Свет
Јапонија планира да инвестира 100 млрд. долари во азиската инфраструктура
Јапонија наскоро ќе објави план за инвестирање во патишта, мостови, железници и други градежни проекти во Азија во вредност од 100 милијарди долари, се наведува во извештајот објавен во вторник, откако претходно Кина најави основање на Азиска инфраструктурна инвестициска банка (AIIB).
Во најновиот пресврт во борбата за влијание на овој брзорастечки регион, премиерот Шинзо Абе оваа недела ќе претстави план за петгодишно јавно-приватно партнерство, објави јапонскиот весник JiJi Press. Износот од 100 милијади долари еднаков на очекуваниот капитал на AIIB, кој е втемелен од Кина и од други 50 држави членки.
Претходно јапонскиот министер за финансии, а време на конференција организирана од Азиската развојна банка (ADB), рече дека Јапонија изработува план за поттикнување на инвестициите во азиската инфраструктура.
Јапонија и САД се најголеми критичари на AIIB. Вашингтон се обиде да ги одврати сојузници од учество во AIIB, тврдејќи дека оваа банка нема да ги задоволува нормите поврзани со управување и заштита на околината кои ги применуваат други меѓунаордни тела, како на пример ADB.
Сепак, одредени аналитичари сметаат дека стравувањата од кинеското влијание е пренапумпано со оглед дека учеството од над 50 држави во членството на AIIB ќе ја разводни моќта на Пекинг. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.