Компании
Студијата за изводливост ја потврди економската стабилност на проектот „Иловица“
Компанијата Euromax Resources во вторникот ja објави Студијата за изводливост (СИ) за наоѓалиштето на злато и бакар во Иловица, Македонија, кој е во 100% сопственост на компанијата.
Студијата за изводливост (СИ) на проектот за изградба на рудникот за злато и бакар во Иловица покажува попрецизно одредување на трошоците, значајно намалување на капиталните и оперативните трошоци и последователно зголемување на внатрешната стапка на поврат.
Во поглед на финансирањето, Студијата за изводливост (СИ) покажа нето вредност од 513 милиони американски долари пред оданочување и нето сегашна вредност од 440,1 милиони американски долари по оданочување. Првичните капитални трошоци за проектот, според СИ се проценети на 474,3 милиони американски долари, вклучувајќи ги и непредвидените трошоци. Прилагодените оперативни готовински трошоци се дефинирани од Светскиот совет за злато на 200 долари/унца и вкупни трошоци од 372 долари/унца. Проценките се направени врз основа на предвудивањата за долгорочни цени од 1220 долари/унца за злато и 2.90 долари/фунта за бакар според консензусот на аналитичарите.
Истовремено, Владата на Република Македонија, согласно регулативите, донесе одлука за доделување Концесија за експлоатација на Euromax Resources на локалитетот „Иловица“ општина Босилово и општина Ново Село. Концесијата е доделена на период од 30 години.
Според СИ, вкупно измерените и означени ресурси од 256 милиони тони сулфиден материјал содржат 2,6 милиони унци злато со просечна содржина од 0,32 грами/тон злато и 1.208 милиони фунти (548 илјади тони) бакар со просечна содржина од 0,21% бакар. Покрај тоа, според СИ вкупно докажаните и веројатните резерви на минерали изнесуваат 198,1 милиони тони кои содржат 2,01 милиони унци злато со просечна содржина од 0,32 грами/тон злато и 898,9 милиони фунти (408 илјади тони) бакар со просечна содржина од 0,21% бакар.
Животниот век на рудникот според СИ ќе изнесува 20 години, а годишниот капацитет е 10 милиони тони. Просечното годишно наплатливо производство е проценето на 83.000 унци злато и 16.000 тони бакар. Според СИ, просечните искористувања при подготовка изнесуваат 83,3% за златото и 81,3% за бакарот. Процесот се состои од флотација до концентрат на бакар и злато и производство на получисто злато преку круг на лужење на прочистена јаловина и конвенционален површински коп со коефициент на раскривка од 1:1.
На изработката на СИ работеше стручниот тим на Euromax Resources заедно со стручни компании: Ејмек Фостер Уилер (Amec Foster Wheeler – AFW) – постројка за подготовка на минерални суровини и инфраструктура и целосна координација на извештајот, Тетра Тек (Tetra Tech) – геологија и ресурси, ДМТ (DMT) – Експлоатација, Голдер Асоушиејтс (Golder Associates) – животна средина, хидројаловиште, во соработка со Градежниот факултет при Универзитетот „Св. Кирил и Методиј“ во Скопје и Шламберже Уотер Сервисис (Schlumberger Water Services – SWS) – хидрологија и хидрогеологија, води.
Коментирајќи ги резултатите од СИ, Пат Форвaрд, главен оперативен директор, изјави: „По една година интензивна работа на терен и работење со нашите различни партнери во студијата, ние сме среќни што „Иловица“ сé уште се истакнува како стабилен проект. Имавме можност да ги постигнеме сите главни цели на студијата, вклучувајќи подобрувања во класификацијата на минералните ресурси и резерви, подобрување на текот на процесот, проценка на трошоците до +/- 10% и подобрено ниво на проектирање. Капиталните и оперативните трошоци се оптимизирани во новата студија, со што се обезбедува одлична основа за спроведување на проектот“.
