Свет
Путин го ратификуваше договорот со Турција за гасоводот Турски тек
Рускиот претседател Владимир Путин го потпиша во понеделникот законот за ратификација на договорот за изградба на гасоводот Турски тек, објави интернет страницата на руската влада.
Договорот за проектот за овој гасовод беше потпишан во Истанбул на 10-ти октомври 2016 година. Руската државна Дума го ратификуваше договорот на 20-ти јануари, а горниот дом, Советот на Федерацијата на 1-ви февруари.
Како што претходно истакна портпаролот на рускиот кабинет на министри за ова прашање, државниот секретар и заменик министер за енергетика Јуриј Сентјурин, договорот „предвидува создавање поволна нормативно-правна рамка, вклучително и даночните и царинските односи, проектирање, градење и последователната експлоатација на гасоводот“.
Сентјурин истакна дека гасоводот Турски тек е наменет за испорака на руски природен гас за Турција, како и „за осигурување на исполнувањето на руските обврски за испорака на гас во земјите членки на Европската унија“ по 2019 година“. Притоа, Сентјурин истакна дека новиот гасовод нема да овозможи откажување од транзитот на енергенсот преку Украина, на што изразува загриженост Брисел, туку „ќе овозможи да се намалат значително ризиците поврзани со тоа“.
Договорот предвидува изградба на две линии од магистралниот гасовод по дното на Црното Море со капацитет од над 15 милијарди кубни метри гас секоја, кои би требало да бидат завршени во декември 2019 година. Инаку „Газпром“ претходно во септември лани објави дека веќе ги добил потребните дозволи од Турција за изведување на проектот.
Се претпоставува дека испораките на природен гас преку првиот цевковод ќе бидат наменети за потребите на турските потрошувачи, додека вториот е наменет за европскиот пазар, а неговото градење ќе биде овозможено откако ќе се добијат сите соодветни гаранции од Европската унија, за што неколкупати досега истакнаа од Москва.
Турскиот претседател Реџеп Тајип Ердоган Ердоган на почетокот од август 2016-та по вторпат за неполн месец се сретна со рускиот колега Владимир Путин во Санкт Петербург, три седмици по неуспешниот обид за воен преврат во Турција од 15-ти јули, со што дефинитивно беше надмината длабоката дипломатска криза меѓу двете земји предизвикана од турското уривање на рускиот бомбардер и на тој економски форум, Ердоган тогаш вети дека проектот Турски тек ќе биде реализиран „што е поскоро можно“.
Москва на крајот од 2014 година го стави настрана и проектот Јужен тек, кој исто така требаше да ја снабдува јужна Европа со руски гас заобиколувајќи ја Украина, како резултат на трите ткн „гасни“ војни последната деценија со Киев, поради постојаните забелешки на Европската комисија дека со него се кршеле правилата за конкурентноста и со Анкара го договори проектот Турски тек.
Проектот предвидува изградба на гасовод преку Црното Море до европскиот дел на Турција и натаму кон границата со Грција. Должината на поморскиот дел од проектот е околу 910 километри, а копнениот по турската територија изнесува 180 километри. Капацитетот на секој од четирите цевководи е планирано да биде 15,75 милијарди кубни метри гас, а вкупната вредност се проценува на 11,4 милијарди евра./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Цените на нафтата паѓаат, берзите растат по отворањето на Ормускиот теснец
Цените на нафтата паднаа, а берзите забележаа раст откако иранскиот министер за надворешни работи соопшти дека Ормускиот теснец ќе остане целосно отворен за комерцијален сообраќај во преостанатиот период од примирјето.
Цената на нафтата Брент, глобален репер, падна за 9 отсто на 90 долари за барел. Американската WTI нафта, која служи како репер за САД, се намали за 9,5 отсто на 82,60 долари за барел.
Истовремено, на американските берзи пораснаа терминските договори. Dow Jones фјучерсите скокнаа за 560 поени, односно за 1,16 отсто. Терминските договори на индексот S&P 500 зајакнаа за 0,8 отсто, додека оние поврзани со Nasdaq 100 пораснаа за 0,9 отсто.
Директорот на Меѓународна агенција за енергија, Фатих Бирол, предупреди дека светот треба да се подготви за „значително повисоки“ цени на енергијата доколку Ормускиот теснец не се отвори.
Тој додаде дека дури и со неговото повторно отворање, цените на енергијата нема веднаш да се „вратат во нормала“.
„Треба да се подготвиме на нестабилни пазари во подолг период“, изјави Бирол за швајцарскиот весник Neue Zürcher Zeitung.
Според него, растот на цените ќе се почувствува на глобално ниво, а досегашното влијание на војната било делумно ублажено бидејќи танкерите со нафта и гас што веќе биле на пат пристигнале на своите дестинации. Сепак, во март не биле натоварени нови танкери.
