Компании
VW oбјави список со пет милиони возила со проблематичниот софтвер
Производителот на автомобили „Volkswagen“ (VW) го објави списокот со автомобили со неисправен софтвер, и во него има пет милиони возила, соопшти новиот челник на германскиот гигант, Матијас Милер на прес-конференцијата во Волфсбург.
Претходно во „Volkswagen“ признаа дека во САД околу 482 илјади автомобили биле опремени со софистициран софтвер кој ја исклучува контролата за загадување на воздухот во возење и ја вклучува само на еко-тест.
Како што пренесува агенцијата DPA, Милер појасни дека проблемот е откриени во различни модели возила произведени во различни години. На пример, вградениот софтвер, кој ги намалува реалните показатели на емисијата на штетни материи, бил откриен во автомобилите „Golf“ од шестата генерација, „Passat“ ткн седумка и првата верзија на „Tiguan“.
„Напорно работиме на техничкото решение, коишто ќе им го претставиме на нашите трговски партнери, клиенти и јавноста што е можно поскоро“, изјави претседателот на управниот одбор на „Volkswagen“, Херберт Дис.
Според него, скандалот нема да ги допре новите автомобили на „Volkswagen“, кои соодветствуваат со стандардите кои се применуваат во Европа. Кон нив ќе се приклучат и современите модели на марките „Golf“, „Passat“ и „Touran“.
Од „Volkswagen“ ги информирале локалните пазари во целиот свет за моменталниот, до петокот, број неисправни возила. На мерките за отстранување на неправилностите, концернот тесно ќе соработува со инспекциите за давање одобрувања за експлоатација на возилата, додаде Дис. Информацијата за тоа каде биле продадени автомобилите, Дис на ја даде на прес-конференцијата.
Во меѓувреме, „Volkswagen“ ја сопре рекламата за „чисти мотори“ во САД, до отстранувањето на сите проблеми, пренесе агенцијата Reuters.
Во САД „Volkswagen“ е обвинет дека во опремувањето своите автомобили со дизел мотори вградил софтвер кој ги намалува реалните показатели за емисијата на штетните материи во атмосферата. Американската влада го задолжи концернот да повлече 482.000 автомобили од брендовите „Volkswagen“ и „Audi“ продадени во оваа земја во периодот од 2009 до 2015 година. Компанијата, исто така, може да се соочи и со казна во висина од 18,075 милијарди долари
Како што беше соопштено порано во соопштението на „Volkswagen“, софистицираниот софтвер за фалсификувањето на еколошките тестови за содржината на штетните материи во издувните гасови се однесуваат на 11 милиони возила во целиот свет. Во споменатиот список, се опфатени автомобилите со моторот од типот ЕА 189.
Претходно во петокот „Volkswagen“ избра нов директор, досегашниот челник на „Porsche“, Матијас Милер, кој вети расветлување на аферата со измамата со дизел моторите и најави закрепнување на целосно протресената компанија.
Како што се претпоставуваше, дваесетте членови на надзорниот одбор собрани во Волфсбург, во седиштето на „Volkswagen“, го именуваа 62-годишниот Милер, кој на челната позиција во „Porsche“ дојде во 2010 година, за наследник на Мартин Винтеркорн.
По повеќечасовниот состанок, претседателот на надзорниот одбор Беттолд Хубер аферата ја нарече „морална и политичка неволја“ на компанијата, првиот светски производител на автомобили со 590 илјади вработени.
„Меѓутоа, ние можеме и ние ќе ја пребродиме оваа криза, и од Volkswagen ќе направиме уште посилна компанија“, вети Милер.
