Компании
Вип ја проширува својата 4G LTE мрежа
Вип оператор продолжува со своите активности за надградба на квалитетот и капацитетот на својата мрежа. Една година по пуштањето на својата 4G LTE мрежа, покрај досегашната покриеност во 15 градови во Македонија, отсега новата 4G LTE ќе можат да ја користат и корисниците на Вип од Крушево, Неготино, Берово, Виница, Пробиштип, Св. Николе, Ресен, Делчево, Дебар и Радовиш.
Со најновите инвестиции, Вип оператор обезбеди покриеност со 4G LTE мрежа во урбаните области од над 80%. Покриеноста на ниво на вкупно население во Македонија достигна до 60 отсто. Со новата 4G LTE мрежа, преку своите мобилни уреди, корисниците ќе добијат брзини кои се 10 пати поголеми од оние кај 3G мрежата.„Квалитетна услуга и достапност до најновите технолошки достигнувања за нашите корисници беше и останува наш врвен приоритет. Инвестициите во проширување на 4G LTE мрежата јасно го потврдуваат тоа, а дополнителна потврда е и фактот што далеку пред законскиот рок Вип оператор ги пресретна и надмина обврските предвидени во Одобрението за 4G LTE. Тоа на нашите корисници ќе им донесе супериорно корисничко искуство и неприкосновен квалитет“, изјави Никола Љушев, извршен директор на Вип.Вип оператор уште при лансирањето на напредната 4G LTE мрежа им овозможи на корисниците бесплатна замена на постојните СИМ картички со нови 4G LTE микро УСИМ картички кои може да се добијат во сите Вип салони. Дополнително, постпејд корисниците кои имаат соодветни терминални уреди што овозможуват 4G LTE и микро УСИМ картички, можат да користат и супер брз 4G интернет, во зависност од тарифниот модел. Покрај инвестициите во проширување на 4G LTE, Вип оператор продолжува и со инвестициите во 2G и 3G мрежата, што е од клучно значење за квалитетот на услугите особено во руралните и планинските средини. Во таа насока, реализирани се инвестиции во изградба на нови базни станици кои обезбедуваат мрежно покривање во општина Василево, областите долж автопатот Тетово – Гостивар, со селата Боговиње, Неготино и Врапчиште, како и потегот по течението на реката Радика, кај селата Врбјане, Жировница и Врбјани. Проширување на 3G мрежата извршено е во прилепскиот регион во руралните подрачја, како и на патните правци Кичево – Битола и Кичево – Охрид. Во источна Македонија нови инвестиции во проширување на 3G мрежата се направени на патот Виница – Берово и патот Штип – Радовиш. Во август 2013, Вип доби oдобрение од Агенцијата за електронски комуникации за користење на радиофреквенциски спектар на 800 MHz и 1800 MHz за обезбедување на 4G LTE услуги. Одобрението вредно 10,3 милиони евра има важност од 20 години со обврска за Вип да обезбеди 70 отсто покриеност на населението во Република Македонија во период од 6 години од датумот на неговото стапување на сила. Во својата тековна понуда Вип има повеќе од 20 паметни телефони кои можат да работат на 4G LTE мрежа./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
„Алкалоид“ чекор понапред кон целосна дигитализација
Компанијата „Алкалоид“ започна со имплементирање на софтверската платформа AlkaLIMS, која има цел да изврши целосна интеграција на сите лабораториски процеси во компанијата, централизирано управување со податоците и со процесите, нивна следливост поврзана со контрола на производите, регулаторна усогласеност и стимулација за континуирано подобрување.
„Алкалоид“ започна процес на целосна интеграција на сите свои лабораториски процеси во рамките на сегментот ПЦ Фармација, преку имплементирање на современата софтверска платформа AlkaLIMS (Laboratory Information Management System). Спроведувањето на овој нов проект значи интегрирање на сите лабораториски процеси, вклучувајќи ја секоја процесна фаза – од земање примерок до издавање сертификат за анализа на производ во рамките на една дигитална платформа.
AlkaLIMS како софтверско решение се имплементира со цел значително унапредување на повеќе аспекти од лабораториското работење во рамките на Контрола на квалитет, Истражување и развој и Технички опeрации за произвoдство, меѓу кои: зголемување на ефикасноста и на продуктивноста; унапредување на регулаторната усогласеност, на можностите за обезбедување интегритет и следливост на податоците и на процесите поврзани со контрола на производите; централизирано управување со податоци; интеграција на севкупната аналитичка опрема во една платформа; намалување на оперативните трошоци и стимулација на процесите за континуирано подобрување.