Бирол посочи дека ќе бидат потребни околу две години за да се обнови производството на енергија изгубено на Блискиот Исток по конфликтот со Иран, при што темпото на опоравување ќе варира од земја до земја.
Економија
САД повторно ги одложиja санкциите кон „Лукоил“
Американското Министерство за финансии повторно го продолжи рокот за завршување на трансакциите со меѓународната мрежа на бензински пумпи на ЛУКОИЛ, овој пат до крајот на октомври.
Општата дозвола беше објавена вчера на страницата на OFAC (Канцеларија за контрола на странски средства) при Министерството за финансии на САД и важи до 29 октомври оваа година.
Во декември, OFAC издаде дозвола според која трансакциите со мрежата на бензински пумпи на ЛУКОИЛ во странство требаше да бидат завршени до 29 април. Вашингтон воведе санкции кон ЛУКОИЛ и Роснефт кон крајот на октомври, со образложение дека сака да ги ограничи буџетските капацитети на Русија за финансирање на војната во Украина.
Меѓународната подружница на ЛУКОИЛ со седиште во Виена поседува мрежа од околу две илјади бензински пумпи во 20 земји, вклучувајќи ги и САД. Американската мрежа опфаќа 200 пумпи во Њу Џерси, Пенсилванија и Њујорк.
Роковите за овие трансакции постојано се поместуваат. Кон крајот на март, OFAC повторно го продолжи рокот за завршување на преговорите за купување на странската подружница на ЛУКОИЛ до 1 мај. Претходно, американската влада го продолжи рокот до 17 јануари, потоа до 28 февруари и до 1 април.
Со посебна дозвола, OFAC вчера го продолжи и рокот за завршување на трансакциите со бугарските подружници на ЛУКОИЛ, вклучувајќи ја рафинеријата Нефтохим Бургас, исто така до 29 октомври 2026 година.
Економија
Биткоинот скокна по примирјето меѓу САД и Иран
Биткоинот нагло порасна над 72.700 долари откако Доналд Трамп потврди двонеделен прекин на огнот со Иран, објави „Си-Ен-Би-Си“.
Овој потег предизвика ликвидации од околу 595 милиони долари кај крипто-трговците, при што најголемиот дел беа кратки позиции – над 427 милиони долари, што покажува дека пазарот очекувал пад.
Само во 12 часа биле ликвидирани над 500 милиони долари, што го прави ова еден од најсилните „short squeeze“ моменти во периодот на конфликтот.
Најголеми ликвидации имало кај биткоин и етер, а падот на цената на нафтата дополнително влијаел врз пазарите.
Примирјето е условно, со ограничено отворање на Ормускиот теснец, што остава неизвесност за понатамошниот развој.
Биткоинот сега се движи на горната граница од својот опсег, а идното движење ќе зависи од тоа дали примирјето ќе се одржи или ќе се покаже како краткотрајно.
Фото: Depositphotos
СДСМ: Мицкоски намерно не праќа барање за екстрадиција на Груевски
Владата на Христијан Мицкоски намерно го одолговлекува процесот и се уште нема пратено барање за екстрадиција на избеганиот осуденик и...
Спасен живот на пациент со трансплантација на црн дроб
Во најтешкиот момент, едно семејство донесе одлука што значи живот. Со нивната хуманост и несебичност, спасен е човечки живот преку...
СДСМ: Бараме локален референдум за рудникот со антимон и исполнување на клучни услови
СДСМ бара за најавата за отворање рудник со антимон во кривопаланечко Луке да има поширока јавна дебата и директно изјаснување...
„Го вовлече Трамп во конфликт со Иран“: Харис со остра критика до Нетанјаху
Во говор на настан во Детроит, во американската сојузна држава Мичиген, поранешната кандидатка за претседателка на САД, Камала Харис изјави...
Русија подготвена да го отстрани збогатениот ураниум од Иран
Една од клучните точки на несогласување меѓу САД и Иран се однесува на ураниумот. Американскиот претседател Доналд Трамп изјави дека...
Бугарија во нов изборен круг: Осми избори за пет години, Радев се смета за фаворит
Бугарите денес излегуваат на осми парламентарни избори во последните пет години, а се очекува коалицијата на поранешниот претседател Румен Радев...
„Храбар и лојален сојузник“: Трамп го фали Израел, а индиректно ги напаѓа другите партнери
Претседателот на САД, Доналд Трамп, го пофали Израел како голем сојузник, истовремено критикувајќи други, неименувани земји. Во објава на „Трут...
Иран: Сè уште сме далеку од конечен договор со САД
Главниот ирански преговарач и претседател на парламентот, Мохамад Багер Галбаф, изјави дека во преговорите со САД, кои се водат преку...
И денес сончево време, од утре дожд и пад на температурите
Времето денес сончево и релативно топло со мала до умерена локална облачност. Ќе дува слаб до умерен ветер од северен...