Свет
Грција го одби продолжувањето на пакетот помош
Средбата на Советот на министрите за финансии на 19 земји членки на европската монетарна унија посветен на спасувањето на Грција и нејзината идна позиција во заедницата на земјите со единствената валута е завршен во понеделникот навечер без резултатот, откако Атина го одби продолжувањето на програмата за меѓународната финансиска помош за кој доби рок до крајот на седмицава да го прифати.
Веста за неуспехот на преговорите во Брисел, прва го објави грчката државна телевизија во Атина во време додека се’ уште се водеа преговори и можно е дури и токму поради тоа е прекинат и состанокот, наведува извор од Советот на ЕУ за AFP.
Грчкиот министер за финансии на состанокот Јанис Варуфакис одржал получасовен говор, меѓутоа без да презентира ниедна конкретна бројка, како што велат европски дипломатски извори за агенциите, и ги одбил сите компромисни предлози од партнерите од еврозоната за шестмесечно продолжување на меѓународниот пакет финансиска помош со почитување на сите одредби од договорот со „тројката“ доверители, Европската комисија, Европската централна банка и Меѓународниот монетарен фонд, предизвикувајќи целосен хаос во преговорите.
„Следниот чекор мора да го преземе Грција, а што се однесува на календарот останува само уште оваа седмица“, изјави на прес-конференцијата по состанокот зад затворени врати претседателот на Еврогрупата, Јероен Дијселболм, откако дефинитивно беше соопштено дека е прекинат состанокот, имајќи предвид дека Грција одби да бара продолжување на сегашната програма за помош, која истекнува на 28-ми февруари.
Министерот Варуфакис, според грчки државни извори за Reuters, го отфрлил предлогот од заедничката изјава за меѓународна помош за Атина, кој на срдбата во Брисел го претставиле министрите за финансии од еврозоната.
„Истрајноста на некои дека грчката влада треба да продолжи со спроведување на актуелната програма за помош за излегување од кризата е неразумна и не може да биде прифатена. Тие кои постојани се враќаат на тоа прашање само го губат времето. Под тие услови денеска нема да дојдеме до договор“, изјавил за агенцијата неименуван грчки функционер.
Претседателот на Еврогрупата, Јероен Дијселблом, изјави дека Грција може да бара продолжување на актуелната програма за помош до крајот на оваа седмица, како и дека следниот состанок на министерот за финанси на еврозоната ќе се одржи само доколку таа тоа го стори.
„Општото расположение во еврогрупата се’ уште најдобар пат за напредување за грчките власти би било барање за продолжување на програмата. Едноставно повеќе немаме време. Доколку барањето за продолжување дојде, би можеле да имаме, доколку и можело да се предвиди позитивен исход, специјален состанок во петок“, рече Дијлселблом.
Потпретседателот на Европската комисија, Валдис Домбровски по речиси четиричасовните преговори изјави дека партнерите од еврозоната се расположени да ги продолжат преговорите, доколку и кога Грција ќе го измени својот став. Пред преговорите, малтешкиот министер за финансии, Едвард Скиклуна, оцени дека одбивањето на грчката влада би претставувало „вистинска катастрофа“ и порача дека „Грција мора да се прилагоди и да ја сфати сериозноста на ситуацијата, бидејќи времето истекува“.
Од сегашната програма Грција би требала да ја добие последната транша од 7,2 милијарди евра, но со услов за нови буџетски кастрења, што е неприфатливо за владата во Атина предводена од коалицијата на радикалната левица Сириза, која дојде на власт благодарејќи токму на ветувањата ред предвремените парламентарни избори од 25-ти јануари дека ќе ги укине непопуларните мерки за штедење, и ќе издејствува нов договор за програмата за помош.
Без споменатите средства Грција наскоро може да остане без пари да ги сервисира своите долгови, што може да резултира и со нејзино излегување од еврозоната.
„Излегувањето на Грција од еврозоната ќе биде најскапото од сите можни сценарија“, го цитираше минатиот петок германскиот весник Der Spiegel челникот на фондот Европски механизам за стабилност (ESM), Клаус Реглинк во контекстот дека грчкото излегување од еврозоната може да го иницира и излегувањето на Кипар од зоната на употреба на единствената европска валута.Европски извори за весникот посочиле дека економиите на Грција и Кипар се толку тесно испреплетени, што доколку Атина излезе од еврозоната, Никозија ќе биде принудена да го следи нејзиниот пример. Финансиските експерти на еврогрупата и на Европската централна банка (ECB)симулирајќи ги можните сценарија во врска со можното одбивање на Грција да го користи повеќе еврото, одлучиле оти во таков евентуален случај дека Кипар би добил дополнителен мотив да ја врати националната валута.
