Премиерот Зоран Заев прими делегација на Синдикатот на работниците од управата, правосудните органи и здруженијата на граѓани (Синдикат на УПОЗ) предводена од претседателот Пецо Грујовски и генералниот секретар Трпе Деановски.

Од Владата соопштија дека е договорено во буџетот за 2021 година за првпат да се предвиди и исплата на регрес за годишен одмор согласно потпишаниот Грански колективен договор, односно за органите на државната управа, стручните служби на Владата на Република Северна Македонија, судовите, јавните обвинителства, казнено-поправните и воспитно-поправните установи, државното правобранителство, општините, Град Скопје, општините во Град Скопје, агенциите, фондовите и другите органи основани од Собранието на Република Северна Македонија.

„На средбата со претставниците на Синдикатот на УПОЗ е разговарано дека Владата на Република Северна Македонија ќе даде насока исплатата на регресот за годишен одмор да се одвива во месеците јули, август и септември 2021 година, односно веднаш по исполнувањето на условот вработениот да работел најмалку шест месеци во календарската година кај работодавачот“, соопштија од Владата.

„Амазон“ денеска објави дека ангажирал 100.000 луѓе во пресрет на празниците, што го потврди добриот бизнис на овој гигант за електронска трговија.

Овие нови привремени работни места се додадени на големите кампањи за вработување на компанијата во последните месеци организирани како одговор на порастот на нарачките преку интернет од почетокот на пандемијата.

„Амазон“ имаше повеќе од 875.000 вработени ширум светот на крајот на јуни 2020 година.

Кон крајот на јули компанијата со седиште во Сиетл соопшти дека има вработено повеќе од 175.000 луѓе од март, од кои 125.000 ќе станат постојани работни места.

Во средината на септември компанијата отвори уште 100.000 работни места во САД и Канада.

Никола Мицевски, координатор на пратеничката група на ВМРО-ДПМНЕ и коалицијата „За обнова на Македонија“, на собраниската седница обвини дека Владата не работи ефикасно и дека поради нејзиното несериозно работење се доцни со ребалансот на буџетот.

„Владата  бараше брзо донесување на ребаланс на буџетот за изгласување на четвртиот пакет  мерки,  процедурата за тоа заврши во Собранието во четвртокот, на 22… денеска сме 27, а во текот на вчерашниот ден, во 20:50 часот, добивме информација дека ребалансот на буџетот е вратен од Влада во Собрание. Значи пет работни дена за пет или осум амандмани за нешто за што ја убедуваат македонската јавност дека се брза, дека Собранието и опозицијата се кочничари“, нагласи Мицевски.

Тој додаде дека сите пратеници се сведоци, дури и тој самиот е сведок на десет буџети, најмалку десет ребаланси  кои се имаат донесено во ва Собрание. Тој кажа дека Владата работела дур и во текот на викендите и веднаш ги враќала во Собрание за да има три дена за да ги разгледаат пратениците.

„Јас повеќе реагирам на работата на Владата, којашто доцни со донесување на ребалансот, а од друга страна на јавноста ѝ укажува дека брзаме да ги фатиме последните денови од октомври за да можат мерките од четвртиот сет да важат“, истакна Мицевски.