Свет
Bank of England ги намали каматните стапки првпат од 2009 година
Британската централна банка Bank of England (BoE) ги намали каматните стапки првпат од 2009 година и најави дека ќе купува државни обврзници во износ од 60 милијарди фунти, за да се ублажат последиците од Brexit.
BoE ја намали клучната каматна стапка за 0,5 отсто, на рекордно ниските 0,25 отсто, во согласност со очекувањата на пазарите.„Банката ќе преземе сѐ што е потребно за да постигне монетарна и финансиска стабилност“, рече британскиот гувернер Марк Карни по заседанието на BoE и додаде дека намалувањето на каматните стапки веднаш ќе се почувствува во економијата.Покрај тоа, BoE покрена и два нови програма, едниот вреден 10 милијарди британски фунти со кој се предвидува купување на висококвалитетни корпоративни обврзници, а другиот потенцијално вреден и до 100 милијарди фунти, со кој би се гарантирало дека банките ќе продолжат да даваат кредити и по намалувањето на каматните стапки.Во централната банка очекуваат дека британската економија ќе стагнира во преостанатиот дел од оваа година, а за следната се прогнозира слаб раст. /крај/он/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.