Министерот за економија, Крешник Бектеши, денеска во Тирана оствари средба со албанскиот министер за енергетика, Дамјан Ѓикнури, со кого заеднички присуствуваа на церемонијата на потпишување на меморандумот за разбирање помеѓу Македонски енергетски ресурси (МЕР) и АЛБГАЗ од Тирана.

Како што наведуваат од министерството за еконимија, овој меморандум има за цел воспоставување и развивање  деловна соработка за развој на преносните мрежи на природен гас во двете земји, преку изградба на интерконективен вод, во насока на ефикасна испорака на овој природен енергенс.

„Како земји соседи, со традиционални пријателски односи и развиена економска соработка, активно работиме на обезбедување поблиска интеграција на енергетските пазари на ЕУ и Енергетската заедница и зајакнување на безбедноста на снабдувањето со енергенси на регионот. Денешниот меморандум е чекор напред за развој на билатерално стратешко партнерство во секторот за природен гас, како продолжение на веќе потпишаниот меморандум за соработка во областа на енергетиката, меѓу Министерството за економија на Република Македонија и Министерството за енергетика на Република Албанија“, истакна Бектеши.

Според министерот за економија, Македонија и Албанија како две соседни земји кои сакаат да се интегрираат во европските структури, се повеќе од заинтересирани во најкус можен рок да се конкретизираат почнатите проекти, што ќе придонесе до уште позајакната енергетска и економска соработка.

„Потпишувањето на овој меморандум за соработка во сферата на гасификацијата, како дел од енергетиката, е добра основа од која ќе имаат корист двете земји. Таквите проекти кои го развиваат енергетскиот пазар треба да се гледаат со голем интерес бидејќи како соседни земји имаме многу обврски кон енергетската заедница“, посочи албанскиот министер за енергетика, Дамјан Ѓикнури.

Министерот Николовски доби плакета за најуспешен министер за земјоделство, шумарство и водостопанство.

Земјоделското здружение „Современо земјоделство“ на министерот Љупчо Николовски му додели плакета за најуспешен министер за земјоделство, шумарство и водостопанство.

Од здружението посочија дека оваа плакета е резултат на мерките кои Николовски и Министерството за земјоделство ги имаат преземано во изминатава година и половина, за развој на земјоделството.

Мистерот Николовски изјави дека плакетата ќе биде поттик и во иднина МЗШВ уште поинтензивно да работи на политики што ќе бидат во корист на земјоделците и ќе го поттинкат развојот на агросекторот.

„Голема чест и задоволство ми беше да ја примам плакетата за најдобар министер за земјоделство, шумарство и водостопанство. Ова е поттик да продолжиме понатаму, да работиме уште поинтензивно, да разговараме со секој земјоделец и да креираме мерки според нивните потреби. Само заедно можеме да постигнеме развој во секторот, повисок стандард и подобар живот за земјоделците во Македонија. Резултатот од нашите мерки, на коишто посветено работиме, е видлив. Во првото полугодие од годинава имаме раст на земјоделството и учеството во БДП од над 3 отсто, пораст на вработеноста во секторот земјоделство, пораст на преработувачката индустрија во земјоделството“, порача Николовски.

Здружението за земјоделци „Современо земјоделство“ организираше манифестација за Избор на најуспешни во областа на земјоделството за 2018 година.

На официалниот дел, освен за министерот Николовски, плакети за успешност добија и директорот на Агенцијата за финансиска поддршка во земјоделството и рурален развој, Николче Бабовски, советничката за земјоделство на претседателот на Владата на РМ, Ленче Николовска, земјоделци и компании од земјоделскиот сектор.

Во рамки на манифестацијата беше организиран и мини саем за земјоделски производи, механизација и трактори, дегустација на традиционална пелагониска храна, вино, пиво, млечни производи, мед и друго.

Денеска Агенцијата за финансиска поддршка во земјоделството и руралниот развој исплати речиси150 милиони денари за субвенции за третата фаза за литар предадено млеко, соопшти министерот за земјоделство, шумарство и водостопанство, Љупчо Николовски, при денешната посета во Битола.

„Оваа сума пари денеска им е исплатена на над 6.700 фармери, а во следните денови комплетно ќе заврши исплатата по овој основ. Со оваа исплата се заокружува исплатата на првата, втората и на третата фаза за субвенциите за предадено млеко. Вкупно досега за сите три фази по Програмата за финансиска поддршка за 2017 година се исплатени речиси 472 милиона денари – за субвенции за кравјо млеко од 3,5 денари за литар и за субвенциите за козјо и овчо млеко до 4 денари за литар“, изјави Николовски.

Тој рече дека првпат е распишан оглас за сточна храна за кој има голема заинтересираност, а со тоа ќе се придонесе сточарите да имаат поевтина добиточна храна.

„Преку Прогрмата за финансиска поддршка во земјоделството за 2018 година посебен акцент ставивме на сточарите со развоен капацитет, односно тие ќе добијат 10 отсто повисоки субвенции за грло. А во следниот период Владата ќе излезе со нови сет мерки за развој на сточарството. Поддршката за развојот на сточарството особено ќе расте со нашата интеграција во НАТО и ЕУ и ќе ни стои на располагање 10 пати поголема сума за финансиска поддршка од европските фондови од онаа што сега ја користиме“, изјави Николовски.