Како напредно и отворено софтверско решение, AlkaLIMS нуди можност за тековно надградување со нови модули, во согласност со потребите на компанијата. Партнерска компанија на „Алкалоид“ во овој проект е светски реномираната корпорација LabWare од Соединетите Американски Држави.
AlkaLIMS е од стратешко значење во Профитниот центар Фармација, но и значајна референција во амбициозната агенда на „Алкалоид“ за целосна дигитална трансформација. Kако глобална и иновативна компанија, „Алкалоид“ континуирано ги следи светските достигнувања во развојот на фармацевтската индустрија, а приспособливоста и искористувањето на иновативните технологии се важен императив во насока на унапредување и на усовршување на сите аспекти во работењето.
(ПР)
Економија
Возилата Грин Машинс на БРАКО на саем во САД
На саем во САД, БРАКО ги изложи своите електрични возилата за чистење Грин Машинс, претставувајќи ги пред претставници на локалните власти и специјализирани комунални претпријатија од сите сојузни држави на настан во Атланта, Џорџија.
Станува забор за најпознатиот саем за комунални работи во САД „Public Works Expo “, кој беше посетен од одговорните лица за комунални прашања од стотици американски градови.
Еколошките и технолошки напредни возила за одржување на хигиена во урбани средини од брендот Грин Машинс, кои се произведуваат во македонската фабрика Брако, предизвикаа голем интерес поради нивниот модерен дизајн, ефикасноста и ефективноста што ја покажуваат при чистењето, економичноста и еколошките карактеристики.
На саемот беа изложени електричните модели 500 ZE и 400 ZE, како и унапредениот дизел модел 636, кои се најпродавани модели во палетата и се користат во повеќе од 60 земји на сите континенти во светот.
Возилата Грин Машинс се продаваат на американскиот континент преку фирмата-ќерка на Грин Машинс во Калифорнија и преку застапништвото во Мексико.
На саемот за комунални работи PWX 2024, кој е во организација на Американската Асоцијација за комунални работи, учествуваа околу 500 изложувачи, меѓу кои и најпознатите светски брендови во сферата на одржувањето хигиена во урбани средини со возила на класичен, електричен и водороден погон, а велешки БРАКО произведува модели на сите три погони.
(ПР)
Економија
„А1 Македонија“ прославува со своите корисници: 50 проценти роденденски попуст за 5 години „А1“
А1 Македонија, телекомуникациска компанија членка на Групацијата А1, ја прославува својата петта година од претставувањето на брендот на македонскиот пазар. Компанијата е горда на своите достигнувања во минатите пет години исполнети со иновативни дигитални решенија, богато конвергентно портфолио, најатрактивни понуди и воведување нови технологии и содржини со кои ја овозможува дигитализацијата на целото општество.
„Лидерската позиција на пазарот и довербата на корисниците во изминативе 5 години се доказ за нашата посветена работа и континуираното инвестирање во премиум корисничко искуство. Изградивме најмодерна мобилна и оптичка мрежа, ги усовршивме сите наши производи и услуги, вложивме во нови најнапредни технологии, во атрактивни содржини, сè со цел да ги поврземе нашите корисници и да овозможиме да ги споделуваат најважните моменти во животот“, изјави Методија Мирчев, главен извршен директор на А1 Македонија.
Големото А1 семејство надминува милион корисници на мобилни и фиксни услуги, што претставува потврда за довербата во поглед на достапноста и квалитетот на услугите на компанијата.
„Задоволните корисници се нашиот секојдневен поттик за постојано да се подобруваме и да растеме. Затоа, продолжуваме со уште посилно темпо и понатаму да обезбедуваме најдобри понуди, супериорна корисничка услуга и врвни технологии. Сигурни сме дека сето ова ќе донесе уште повеќе вредност, многу повеќе комуникација и поврзаност. Kако и секогаш, најважните моменти ги славиме сите заедно и денес ја почнуваме роденденската кампања ‘Животот е прекрасен со тебе’, со која внесуваме позитивна енергија во светот околу нас и многу придобивки за нашите корисници“, изјави Мирчев.
Како дел од кампањата „Животот е прекрасен со тебе“ А1 воведува атрактивна понуда, со која сите нови и постојни приватни постпејд корисници што ќе направат обнова на својот договор, добиваат ексклузивна можност за 50 % попуст за нов паметен уред. Со А1 Net M + TV M и две мобилни линии A1 Ultra M имаат можност да го добијат извонредниот iPhone 15 5G 128GB за месечна рата од 999 денари. Додека, пак, сите нови и постојни бизнис-корисници со А1 Net Business Pro M и две мобилни линии А1 Business Pro М добиваат 50 % попуст за нов паметен уред SAMSUNG Galaxy S24 5G 8/128GB, со 287 денари месечна рата.
Повеќе информации можете да најдете на www.a1.mk