Со завршувањето на СИ, компанијата ќе го продолжи развојот кон почеток изградба на проектот „Иловица“, што е предвидено за третиот квартал од 2016 година. Истовремено со развојот на елементите за кои е потребен подолг временски период, деталното проектирање ќе вклучува и анализа на вредности насочена кон понатамошна оптимизација на проектот, паралелно со назначувањето на изведувач за проектирање, набавки и изградба во текот на периодот до изградбата. Продолжува и работата на обновената Студија за оцена на влијанието врз животната средина и социјалните аспекти („СОВЖС“). Националната Студија за оцена на влијанијата врз животната средина, која е веќе одобрена, се проширува за да ги вклучи барањата за изведба на Европската банка за обнова и развој и усогласувањата со принципите Екватор. Паралелно, компанијата работи на главниот рударски проект кој претставува последно барање според Законот за минерални суровини на Република Македонија за да се добие дозвола за градба.
Со вработувањето на Алан Бејкер, неодамна назначен за заменик претседател, раководител на проект и изградба, Еуромакс го започна процесот на вработување на клучнит персонал потребен да ја надгледува изградбата на проектот „Иловица“.
На 3. ноември минатата година, Еуромакс договори и потпиша втор анекс на купопродажниот договор за злато со Ројал Голд. Потпишувањето на вториот анекс овозможи дополнително повлекување на 3,75 милиони американски долари од Ројал Голд според купопродажниот договор од ноември. Вториот анекс е поставен на SEDAR. Компанијата очекува од Ројал Голд да ги повлече останатите 3,75 милиони американски долари од втората транша според купопродажниот договор за злато со исполнувањето на условите од вториот анекс во текот на првиот квартал од 2016 година.
Еуромакс направи значителен напредок во однос на финансирањето на проектот објавено на 1. мај 2015 година. Сосиете Женерал С.А. (Société Générale S.A.) и Јуникредит Бенк АГ (UniCredit Bank AG), кои се ополномоштени водечки банки за подготвување на обезбедените финансиски средства за проектот во вредност од 215 милиони американски долари и нивните консултанти ја завршија посетата на локацијата во октомври 2015 година. Тие се во процес на завршување на нивната длабинска анализа што опфаќа технички извештаи, извештај за животната средина и социјалните аспекти, вклучувајќи ги резултатите од СИ.
Коментирајќи за резултатите од СИ, Стив Шарп, претседател и главен извршен директор, изјави: „Резултатите од Студијата за изводливост ја покажуваат економската оправданост на проектот „Иловица“. Иако многу нови и големи проекти низ светот привремено се прекинати како одговор на неодамнешниот пад на цените на металите, ние веруваме дека сега е идеално време за градење, со цел да се искористи веројатно очекуваниот недостаток на снабдување со метали. Веруваме дека не само што сме добро поставени да профитираме од секое подобрување на цените на металите, туку исто така, со намалените оперативни трошоци на ниво до 200 долари/унца, ние сме подеднакво добро подготвени да ја издржиме секоја долготрајна слабост на пазарот, задржувајќи го позитивниот паричен проток. Со животен век од 20 години, ова е значаен проект за Македонија кој може да го зајакне економскиот профил на земјата. Огромната поддршка која продолжуваме да ја добиваме од сите чинители ни овозможува цврсто да се движиме кон нашата поставена цел за започнување на изградбата кон крајот на оваа година.
На 8. декември 2015 година, Еуромакс потпиша писмо за намери за откуп на произведен концентрат на бакар и злато со „Аурубис“, што во принцип беше клучен услов на Планот за гаранција на заеми на германската влада (UFК) за добивање начелна подобност во мај 2015 година. Раководството ја смета подобноста за UFК како значаен чекор кон обезбедувањето финансирање за проектот, бидејќи тоа на Еуромакс му овозможува да користи привлечни услови за обезбедувањето финансиски средства за проектот. СИ ги вклучува условите договорени со Аурубис. Освен тоа, потпишан е договор и со Катерпилар Фајненшл (Caterpillar Financial) за финансирање на опрема во вредност од 25 милиони американски долари, се вели во соопштението на компанијата. /крај/мф/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Четири години стратешко партнерство на „Алкалоид“ и СОС Детското село
„Децата се нашата иднина! Секое дете има право на топол дом, грижа и љубов! Секое дете е и наша грижа!“ се моќни пораки спрема заедницата и силни причини за синергија, кои во целост ги препознаваат и ги почитуваат обете организации.