Во средата извршниот директор на „Volkswagen“, Мартин Винтеркорн, кој на челната функција беше од 2007 година, поднесе оставка поради скандалот околу фалсификуваните тестови за издувните гасови на дизел моторите. Тој целосно ја презема одговорноста за скандалот кој пред една седмица избувна во САД и покрена лавина којашто го зафати целиот автомобилски сектор во светото./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
SEAT S.A. постигна историски рекордни финансиски резултати благодарение на двоцифрениот раст и ефикасноста на SEAT и успехот на CUPRA
“Кога станува збор за SEAT, ви ветувам дека најдоброто допрва доаѓа“
SEAT S.A. постигна историски рекордни финансиски резултати, благодарение на двоцифрениот раст и ефикасноста на SEAT и успехот на CUPRA
· Оперативната добивка на SEAT S.A. достигна рекордни 625 милиони евра, повратот од продажба достигна 4,4%, а прометот за минатата година се зголеми на 14,3 милијарди евра
· Нова инвестиција во брендот SEAT се новите освежувања на Ibiza и Arona, како и подобрувањето на Leon и Ateca
· Во 2024 година е планирано лансирањето на CUPRA Tavascan и CUPRA Terramar
SEAT S.A. ги претстави своите резултати за 2023 година заедно со својата стратегија за претстојните години. Минатата година, според Меѓународните сметководствени правила (МСФИ), оперативната добивка достигна рекордни 625 милиони евра, зголемувајќи се за 592 милиони евра (2022: 33 милиони евра). Ова претставува подобрување на повратот на продажбата од 4,1 процентен поен, од 0,3% на позитивни 4,4%. Годишниот промет исто така достигна историски 14,333 милијарди евра, 31,0% повеќе од 2022 година (10,941 милијарди). Овие резултати ја потврдуваат силата на компанијата и успехот на нејзината постојана стратегија за трансформација.
„Зад себе оставаме година во која SEAT S.A. ги објави најдобрите финансиски резултати во својата 73-годишна историја, осигурувајќи се дека нашата компанија продолжува на својот пат кон попрофитабилна иднина“, рече Вејн Грифитс, извршен директор на SEAT и CUPRA. „2023 година беше година на огромни контрасти за автомобилската индустрија, како и за нашата компанија, бидејќи продолживме да се движиме низ морето на несигурност додека ја претрпевме најголемата трансформација во нашата историја“.
„Во 2023 година, SEAT S.A. направи голем чекор на своето патување на трансформација: имавме за цел да направиме значително подобрување и тоа е она што успеавме да го направиме. Постигнавме рекорди на сите времиња во промет, оперативна добивка и оперативен готовински тек. Ова совршено ги одразува позитивните ефекти од растот на обемот на марката CUPRA и обновувањето на обемот на марката SEAT, како и важноста на напредокот што го постигнавме со нашата програма за подобрување на перформансите“, рече Дејвид Пауелс, потпретседател за финансии и ИТ во SEAT. С.А.
ИНВЕСТИЦИИ ВО БРЕНДОТ НА SEAT
Гледајќи во иднината, SEAT S.A. ја има поставено вистинската стратегија за да го одржи профитабилниот раст на компанијата. Брендот SEAT ќе игра клучна улога во ова и компанијата ќе лансира подобрени plug-in хибридни и штедливи автомобили на SEAT.
Arona и Ibiza ќе добијат подобрување во 2025 година, а во следните месеци, марката ќе лансира нова и подобрена верзија на SEAT Leon, со технички и технолошки надградби. Понатаму, Ateca ќе биде подобрен и неговиот животен циклус ќе се продолжи.
„Го враќаме брендот SEAT таму каде што припаѓа, продолжувајќи го двоцифрениот раст од минатата година со нови инвестиции во брендот и неговите модели. Исто така, разгледуваме што можеме да испорачаме во електричниот свет под брендот SEAT. Кога станува збор за SEAT, ви ветувам дека најдоброто допрва доаѓа“, додаде Вејн Грифитс.
(ПР)
Економија
„Зегин онлајн“ е најпопуларна е-продавница за здравје, нега и убавина за 2023 година
Во организација на Асоцијацијата за е-трговија на Македонија вчеравечер се одржа Ecommerce Awards, избор на најдобрите во македонската е-трговија.
