Македонија
Презентирани можностите за инвестирање во Македонија на бизнис форум во Будимпешта
Македонскиот премиер Никола Груевски, во петокот се обрати на бизнис форум во Будимпешта, каде беа презентирани поволностите и бизнис можностите кои ги нуди Република Македонија.
На бизнис форумот, кој се одржа во соработка со Американската стопанска комора во Унгарија присуствуваа поголем број на глобални компании чии што регионални центри се лоцирани во Будимпешта, како и поголем број на унгарски компании од областа на енергетиката, здравството, инфраструктурата, туризмот и останатите стопански гранки.
Премиерот Груевски информираше за погодностите кои што ги овозможува нашата земја за инвестирање, потенцирајќи дека Македонија е земја која што обезбедува најниски трошоци за водење на бизнис во Европа што е потврдено со поголем број на релевантни извештаи на меѓународни економски финансиски организации.
Груевски ја истакна посветеноста на Владата на континуирано унапредување на бизнис климата во нашата земја кое што се одвива преку постојани реформи и низ дијалог со бизнис заедницата. Тој посебно се осврна на најнискиот даночен пакет кој што го овозможува нашата земја и кој што претставува една од нашите главни позитивни карактеристики која што придонесува за привлекување на странските инвеститори.
Персоналниот данок на доход изнесува 10%, исто како и данокот на добивка, а во случај на реинвестирање на добивката данокот е 0%. Ги намаливме и останатите трошоци вклучително и царинските давачки, данокот на додадена вредност за многу сектори беше намален од 18 на 5%, така што станавме земја со најниски даноци во Европа, изјави Груевски.
Тој се осврна и на погодностите кои што се нудат во технолошко-индустриските развојни зони каде инвеститорите се ослободени во првите 10 години од плаќањето на данокот на добивка и персоналниот данок на доход, а се ослободуваат и увозите на компаниите во зоните од плаќање на царина и на плаќање на ДДВ.
Вицепремиерот задолжен за економски прашања, Владимир Пешевски во своето излагање ги потенцираше макроекономските индикатори кои што се позитивни и кои што гарантираат предвидливо опкружување за водење на бизнис. Тој се осврна за можностите кои ги обезбедува нашата земја од областа на производството и трговијата.
Во соработка со Американската бизнис комора чии што членки се некои од најголемите светски корпорации, а чии седишта се тука во Будимпешта, организиравме презентирање на бизнис можностите кои се нудат во Македонија, а со еден дел од компаниите имавме и директни одвоени средби бидејќи тие се заинтересирани за барање на дополнителни дестинации каде што ќе го стационираат своето производство, некаде се работи и за компании од високата технологија, а исто така, имавме и директни средби со компании кои што се од Унгарија, кои што исто така како овие големи мултинационални компании ја препознаваат Македонија по поволната бизнис клима и бараат место каде што својата нова инвестиција би ја пласирале. Нашата цел е да им ја објасниме нашата економска политика и тие да дојдат во Македонија да ја направат својата инвестиција што за нас пак ќе го зголеми бројот на нови работни места и би значело зголемување на извозот, изјави вицепремиерот Пешевски.
Претставниците на Американската стопанска комора на компаниите кои што беа присутни вклучително и на претставниците на унгарските компании дадоа позитивни оценки за бизнис климата во Македонија и економските политики кои што се спроведуваат. Позитивно беше оценет даночниот пакет, како и квалитетната и едуцирана работна сила која што ја има државата.
Ференц Понграч директор во IBM посочи дека имал можност да слушне многу од настапот на премиерот Груевски и владината делегација.
Многу е корисно да се има вакви презентации бидејќи после тоа се располага со повеќе информации за Македонија. Она што го дознавме се ниските даноци, но освен тоа постојат и други посебни можности за инвеститорите. Беше импресивно да се види како Македонија инвестира во образованието и јас бев лично импресиониран од посветеноста на Владата во развојот на образованието поврзано со информатичките науки, изјави Понграч./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Ковачевски: Поддршката за домашните компании продолжува, СДСМ нема да се откаже од подобра и европска иднина за државата
Претседателот на Социјалдемократскиот сојуз на Македонија, Димитар Ковачевски, денеска оствари средба со претседателот на Стопанската комора на Северозападна Македонија, Менди Ќура, и со членовите на комората, на која што се разговараше за ефектите од досегашните економски мерки, за идните мерки на СДСМ, како и за нивните предлози, за тоа што е потребно да се направи во следниот период за развој на приватниот сектор и економијата.
Ковачевски по средбата, во изјава за медиуми, речедека со сите стопански комори досега имало успешна соработка, потенцирајќи дека и во време на најтешки кризи се Владата предводена од СДСМ, носеше правилни мерки за заштита на економијата, ликвидноста на компаниите и стандардот на граѓаните.
„Во тоа време направивме девет пакети антикризни мерки, во кои што учествуваа секогаш и претставниците на Стопанските комори, вклучително и Стопанската комората на Северозападна Мкаедонија. На тој начин успеавме да спасиме 80.000 работни места во 20.000 компании. Подоцна продолживме со зголемување на минималната плата, за која што секогаш имаше поддршка од оваа комора меѓутоа и од другите, и до зголемување дојде и на просечната плата“, рече Ковачевски.
