Македонија
Информирање на граѓаните за ризиците од природни катастрофи
Компанијата Европа Ре презентираше CAT monitor (КАТ-монитор) интернет страница преку која сите заинтересирани граѓани и компании ќе можат на едноставен и брз начин, бесплатно да добијат информации за изложеноста на нивната куќа, зграда или деловен објект на ризик од земјотрес и на таков начин лесно и едноставно да ги проценат потребите за осигурување од вакви ризици.
Презентацијата се одржа во петокот во Скопје во предвечерието од годишнината од Скопскиот катастрофален земјотрес, кој с еслучи на 26 јули 1963 година.
„За жал, никој не може да предвиди кога може да се случи земјотрес. Тој може да го погоди секого, да се случат во секоја заедница и во кое било време, без предупредување. Она што сепак можеме е да се информираме за ризикот од него, како и за начинот како да ги намалиме последиците кои можат да бидат огромни. Затоа ги повикувам граѓаните да ја користат оваа бесплатна интернет страница и да ги добијат сите информации околу тоа како да го заштита нивниот имот од ефектите на природните катастрофи“, вели Андреј Ѓокиќ од претставништвото на Европа Ре во Македонија, потенцирајќи дека токму едукација на населението и бизнис секторот за изложеноста на ризиците од природни и временски непогоди е значаен дел од мисијата на Европа Ре.
Конкретно преку CAT Monitor веб – страницата секој граѓанин може да добие извештај за ризикот од земјотреси, како и проценка за потребата од осигурување, базирана на локацијата, староста и видот на имотот од градежен аспект. Дополнително, преку оваа интернет страница, регистрираните корисници можат да бидат известени во случај на природни катастрофи и временски непогоди, како и информации во врска со безбедноста и сеизмичката издржливост на училиштата и болниците во локалната заедница.
Покрај граѓаните и компаниите, како корисници на податоците од CAT monitor страницата можат да бидат и државните институции за урбанистичко планирање, инженерите и архитектите, локалната власт и агенциите вклучени во системите за справување со ризици од природни катастрофи кои со помош на мапите и податоците од CAT Monitor порталот добиваат корисни информации за реагирање во случај на природна катастрофа, подобрување на практиките за управување со ризик, како и при планирањето и изградбата на нови објекти.
Инаку, се проценува дека во случај на голема природна катастрофа, каква што беше земјотресот што го погоди Скопје на 26 јули 1963, економските штети може да достигнат до 40% од БДП. Експертите се согласни дека најефикасен начин за покривање на материјалните штети кои би настанале при земјотрес е осигурувањето. И покрај тоа сега само едно до две од 100 домаќинства во Македонија и регионот поседуваат некакво осигурување од природни катастрофи. Ваквата состојба се должи меѓу другото и на недоволна свесност кај поголемиот дел од населението за ризиците од природни катастрофи која се темели на заблуди од типот дека „природните несреќи се далеку од нас“ односно „тоа нема нас да ни се случи“, но и на недоволно развиената пазарна инфраструктура за осигурување од природни катастрофи во регионот на Ј-И Европа. Заради поттикување на развојот на пазарот на осигурување од природни катастрофи, Владите на Македонија, Србија и Албанија ја формираа реосигурителната компанија Европа Ре, со седиште во Швацарија, која е подржана од поддржана од Светска банка, Европската унија, Обединетите нации и други глобални институции.
Основаната задача на Европа Ре е да развие пристапни полиси за осигурување од природни катастрофи кои понатаму ќе се продаваат преку локални акредитирани осигурителни компании. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Битиќи: Осигурителните компании да го повлечат зголемувањето на цените, а на граѓаните да им се компензираат средствата
Вицепремиерот задолжен за европски прашања, Фатмир Битиќи, на својата официјална Фејсбук страница имаше реакција на едностраната одлука на осигурителните компании за менување на тарифата и зголемувањето на цените на задолжителната осигурителна полиса за регистрација на возила.
„Згрозен сум од зголемувањето на сумата за задолжителна осигурителна полиса од страна на осигурителните компании. Ова може да се толкува и како директен атак, или политичко мешање на компаниите за осигурување, бидејќи тарифникот со тие зголемувања два пати е доставен до Владата и два пати не е одобрен на Владина седница.
Ова е манипулативен начин со кој надвор од предвидената процедура осигурителните компании изнаоѓаат начин да ја зголемат цената на авто осигурувањето на грбот на граѓаните.
Ова е пример за длабоката држава која мора да се искорени.
Го повикувам ресорното министерство за финансии и комисијата за заштита на конкуренција да постапат и да покренат постапка за олигополско здружување и осигурителните компании да го повлечат зголемувањето на цените, а на граѓаните кои веќе платиле повисоки цени очекувам да им се компензираат средствата“, реагира вицепремиерот.
Економија
ЕУ одвои 13,79 милиони евра за прекуграничен одржлив развој во Македонија и Албанија
Македонија и Албанија заедно ја започнаа Програмата за прекугранична соработка ИПА 3 во Корча.
Финансирана од ЕУ со буџет од 13,79 милиони евра, оваа Програма ја потенцира ангажираноста на двете земји да се усогласат со стандардите на ЕУ за одржлив развој и регионална интеграција до 2027 година.
Дополнително на промоцијата, беше најавен и предстојниот повик за предлози во рамките на програмата ИПА 3, поканувајќи заинтересирани страни да учествуваат во оваа Програма.
„Оваа иницијатива не само што се фокусира на клучни области како што се еколошката одржливост и социо-економскиот развој, туку исто така претставува клучен чекор кон нашата конечна цел за интеграција во ЕУ. Токму денеска најавуваме дека новиот повик за предлози ќе биде отворен многу наскоро, обезбедувајќи можности за конкретни и клучни проекти“, изјави Алтин Зечо, директор за конвергенција и кохезија со ЕУ, Државна агенција за стратешко планирање и координација на помош (САСПАК).
Зечо дополнително истакна дека членство во ЕУ бара зголемена соработка помеѓу нашите две земји, каде координирањето на заеднички политики и меѓусебната поддршка за постигнување на нашите цели и приоритети кон интеграција во ЕУ останува важен процес.
Вулнет Арифи, шеф на одделот за ЕУ и координатор за СБС, при Министерство за локална самоуправа на Република Северна Македонија, ја истакна улогата на Програмата во забрзувањето на аспирациите за членство во ЕУ.
„Со изградба на основите поставени од ИПА 2, оваа Програма не само што ја проширува соработката меѓу земјите, туку и повеќе ги усогласува нашите регионални политики со стандардите на ЕУ, отворајќи го патот за нашето очекувано пристапување. Претстојниот повик за предлози дополнително ќе ги активира нашите заедници да се ангажираат длабоко со нашиот процес на интеграција во ЕУ“, изјави Арифи.
Брисеида Ѓоза од Антена канцеларијата Северна Македонија – Албанија го истакна целосниот пристап на програмата: „ИПА 3 е детално креирана за да ги зголеми нашите регионални капацитети за исполнување на критериумите на ЕУ, фокусирајќи се на климатска отпорност, одржлив туризам и зачувување на културното наследство. Ги охрабруваме заинтересираните страни да се подготват за претстојниот повик, кој ветува дека ќе ги зајакне нашите заеднички напори.“
Ова стратешко вложување од ЕУ преку Програмата ИПА 3 е доказ за постојаните напори на Северна Македонија и Албанија за влез во ЕУ, испраќајќи директна порака за нивното патување кон европската интеграција.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.