СОС Детско село е организација која во моментов дава поддршка за околу 400 деца и младинци кои се без родители/родителска грижа или кои се во ризик да ги загубат своите родители. Организацијата, која годинава одбележува 25 години од основањето и од згрижувањето на првото дете во земјава, низ годините има помогнато на стотина деца, овозможувајќи им поддршка, љубов, топол дом, чувство на припадност и сигурност, квалитетно образование, посигурна иднина и можност да имаат поубаво детство.
Јулијана Накова-Гапо, национална директорка на СОС Детско село, истакна дека поддршката од „Алкалоид“ и „Бекутан“ претставува многу повеќе од финансиска помош – таа е израз на доверба, долгорочна посветеност и заедничка визија за создавање подобра иднина за децата.
„Горди сме што заедно со ’Бекутан’ градиме приказна на љубов, сигурност и иднина исполнета со надеж. Преку концептот на кумство на една куќа со пет згрижени деца, покрај покривањето на секојдневните трошоци, вложуваме и во нивните образовни и развојни активности, што е од суштинско значење за нивното растење во самостојни и одговорни личности. Ова партнерство е и пример како компаниите можат да бидат вистински херои во животите на децата без родителска грижа“, изјави Накова-Гапо за време на посетата на оваа организација од претставници на компанијата.
Соработката на „Алкалоид“ со македонската гранка на организацијата СОС Детско село започна во декември 2022 година, кога една од куќите на локалитетот во населбата Ченто беше именувана „Бекутан куќа“, за која компанијата ги покри трошоците за секојдневното функционирање. Во 2023 година, по повод 45-годишниот јубилеј на брендот „Бекутан“, беше издвоен одреден процент од продажбите на оваа детска колекција и беа собрани над 2 милиони денари донирани за оваа организација. На Хуманитарниот пикник на компанијата организиран во 2024 година, вработени на „Алкалоид“, членови на нивните семејства и нивни пријатели донираа близу 2 милиони денари наменети за СОС Детско село.
Активностите на компанијата со СОС Детско село ќе продолжат и во тековната година, а се разгледуваат и нови форми на соработка. „Децата се нашата иднина и наша заедничка одговорност. Ниту едно дете не треба и не смее да биде оставено без грижа, поддршка и можност за развој. Како поединци, како заедница убаво е да помогнеме! Преку одговорно делување и заедничка посветеност придонесуваме кон создавање стабилна и инклузивна заедница“, изјави Живко Мукаетов, генерален директор и претседател на Управниот одбор на „Алкалоид“ АД Скопје. Организацијата СОС Детско село функционира на принципот на донации од индивидуалци, компании, институции и разни форми на партнерства со цел да обезбедат средства за реализација на програми и активности за поддршка на ранливите групи на деца без или кои се во ризик да ја загубат родителската грижа.
(ПР)
Економија
„Нвидиа“ купи акции на „Интел“ во вредност од пет милијарди долари
Американската технолошка компанија Нвидиа купи акции на Интел во вредност од пет милијарди долари, со што ја реализираше трансакцијата најавена во договорот од септември.
Според договорот, Нвидиа платила 23,28 долари по акција и купила повеќе од 214,7 милиони акции на Интел. Инвестицијата е одобрена од американските антимонополски институции, соопшти претходно Федералната трговска комисија на САД.
Се проценува дека уделот на Нвидиа во Интел ќе изнесува околу четири отсто, со што ќе стане еден од поголемите акционери на компанијата, наведува Ројтерс.
Претходно, во август, американската влада купи 10 отсто од Интел за 5,7 милијарди долари, а истата година компанијата обезбеди и две милијарди долари инвестиција од јапонскиот Софтбанк.