„Продолжувањето на програмата за помош во Грција нема алтернатива. Ќе го продолжиме дијалогот оваа седмица“, изјави еврокомесарот за економски и финансиски работи Пјер Московиси.
Функционери од Европската унија за Reuters изјавиле дека разговорите се завршени доколку Атина не ги промени својот став и биде истрајна во предизборното ветување за отфрлање на пакетот во износ од 240 милијарди евра, соработката со инспекторите од ЕК, ЕСВ и ММФ, прекинување на политиката на штедење и барање отпис на дел од долго и покрај тоа што веќе ѝ беа отпишани околу 100 милијарди евра долг кон приватните доверители, доколку не ѝ биде дозволено редефинирањето на враќањето на долгот кој во моментов изнесува 320 милијарди.
Поради стравувањата дека преговорите пропаднат, зголемени се стравувањата за излегувањето од еврозоната што лошо се одразува врз грчките банки и пазарите.
„Ова е многу негативен развој на настаните за банките и економијата. Одливот на парите ќе продолжи. Дневно губиме 400 до 500 милиони евра, околу две милијарди евра седмично. Ќе имаме голем притисок врз приносите од акциите и обврзниците“, изјави во анкетата на Reuters неименуван грчки банкарски експерт./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Светските берзи паднаа поради заканата на Трамп за ЕУ
На светските берзи цените на акциите паднаа минатата недела бидејќи инвеститорите беа загрижени за намалувањето на кредитниот рејтинг на САД, а на пазарите негативно влијаеа и новите закани на Вашингтон за зголемување на царините за увозот од Европската унија.
На Волстрит минатата недела, Dow Jones се лизна за 2,5 отсто, на 41.603 поени, додека S&P 500 падна за 2,6 отсто, на 5.802 поени, а индексот Nasdaq 2,5 отсто, на 18.737 поени.
Од самиот почеток на неделата индексите беа во минус бидејќи агенцијата Мудис го намали кредитниот рејтинг на САД од Ааа на Аа1 поради големиот дефицит на федералниот буџет, високите финансиски трошоци и планираните даночни намалувања.
Јавниот долг на САД е околу 36.200 милијарди долари, а може да се зголеми за уште 3.800 милијарди во следните десет години бидејќи претседателот на САД Доналд Трамп има намера да ги намали даноците. Поради ова, приносите на државните обврзници значително се зголемија, што значи дека владата мора да се задолжува по повисока цена.
Намалувањето на даноците веројатно би ја стимулирало потрошувачката и би го поддржало економскиот раст, но од друга страна, јавниот долг би се зголемил доколку не се намалат државните трошоци. И намалувањето на федералните трошоци, што е еден од приоритетите на Трамп, не оди толку глатко како што најави претседателот. Освен тоа, се чини дека проектот не е доволно добро подготвен.
Сепак, на крајот на неделата, приносите на обврзниците донекаде се стабилизираа, откако Претставничкиот дом на Конгресот тесно го поддржа предлог-законот на Трамп за даночни намалувања, па се уште се чека поддршката од Сенатот.
Но, во петокот, Трамп повторно ги потресе пазарите заканувајќи ѝ се на Европската унија со царини од 50 отсто од 1 јуни, бидејќи не е задоволен од тоа како напредуваат трговските разговори меѓу САД и ЕУ.
И на повеќето европски берзи цените на акциите паднаа минатата недела. Додуша, лондонскиот FTSE индекс зајакна за 0,4 отсто, на 8.717 поени, но франкфуртски DAX се лизна за 0,6 отсто, на 23.629 поени, а париски CAC 1,9 отсто, на 7.734 поени.
Економија
Макрон: Албанија за 2 години ќе биде во ЕУ, дојдете и инвестирајте
Францускиот претседател Емануел Макрон од Тирана упати силна порака до странските инвеститори, повикувајќи ги да дојдат и да вложуваат во Албанија, за која изрази убеденост дека „за две години ќе биде дел од Европската унија“.
Изјавата беше дадена на економскиот форум „Приоритет Европа“, организиран од Институтот „Иницијатива за идни инвестиции“ на Ричард Атијас, кој има за цел да ги поврзе европските лидери и иноватори со големи инвестициски фондови од Блискиот Исток, Азија и САД.
