Активностите во приватниот сектор на еврозоната пораснале во септември со најслабо темпо во оваа година, покажа заклучниот извештај на компанијата Markit објавен во септември.

Индексот на менаџери на набавка (PMI) за приватниот сектор на еврозоната се спушти во септември на 52 поени, од 52,5 поени, колку што изнесува во август. Тоа е негово најниско темпо за 10 месеци и е пониско за 0,3 индексни поени во однос на почетно проценетата вредност.

Новите индустриски нарачки во септември паднале прв пат за 15 месеци, па производството се задржа на ниското ниво од претходните месеци, покажуваат податоците на лондонската компанија.

„Истражувањето покажа дека растот на новите нарачки во регионот во целина е намалено на најниско ниво за речиси една година, сигнализирајќи дека побарувачката за стоки и услуги едвај расте“, заклучи главниот економист на Markit, Крис Вилијамсон.

Во услужниот сектор новите нарачки и активности се задржале на најниско ниво за шест месеци.

Индексот PMI наведува на заклучок дека економијата на еврозоната тапкала во место во третито квартал, заклучува Вилијамсон и додава дека по стагнацијата во вториот квартал може да се очекува само скромен раст од 0,2 до 0,3 отсто.

Економијта на еврозоната е соочена со повеќе негативно фактори, како што се изостанувањето на домашната побарувачка во многу држави, пригушеното банкарско кредитирање, санкциите во однос со Русија и несклоност на компаниите кон ширење со оглед на неизвесните економски изгледи, наведува Вилијамсон.

Меѓу водечките економии само Германија забележала нешто побрза раст на активностите благодарение на силниот услужен сектор кој го неутрализираше забавувањето на индустријата

Во Франција и Италија падот забрза, при што Франција пад забележале и индустријата и услужнито сектор, додека во Италија падот е фокусиран на услугите, додека индустриското произвдотсво пораснало. /крај/