци за возилото, вклучувајќи ги и инструкциите за навигација и брзината на движење, кои се прикажуваат во директна линија на видното поле на возачот. Доколку возачот сака, Audi онлајн сервисот може на екранот да прикаже и дополнителни информации, како на пример слободни паркинг места, цени на горивата или најновите вести. На истиот начин избраните содржини од паметните телефони можат да се прикажат на екранот во возилото. Сето ова е можно благодарение на сим картичката која што трајно е инсталирана во Q2. Бесплатна апликација овозможува да се преземат податоци од интернет и на корисниците им овозможува да ги пренесат од паметниот телефон на екранот во автомобилот. Ако паметниот телефон има iOS оперативен систем, корисниците имаат опција да ја префрлат адресата на омилениот ресторан или хотел директно во системот за навигација на Q2.
Системот кој автоматски го сопира возилото, во кризни ситуации во градски услови доаѓа стандардно. Згора на тоа, ако се внесат соодветните ознаки, автомобилот со помош на адаптивниот темпомат ќе го одржува наведеното растојание од возилото напред, ќе ги надгледува мртвите агли, ќе ги препознава сообраќајните знаци и ќе ја одржува брзината на 60 километри на час. 4,19 метарскиот SUV автоматски паркира, без разлика во која насока е свртен и може сам да излезе од паркинг просторот. Возачот единствено треба да ги внесе податоците за брзината, забрзувањето и сопирањето.
Растојанието од подлогата изнесува 20 сантиметри, па новиот Q2 се приспособува условите и се движи низ падините без никаков напор. Популарниот Quattro погон на сите тркала ја пренесува моќта од моќните мотори и ја обезбедува потребната потпора и влечна сила, без разлика дали во Q2 е вграден дизелски или бензински агрегат. Моторите се во одлична координација со новоразвиениот седумбрзински автоматски менувач. Со молскавична бризина, двојната спојка ги менува степените на пренос за потполно задоволство при возењето. Audi го испраќа Q2 на неговата премиера со шест мотори, три TFSI и три TDI мотори со излезна моќност од 85 kW (116 КС) до 140 kW (190 КС).
Компактниот SUV Audi Q2 пристигнува во салоните на Audi оваа есен. После тоа, не постои ништо што може да ги спречи забавните тест возења. /крај/мф/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
SEAT S.A. постигна историски рекордни финансиски резултати благодарение на двоцифрениот раст и ефикасноста на SEAT и успехот на CUPRA
“Кога станува збор за SEAT, ви ветувам дека најдоброто допрва доаѓа“
SEAT S.A. постигна историски рекордни финансиски резултати, благодарение на двоцифрениот раст и ефикасноста на SEAT и успехот на CUPRA
· Оперативната добивка на SEAT S.A. достигна рекордни 625 милиони евра, повратот од продажба достигна 4,4%, а прометот за минатата година се зголеми на 14,3 милијарди евра
· Нова инвестиција во брендот SEAT се новите освежувања на Ibiza и Arona, како и подобрувањето на Leon и Ateca
· Во 2024 година е планирано лансирањето на CUPRA Tavascan и CUPRA Terramar
SEAT S.A. ги претстави своите резултати за 2023 година заедно со својата стратегија за претстојните години. Минатата година, според Меѓународните сметководствени правила (МСФИ), оперативната добивка достигна рекордни 625 милиони евра, зголемувајќи се за 592 милиони евра (2022: 33 милиони евра). Ова претставува подобрување на повратот на продажбата од 4,1 процентен поен, од 0,3% на позитивни 4,4%. Годишниот промет исто така достигна историски 14,333 милијарди евра, 31,0% повеќе од 2022 година (10,941 милијарди). Овие резултати ја потврдуваат силата на компанијата и успехот на нејзината постојана стратегија за трансформација.
„Зад себе оставаме година во која SEAT S.A. ги објави најдобрите финансиски резултати во својата 73-годишна историја, осигурувајќи се дека нашата компанија продолжува на својот пат кон попрофитабилна иднина“, рече Вејн Грифитс, извршен директор на SEAT и CUPRA. „2023 година беше година на огромни контрасти за автомобилската индустрија, како и за нашата компанија, бидејќи продолживме да се движиме низ морето на несигурност додека ја претрпевме најголемата трансформација во нашата историја“.
„Во 2023 година, SEAT S.A. направи голем чекор на своето патување на трансформација: имавме за цел да направиме значително подобрување и тоа е она што успеавме да го направиме. Постигнавме рекорди на сите времиња во промет, оперативна добивка и оперативен готовински тек. Ова совршено ги одразува позитивните ефекти од растот на обемот на марката CUPRA и обновувањето на обемот на марката SEAT, како и важноста на напредокот што го постигнавме со нашата програма за подобрување на перформансите“, рече Дејвид Пауелс, потпретседател за финансии и ИТ во SEAT. С.А.
ИНВЕСТИЦИИ ВО БРЕНДОТ НА SEAT
Гледајќи во иднината, SEAT S.A. ја има поставено вистинската стратегија за да го одржи профитабилниот раст на компанијата. Брендот SEAT ќе игра клучна улога во ова и компанијата ќе лансира подобрени plug-in хибридни и штедливи автомобили на SEAT.