Компанијата Зегин со е-продавницата www.zegin.com.mk беше номинирана во неколку категории, а го освои првото место во категоријата „Најпопуларна е-продавница за здравје, нега и убавина“, што претставува уште една потврда дека квалитетот, професионалноста, вложениот труд и љубов секогаш резултираат со успех.
Изборот на најдобрите е-трговци има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.
„Оваа награда, трета по ред претстаува уште еден доказ за успешноста на работењето на онлајн продавницата на Зегин- www.zegin.com.mk и е одлична мотивација за уште попосветена работа, поквалитетна понуда, како и позадоволни купувачи во иднина. Ви благодариме за лојалноста и довербата!“, велат од компанијата за наградата.
Манифестација за доделување на македонските Награди за е-трговија за 2023 година – E-commerce Awards, се одржа во присуство на членките на АЕТМ, поддржувачите и партнерите, жири комисијата и наградените е-трговци.
(ПР)
Економија
Тековните предизвици и можности на винските пазари и значењето на географските ознаки за македонското вино – теми во фокусот на регионалната конференција за вино
Како да се искористат актуелните трендови на глобалните вински пазари за подобро позиционирање на македонското вино, како да се зголеми препознатливоста на нашите вина, зошто е исклучително важно воведувањето географски ознаки на виното и какви придобивки ќе донесе овој процес. Ова се само некои од прашањата за кои се имаше дискусија на регионалната конференција за вино, што ја организираа здружението „Вина од Македонија“ и винарската визба „Тиквеш“, во соработка со Германското друштво за меѓународна соработка (GIZ).
„За да се зголемат продуктивноста и додадената вредност на домашната винска индустрија, нејзината конкурентност и вредноста на извозот, како и нејзината отпорност на тековните предизвици, вклучувајќи ги и ризиците од климатските промени, неопходни се големи вложувања во знаење, во нови технологии и дигитализација, во организација, окрупнување на лозјата и создавање ефикасни кооперантски односи, како и во воведување нови правила, стандарди и механизам за државна поддршка и поголема регионална соработка. Сето ова мора да се заснова на научен пристап користејќи ги искуствата на развиените земји, кои поминале низ оваа трансформација и може да ни помогнат да го оствариме она што е нашата главна задача – зголемување на извозот на квалитетно вино, кое ќе биде препознатливо и ценето од потрошувачите во светот“, порача во своето воведно обраќање на конференцијата претседателот на здружението „Вина од Македонија“, Светозар Јаневски.
Во рамките на конференцијата се одржаа три работни сесии на кои реномирани експерти од Универзитетот „Гајзенхајм“ во Германија, професорите Јон Ханф и Силвија Димер говореа за состојбите на глобалниот пазар на вино, за спецификите на посебните пазарни нишки во Европа и за значењето на правните и техничките услови за извоз на вино. Една од поважните пораки што ја потенцираа експертите се однесуваа на важноста на заедничкиот настап на компаниите на пазарот истакнувајќи дека ваквиот пристап може да креира ефективни резултати доколку секоја компанија настапи одговорно и самостојно покрај заедничките активности како кластер.
Поздравувајќи ја организацијата на оваа конференција, регионалниот советник за земјоделство во германската амбасада во Скопје, Франк Мулер, го нагласи значењето на соработката помеѓу здружението „Вина од Македонија“ и ГИЗ акцентирајќи дека за долгорочен одржлив развој на винската индустрија неопходна е соработка и со универзитетите бидејќи научниот пристап во воведувањето и примената на унифицирани стандарди за производство и пласман на висококвалитетно вино од регионот е повеќе од неопходен.
За најновите движења во интрарегионалната трговија со грозје и вино во рамките на Западен Балкан говореше и извршната директорка на здружението „Вина од Македонија“, Елена Младеновска-Јеленковиќ, која ја нагласи неопходноста од воспоставување заеднички вински бренд со загарантирано географски потекло како еден од клучните предуслови за зголемување на препознатливоста на овдешните вина од страна на потрошувачите на пазарите во ЕУ и пошироко.