Свет
Организираниот криминал генерира 85 милијарди евра годишно
Организираниот криминал генерира околу 85 милијарди евра годишно во светот, како најпрофитабилен се смета бизнисот со производство и продажба на дрога, соопшти Канцеларијата на ОН за борба против дрога и организираниот криминал (ONUDC)
„Организираниот криминал се зголеми до тој степен што е раширан насекаде во светот “, рече директорот на службата Јуриј Федотов по повод отворањето на состанокот за билансот од спроведувањето на Конвенцијата од Палермо против организираниот криминал. Поконкретно, кокаинот и хероинот носат 105 милијарди долари годишно или над 75 милијарди евра, покажува годишниот извештај на ONUDC, чие седиште се наоѓа во Виена. Трговијата со луѓе, илегалната имиграција и проституцијата им носат на криминалните организации околу 10 милијарди долари (7 милијарди евра) годишно. Многу пари носат и новите видови трговија, како нелегалната трговија со природни ресурси (3,5 милијарди долари), трговија со фалсификувани лекови (1,6 милијарди долари) и сајбер криминалот (една милијарда долари). Според Федотов, Конвенцијата од Палермо кој има за цел олеснување на соработката помеѓу земјите на ниво на полиција и правда за борба против организираниот криминал, е моќна алатка, но не се користи доволно. „„Потребно ни е да го засилиме отпорот против организираниот криминал во местата, од кои тој потекнува, на патиштата за трговија и крајните дестинации на нелегалните стоки”, рече уште тој. 1 Конвенцијата од Палермо од 2000 година за борба против организираниот криминал ја потпишаа 157 земји од светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.