Свет
ЕК предлага краткорочното финансирање на Грција од EFSM
Европската комисија предложи во средата краткорочното финансирање на Грција во висина од 7 милијарди евра да се обезбеди од Европскиот механизам за финансиска стабилност (EFSM), за кој инаку гарант е европскиот буџет, и покрај спротиставувањето на некои земји кои не се членки на еврозоната.
Заемот од седум милијарди евра би бил даден на рок од три месеца и Грција би требало да го врати кога ќе го договори пакетот за третата програма за финансиската меѓународната финансиска помош од Европскиот механизам за стабилизација (ESM).
Според агенцијата Reuters, којашто имала увид во документот, Европската комисија го предлага привремениот кредит од 7 милијарди евра, доколку грчкиот парламент го прифати договорот со доверителите.
Грчкиот парламент во средата ќе го разгледува предлог-законот „Итни мерки за спроведување на преговорите и склучување договор со Европскиот механизам за поддршка (ESM)“. Неговото усвојување е услов за продолжување на осигурувањето на ликвидноста на грчките банки и почетокот на новата трета програма за спас на грчката економија. Предлог-законот беше поднесен пред пратениците во согласност со одлуките на самитот на еврозоната од 12-ти јули. Потпретседателот на Европската комисија за евро и социјален дијалог на Валдис Домбровскис изјави во средата на прес-конференција дека нема многу опции на располагање за да се обезбедат итните финансиски потреби на Грција додека не биде договорена третата програма од финансиска помош од ESM фондот кој е воспоставен со помош на земјите од еврозоната кои се наоѓаат во финансиски тешкотии. „Преостанаа само две опции, билатерални заеми или EFSM. Кога станува збор за заемите, тоа нема многу големи шанси да успее и затоа всушност остана само едена опција – EFSM“, рече Домбровски.
Механизмот EFSM е воспоставен 2010 година за финансиска поддршка на земјите членки Европска унија. Овој механизам предвидува дека Европската комисија може на финансиските пазари да може да позајми до 60 милијарди евра во име Европската унија, со имплицитно гарантирање од европскиот буџет, Имајќи предвид дека ЕУ има највисок кредитен рејтинг ААА, ЕК може поевтино да се задолжи од некои земји кои имаат финансиски тешкотии. Комисијата во тој случај зајмените пари ги проследува до земјата членка која барала помош. Трошоците за сервисира на долгот паѓаат на земјата корисничка, додека за буџетот на ЕУ нема трошоци.
Овој механизам беше користен за поддршка на Ирска и на Португалија, но е договорено дека повеќе нема да се употребува откако е воспоставен прво привремениот фонд за еврозоната EFSM, а потоа и постојаниот ESM.
Велика Британија, Хрватска и Чешка во вторникот на министрите финансии јасно го изразија ставот дека не ја поддржуваат идејата фондот EFSM да се користи за привремено финансирање на Грција, а резерви изразија Шведска и Данска.
„Постои загриженост кај некои земји нечленки на еврозоната. Оттаму, работиме за да пронајдеме начин да ги заштитиме тие земји од негативните финансиски последици, доколку долгот не би бил враќан“, рече Димбовскис.
За носење на одлуката за користење на EFSM не е потребен консензус, туку се одлучува со квалификувано мнозинство.
Челниците на еврозоната по маратонските 17 часови преговори во понеделникот утрото го донесоа договорот за условите за почетокот на преговорите за новата помош на Грција во следните три години во текот на кои Атина би добила меѓу 82 и 86 милијарди евра. Меѓутоа, тоа не ги решава итните проблеми на Грција, коа веќе следните неколку дена треба да обезбеди 7 милијарди евра.
На 20-ти јули треба на Европската централна банка (ЕЦБ) треба да и ја исплати ратата од претходната програма за помош од 3,6 милијарди евра. До 5-ти август на Грција ќе ѝ бидат неопходни дополнителни 5 милијарди евра, што во сегашниот предлог на ЕК не е земено предвид, очигледно очекувајќи дека релативно брзо може да биде договорена програмата во рамките на ЕSM. Предлогот на ЕК е упатен до Советот на Европската унија, којашто во писмена процедура треба да донесе одлука во следните два три дена./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.