„Албанија е влезна точка за регионот на Балканот и медитеранскиот басен. Европа е стабилно и доверливо место. Во овој луд свет, да не ја потценуваме силата на таквите квалитети“, порача Макрон.
Тој додаде дека премиерот Еди Рама има јасен мандат и посветеност Албанија да ја внесе во ЕУ до 2027 година, а според Макрон, тоа би можело да се случи дури и порано – за две години.
Премиерот Рама, пак, изјави дека неговата земја ги започна преговорите со Европската Унија во 2022 година и дека ако ги завршат сите задачи добро, ќе може да ги затворат преговорите до 2027 година. Ова според Рама би било навистина неверојатно.
Свет
Пресврт во трговската војна – САД побараа разговори со Кина
Соединетите Американски Држави се обратија до Кина за да побараат разговори за царините од 145 проценти што ги воведе претседателот Доналд Трамп, а вратата на Пекинг е отворена за разговори, соопшти утрово кинеското Министерство за трговија сигнализирајќи потенцијално ублажување на трговската војна.
„САД треба да бидат подготвени да преземат мерки за да ги исправат погрешните практики и да ги откажат едностраните царини“, соопшти Министерството за трговија додавајќи дека Вашингтон мора да покаже искреност во преговорите.
„Обидот да се искористи разговорот како изговор за принуда и изнуда нема да функционира“, соопшти Министерството за трговија.
Пекинг отворено го изрази својот гнев поради царините за кои вели дека не може да го запрат подемот на втората по големина економија во светот. Тој го фокусира својот гнев на поттикнување на јавната и глобалната осуда на американските ограничувања за увоз.
„Кина сака да се сретне и да разговара за трговија, а разговорите ќе следуваат набргу“, изјави синоќа американскиот државен секретар Марко Рубио за „Фокс њуз“.
„Нашиот министер за финансии Скот Бесент е вклучен во овие напори и нивните дискусии ќе следуваат набргу“, рече тој додавајќи дека прашањето е колку САД треба да купуваат од Кина во иднина.
Трамп завчера изјави дека верува оти постои многу голема шанса неговата администрација да постигне договор со Кина.
Тој го изјави ова неколку часа откога кинескиот претседател Шји Џјинпинг ги повика официјалните лица да преземат мерки за приспособување кон промените во меѓународната средина, без конкретно да ги спомене САД.
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
(Видео) Ангелов: Пожарот во Трубарево е целосно изгаснат, состојбата во „Дрисла“ е драстично подобрена
Пожарот во Трубарево е целосно изгаснат, целата опожарена површина е затрупана со песок и земја. Утрово покажуваше на неколку места...
(Видео) Хибридниот напад од странски центри е смешно алиби за неспособност на Мицкоски, вели Филипче
Претседателот на СДСМ, д-р Венко Филипче, денеска силно ги нападна изјавите на премиерот Мицкоски дека државата била цел на хибриден...
За да нема чадење од „Вардариште“, треба да се најде пристоен дом за над 200 луѓе што живеат среде депонијата, а некои од нив потпалуваат, вели Тошковски
Во решавање на проблемот со депонијата „Вардариште“ треба да се вклучат сите институции, да им се најде соодветен дом на...
(Видео) „Дуото Апасиев – Мециновиќ си пикнало во џебот милиони од партијата Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
(Видео) Граѓаните го блокираа мостот „Близнаци“: секој ден без акција значи уште еден ден вдишување отрови
Граѓаните, утрово, од 7.30 часот, еден час ја блокираа крстосницата кај мостот „Близнаци“ помеѓу општините Аеродром и Гази Баба. „Овој...
(Видео) Запленети 204 банкноти и монети за колекционерски цели
Запленети се 204 банкноти и монети за колекционерски цели, чија вредност е проценета на 700 илјади денари. Случајот е откриен...
„Скопје се труе, Изет се крие: од потпретседател на Али Ахмети, заврши како портпарол на Мицкоски“, велат од ДУИ
„Демократската унија за интеграција изразува длабока загриженост за еколошката катастрофа што го погоди главниот град по избувнувањето на пожарот во...
„Доста беа приказни, за еколошката катастрофа во Скопје мора да има политичка и кривична одговорност“, велат од СДСМ
„Македонија има неспособна власт која раскажува приказни додека горат депонии и фабрики, а граѓаните ја плаќаат цената со сопственото здравје....
Двајца претепале човек во Паркот на жената борец: починал во болница, Обвинителството бара притвор
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