Arona и Ibiza ќе добијат подобрување во 2025 година, а во следните месеци, марката ќе лансира нова и подобрена верзија на SEAT Leon, со технички и технолошки надградби. Понатаму, Ateca ќе биде подобрен и неговиот животен циклус ќе се продолжи.
„Го враќаме брендот SEAT таму каде што припаѓа, продолжувајќи го двоцифрениот раст од минатата година со нови инвестиции во брендот и неговите модели. Исто така, разгледуваме што можеме да испорачаме во електричниот свет под брендот SEAT. Кога станува збор за SEAT, ви ветувам дека најдоброто допрва доаѓа“, додаде Вејн Грифитс.
(ПР)
Економија
„Зегин онлајн“ е најпопуларна е-продавница за здравје, нега и убавина за 2023 година
Во организација на Асоцијацијата за е-трговија на Македонија вчеравечер се одржа Ecommerce Awards, избор на најдобрите во македонската е-трговија.
Компанијата Зегин со е-продавницата www.zegin.com.mk беше номинирана во неколку категории, а го освои првото место во категоријата „Најпопуларна е-продавница за здравје, нега и убавина“, што претставува уште една потврда дека квалитетот, професионалноста, вложениот труд и љубов секогаш резултираат со успех.
Изборот на најдобрите е-трговци има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.
„Оваа награда, трета по ред претстаува уште еден доказ за успешноста на работењето на онлајн продавницата на Зегин- www.zegin.com.mk и е одлична мотивација за уште попосветена работа, поквалитетна понуда, како и позадоволни купувачи во иднина. Ви благодариме за лојалноста и довербата!“, велат од компанијата за наградата.
Манифестација за доделување на македонските Награди за е-трговија за 2023 година – E-commerce Awards, се одржа во присуство на членките на АЕТМ, поддржувачите и партнерите, жири комисијата и наградените е-трговци.
(ПР)
Економија
Тековните предизвици и можности на винските пазари и значењето на географските ознаки за македонското вино – теми во фокусот на регионалната конференција за вино
Како да се искористат актуелните трендови на глобалните вински пазари за подобро позиционирање на македонското вино, како да се зголеми препознатливоста на нашите вина, зошто е исклучително важно воведувањето географски ознаки на виното и какви придобивки ќе донесе овој процес. Ова се само некои од прашањата за кои се имаше дискусија на регионалната конференција за вино, што ја организираа здружението „Вина од Македонија“ и винарската визба „Тиквеш“, во соработка со Германското друштво за меѓународна соработка (GIZ).
„За да се зголемат продуктивноста и додадената вредност на домашната винска индустрија, нејзината конкурентност и вредноста на извозот, како и нејзината отпорност на тековните предизвици, вклучувајќи ги и ризиците од климатските промени, неопходни се големи вложувања во знаење, во нови технологии и дигитализација, во организација, окрупнување на лозјата и создавање ефикасни кооперантски односи, како и во воведување нови правила, стандарди и механизам за државна поддршка и поголема регионална соработка. Сето ова мора да се заснова на научен пристап користејќи ги искуствата на развиените земји, кои поминале низ оваа трансформација и може да ни помогнат да го оствариме она што е нашата главна задача – зголемување на извозот на квалитетно вино, кое ќе биде препознатливо и ценето од потрошувачите во светот“, порача во своето воведно обраќање на конференцијата претседателот на здружението „Вина од Македонија“, Светозар Јаневски.
Во рамките на конференцијата се одржаа три работни сесии на кои реномирани експерти од Универзитетот „Гајзенхајм“ во Германија, професорите Јон Ханф и Силвија Димер говореа за состојбите на глобалниот пазар на вино, за спецификите на посебните пазарни нишки во Европа и за значењето на правните и техничките услови за извоз на вино. Една од поважните пораки што ја потенцираа експертите се однесуваа на важноста на заедничкиот настап на компаниите на пазарот истакнувајќи дека ваквиот пристап може да креира ефективни резултати доколку секоја компанија настапи одговорно и самостојно покрај заедничките активности како кластер.
Поздравувајќи ја организацијата на оваа конференција, регионалниот советник за земјоделство во германската амбасада во Скопје, Франк Мулер, го нагласи значењето на соработката помеѓу здружението „Вина од Македонија“ и ГИЗ акцентирајќи дека за долгорочен одржлив развој на винската индустрија неопходна е соработка и со универзитетите бидејќи научниот пристап во воведувањето и примената на унифицирани стандарди за производство и пласман на висококвалитетно вино од регионот е повеќе од неопходен.
За најновите движења во интрарегионалната трговија со грозје и вино во рамките на Западен Балкан говореше и извршната директорка на здружението „Вина од Македонија“, Елена Младеновска-Јеленковиќ, која ја нагласи неопходноста од воспоставување заеднички вински бренд со загарантирано географски потекло како еден од клучните предуслови за зголемување на препознатливоста на овдешните вина од страна на потрошувачите на пазарите во ЕУ и пошироко.