Договорот меѓу Нвидиа и Интел предвидува и заеднички развој на чипови, што би можело да ја промени конкуренцијата во индустријата и да влијае врз позициите на ТСМЦ и АМД.
Економија
Спектакуларно отворање во Гевгелија: ЏАМБО и ВЕРО станаа новата омилена дестинација во „Gevgelija Mall“
Со огромна посетеност и во празнична атмосфера, овој викенд во Гевгелија и официјално започна со работа новиот, најсовремен ЏАМБО (JUMBO) маркет. Сместен во новоотворениот трговски центар „Gevgelija Mall“, реномираниот бренд ја реализираше својата голема инвестиција во јужниот регион, носејќи светско шопинг искуство за локалното население.
Отворањето помина во знакот на семејната забава и радоста. Најмладите посетители уживаа во целодневната програма исполнета со музика, дружење со маскоти, цртање на лице и игри со сапунени меури, што го претвори првиот работен ден на маркетот во вистински настан за градот.
Новиот објект се простира на површина од 3.000 метри квадратни, дизајниран според највисоките светски стандарди. Купувачите веќе имаат пристап до асортиман од над 20.000 артикли, вклучувајќи производи за домот, играчки, декорации и сезонски изненадувања.
Како значајна новина за купувачите во Гевгелија е интегрирањето на селектиран асортиман од брендот ВЕРО во рамките на самиот маркет. Оваа стратешка синергија им овозможува на потрошувачите на едно место да ги задоволат сите потреби за домаќинството, штедејќи време и уживајќи во квалитетот на двата силни бренда.
Генералниот директор на ВЕРО и ЏАМБО маркетите, Петар Денковски, истакна дека ова отворање е многу повеќе од проширување на продажната мрежа – тоа е исполнување на ветувањето за поддршка на локалната заедница.
„Горди сме што со оваа капитална инвестиција директно влијаеме на економскиот пулс на Гевгелија. Отворивме нови работни места и создадовме силен регионален магнет кој очекуваме да привлекува купувачи не само од градот, туку и од соседството,“ изјави Денковски.
Менаџментот на компанијата потврди дека експанзијата не застанува тука. Успешната приказна продолжува и следната година со најавеното отворање на нов маркет во Струмица, со што ЏАМБО и ВЕРО целосно ќе го заокружат своето присуство во југоисточниот дел на Македонија.
Новиот маркет во Гевгелија веќе работи со полн капацитет, нудејќи креативни решенија и производи за целото семејство, под препознатливиот слоган „За сѐ што ви треба и не сте знаеле дека ви треба“.
(ПР)
Во домот на судија од Апелација пронајдени соѕидани 350.000 евра
Во рамките на опсежна истрага на Основното јавно обвинителство за гонење организиран криминал и корупција иницирана откако на 14 декември...
Осумте земји на кои Трамп им најави царини поради Гренланд порачаа: Ќе останеме обединети и солидарни со Данска и Гренланѓаните
Осумте европски држави, кои се најдоа на мета на најавените царини од американскиот претседател Доналд Трамп поради поддршката за Данска...
Уставниот суд веќе ја потврди законитоста на одлуките за вонредната состојба, му одговори Пендаровски на премиерот Мицкоски
Поранешниот претседател Стево Пендаровски му возврати на премиерот Христијан Мицкоски поради неговата изјава дека има основани сомнежи за уставноста и...
Мицкоски: Мафијашки упади во времето на вонредната состојба, случајот со Жан Митрев отвора прашања и за одлуките на Пендаровски
Премиерот Христијан Мицкоски изјави дека не е изненаден од тврдењата на хирургот Жан Митрев дека поранешниот министер за здравство Венко...
Пожар во свињарска фарма во Градско, угинаа животни, неколку лица побарале лекарска помош
Вчера во СВР Велес бил пријавен пожар што избувнал во свињарска фарма на фирма во селото Долно Чичево, општина Градско....
