Свет
Кинези купуваат аеродром во Шпанија за 10.000 евра
Кинеската групација „Tzaneen International“ наскоро може за 10.000 евра да го преземе банкротираниот аеродром во градот Сиудад Реал, оддалечен 200 километри од шпанската престолнина Мадрид, бидејќи единствената се пријавила на лицитирањето.
На надавањето не била одредена почетна цена, па Кинезите кои таму сакаат да градат логистички центар за кинеските стоки, понудиле 10.000 евра.
Аеродромот, кој се наоѓа во централна Шпанија и од кој летаа нискотарифните компании „Ryanair“, „Vueling“, „Air Berlin“ и „Air Nostrum“, беше затворен пред три години. Станува збор за првиот приватен аеродром во Шпанија, кој беше отворен кон крајот на 2008 година, но веќе по една година прогласи стечај и беше затворен пролетта 2012 година. Има капацитет од пет милиони патници годишно, и писта долга четири километри.
Вредноста на тамошната инфраструктура е проценета на 40 милиони евра, па доколку до средината на септември никој не ја понуди сумата од минимални 28 милиони евра, аеродромот ќе стане сопственост на кинеската групација за само 10.000 евра.
Минатата година за аеродромот беше истакната цената од 100 милиони евра, а откако никој не се јави на понудата беше спуштена на 80 милиони. Повторно никој не понуди, па сега е преполовена на 40 милиони евра.
Од „Tzaneen International“ истакнаа дека Сиудад Реал сакаат да го направат европската порта за кинеските компании, како и дека во повторното ставање во функција на инфраструктурата ќе бидат вложени меѓу 60 и 100 милиони евра.
Претходно меѓу заинтересираните се споменуваат познатиот мадридски претприемач Франциско Хозе Ортиз и кинеската компанија „HNA Group“ која управува со четвртата по големина воздухопловна компанија во Кина./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.