Во однос на поддршката за домашните компании, Ковачевски посочи дека тоа е еден од приоритети на СДСМ и дека преку Законот за финансиска поддршка на инвестиции, домашните компании за прв пат добија поддршка од држвата, која со новата четиригодишна програма на СДСМ и Коалицијата за европска иднина, ќе се зголеми.
„Во текот на изминатите години, како Влада имаме обезбедено 100 милиони евра финансиска поддршка за домашните компании. За наредниот четиригодишен мандат, планираме над 180 милиони евра, што ќе отвори нов циклус на инвестиции кај домашните компании“, рече Ковачевски.
На средбата, како што кажа Ковачевски, се разговарало и за клучните реформи во државата кои што се поврзани со евроатлантските интеграции на Северна Македонија, при што Ковачевски потенцираше дека СДСМ како партија не се откажува од интегрирањето на државата во ЕУ, согласно со преговарачката рамка која што е усвоена.
„Веќе оваа недела ќе биде усвоена реформската агенда која што е дел од Планот за раст на Западен Балкан, во кој што точно ќе бидат наведени реформите кои што ќе треба да се прават со цел да се повлекуваат траншите за Македонија. Тоа ќе бидат реформи во сите области од економијата, јавната администрација до правосудството и добрососедските односи“, истакна Ковачевски.
При тоа, Ковачевски потенцираше дека најголем дел од предлозите на Стопанската комора на Северо-западна Македонија, кои што беа дадени уште пред изборите, се веќе имплементирани во четиригодишната програма на СДСМ и Коалицијата за европска иднина.
„Значи тоа зголемување понатамошно на минималната плата, зголемување на просечната плата и секако поддршка нова на индустријата, особено на компании кои што се извозно ориентирани и определување на доволна сума на финансиски средства за капитални инвестиции во државата. Ние имаме предвидено 3,5 милијарди од кои што 2,7 милијарди се за инфраструктурни проекти во државата во наредниот четиригодишен период.Тука би го додал и земјоделството, предвидуваме поддршка во земјоделството во четиригодишниот период од 1,3 милијарди евра, што секако ќе значи зголемено производство на храна, зголемен извоз на храна и зголемен извоз на земјоделски производи“, исткана претседателот на СДСМ, Димитар Ковачевски.
Економија
АСО: Владата преку измени на тарифникот да ги намали цените на полисите за задолжително осигурување од автомобилска одговорност
Агенцијата за супервизија на осигурување (АСО) ја охрабрува Владата, согласно своите законски надлежности, да ги заштити правата на осигурениците и преку измени во Тарифникот да ги намали цените на полисите за задолжително осигурување од автомобилска одговорност.
АСО како регулатор на пазарот на осигурување уште еднаш јавно информира дека е целосно неоправдан и без основа потегот со кој осигурителните компании ги зголемија цените на осигурувањето од задолжителна автомобилска одговорност.
Клучните аргументи против зголемување на цената се наведени во анализата што е доставена до надлежната комисија при Министерството за финансии.
Зголемувањето на цената на осигурувањето не е во функција на јакнење на заштитата на осигурениците. Напротив, како што се додава, ова зголемување на цените е само и исклучиво во функција на покривање на трошоците за оперативно работење на компаниите за осигурување.
Економија
Финансии побара до крајот на денов да се стави во мирување поскапувањето на осигурувањето на автомобилите при регистрација
Комисијата за осигурување од автомобилска одговорност на денешната седница го разгледа доставениот извештај од Националното биро за осигурување поврзано со зголемените цени по основ на премија за вршење на дејноста на осигурување.
На состанокот Комисијата му укажа на Националното биро за осигурување и на регулаторот Агенцијата за супервизија на осигурувањето во текот на денешниот ден да им предложи на друштвата за осигурување до крајот на денешниот ден да ги стават во мирување одлуките за зголемување на трошоците и да ги вратат на ниво од пред 25 април 2024 година и да ја известат Комисијата во текот на денешниот ден. Ваквото укажување е со цел обезбедување транспарентност и предвидливост на процесите, имајќи предвид дека компаниите ниту поединечно, ниту преку Националното биро за осигурување го немаат известено регулаторот, односно Агенцијата за супервизија на осигурувањето ниту Комисијата дека планираат да ги зголемат трошоците по основ на премијата за вршење на дејноста на осигурување, и на тој начин не е обезбеден инклузивен пристап и кооперативност со сите засегнатите страни при донесување на одлуките.
Комисијата за осигурување од автомобилска одговорност на денешната седница побара од регулаторот, односно Агенцијата за супервизија на осигурувањето, да изготви анализа за оправданоста и исправноста на донесените одлуки од страна на друштвата за осигурување, во насока на заштита на крајните корисници, а со цел обезбедување сеопфатна информација за донесување објективна и транспарентна одлука. Во правец на ова е укажувањето кон регулаторот за ставање во мирување на одлуката за зголемување на цената на трошоците од страна на друштвата за осигурување. Истовремено, побара од друштвата за осигурување преку Националното биро да дадат свој придонес во изготвување на анализата и предлог-заклучоци за промена на Тарифата на премии за осигурување на сопствениците на моторни возила од одговорност за штети предизвикани на трети лица.
На состанокот, Комисијата одлучи во најскоро време по доставување на анализата од регулаторот, односно Агенцијата за супервизија на осигурувањето, да свика седница и да ја разгледа доставената Информација и да донесе соодветни заклучоци.