Втор смртен случај од грип: Почина 69-годишен пациент на Инфективна
Шеесет и деветгодишен пациент починал од компликации предизвикани од сезонски грип на Клиниката за инфективни болести во Скопје, соопшти директорот...
Храна со истечен рок, лоши хигиенски услови, недостиг на санитарни книшки затекнаа инспекторите во маркетите низ државата
Приближно четириесет илјади евра во денарска противвредност е вкупната вредност на 22 казни кои ги изрекоа инспекциските служби на Агенција...
(Видео) Поплави во Австралија, евакуации во Сиднеј
Австралиските власти соопштија дека 20 лица се спасени од надојдени води во источната сојузна држава Нов Јужен Велс, поради обилните...
„Политико“ Европскиот парламент го замрзнува трговскиот договор со САД поради најавата за царини и барањата за Гренланд
Пратениците во Европскиот парламент нема да го одобрат историскиот трансатлантски трговски договор откако американскиот претседател Доналд Трамп најави нови царини...
(Видео) Филипче и Заев сакале да му ја земат болницата на Жан Митрев, Обвинителството да истражи, порача Стојаноски од ВМРО-ДПМНЕ
Пратеникот на ВМРО-ДПМНЕ, Бојан Стојаноски, на денешната прес-конференција обвини дека поранешниот министер за здравство Венко Филипче и поранешниот премиер Зоран...
Филипче го повика Жан Митрев да оди кај обвинител и да поднесе кривична, најави и тужби: „Ова не е политика, сега ќе ги тужам“
Претседателот на СДСМ, Венко Филипче, на прес-конференција обвини дека ВМРО-ДПМНЕ спроведува, како што рече, јавен линч против него преку лаги,...
Вандализиран паркот „Бановина“ во Аеродром – искршена урбаната опрема, оштетена фонтаната, а провалено е и во чуварската куќа
Општина Аеродром најостро го осуди вандалскиот чин што се случил синоќа во паркот Бановина, каде што била сериозно оштетена јавната...
Обвинение за помагачите во бегството на 18-годишникот што со автомобил усмрти жена на Народен фронт
Обвинителството поднесе обвинение против маж и жена кои како соизвршители се товарат за помагање, во случајот со 18-годишникот од Скопје...
Предлог-законот за пушењето не е удар по угостителството, туку заштита на здравото работно место, велат од Министерството за здравство
Предлог-законот за заштита од пушењето, подготвен од Министерството за здравство, предвидува забрана за пушење во затворени јавни и работни простории,...
„Не го чепкајте Гренланд“: Масовни протести во Данска и Нуук против плановите на Трамп
Големи протести против најавите на американскиот претседател Доналд Трамп за преземање на Гренланд се очекуваат денеска во повеќе градови во...
Украинска делегација заминува во САД за појаснување на условите за можен мировен договор со Русија
Украинските преговарачи патуваат во Соединетите Американски Држави за да ги разјаснат условите за евентуален мировен договор со Русија, изјави претседателот...
Македонија со пораз од Данска го започна Европското првенство
Ракометната репрезентација на Македонија, со пораз го започна настапот на 17-то Европско првенство во Данска, Шведска и Норвешка. Во првото...
Италијански министер ги исмева европските сили во Гренланд: „15 Французи, 15 Германци – звучи како почеток на виц“
Италија одби да се придружи на европската мисија во Гренланд, а министерот за одбрана на земјата, Гвидо Кросето, отворено ја...
Трамп им се закани на сите земји кои нема да го поддржат за Гренланд
Претседателот на САД, Доналд Трамп, се закани дека ќе воведе царини на земјите кои не го поддржуваат неговиот план САД...
МВР ќе ги тестира поставените камери: од 20 до 31 јануари на местата каде ќе се вршат активностите, нема да биде дозволен сообраќај
Министерството за внатрешни работи известува дека во рамки на проектот „Безбеден град“, во периодот од 20.01.(вторник) до 31.01.(сабота) ќе се...
