Свет
Грција не сака да попушти за штедењето, ЕУ размислува за кризен план
Атина нема да им попушти на барањата на доверителите да ги намали пензиите или да го зголеми даноците, изјави во понеделникот портпаролот на грчката влада, откако во текот на викендот пропаднаа преговорите и Грција опасно се приближува до банкрот и излегување од еврозоната, на што се надоврза премиерот Алексис Ципрас барајќи до доверителите да бидат реалистични, додека европскиот комесар од Германија, Гинтер Итингер предупреди во Берлин дека е време ЕУ да подготвува планови за „вонредна состојба“.
Грчкиот премиер Алексис Ципрас изјави во понеделникот дека Грција ќе почека нејзините доверители да станат пореалистични и ги обвини дека даваат неразумни барања во политички цели.
„Во инсистирањето на новите кастрења на пензиите, се гледа само политичка цел по пет години грабеж во согласност со програмата за спасување. Стрпливо ќе чекаме додека до институциите не допре стварноста“, рече Ципрас за грчкиот весник Ton Syntakton во првата реакција по прекинот на преговорите за грчката должничка криза во неделата навечер.
„Нема да усвоиме мерки коишто ќе ги намалат пензиите, ќе го зголемат данокот на додадена вредност (ДДВ) или мерки коишто ќе го влошат маѓепсаниот круг на штедењето“, изјави портпаролот Габреиле Сакеларидис на прес-конференцијата во Атина.
Истакна дека сепак Грција сака да постигне договор со доверителите, како и дека не размислува за алтернативните сценарија, како што се предвремените парламентарни избори или референдум. „Грчката влада има само еден план, а тоа е да биде постигнат договор“, порача владиниот портпарол.
Наспроти тоа, европскиот еврокомесар од Германија, Гинтер Итингер, предупреди во понеделникот во Берлин дека е време Европската унија да подготвува планови за, како што рече, вонредна состојба во Грција, доколку до 1-ви јули не биде постигнат договорот.
„Би требало да подготвиме криен план, бидејќи Грција ќе се најде во вонредна состојба. Треба да бидат обезбедени резерви од енергија, плати за полицијата, медицинска опрема и фармацевтски производи и многу други работи. Сметам дека Европската комисија би требала да подготви план кон би можел да спречи влошување на ситуацијата доколку Грција ја напушти еврозоната, ако банкротира“, рече Итингер пред почетокот на седницата на Демохристијанската унија (CDU), на канцеларката Ангела Меркел./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.