Свет
ММФ ѝ порача на Грција дека не може да ѝ даде пари
Меѓународниот монетарен фонд ѝ порача на Грција дека не може да им даде пари на земјите коишто не ги исплатиле долговите на меѓународните доверители, изјави во понеделникот претставник на ММФ.
Извршната директорка на Меѓународниот монетарен фонд (ММФ), Кристин Лагард, разговараше со грчкиот премиер Алесксис Ципрас за резултатите од референдумот на кој Грците во неделата ги отфрли предлозите на меѓународните доверители за продолжување на финансирањето на земјата која на 30-ти јуни технички влезе во банкрот.
„Директорката објасни дека Фондот во согласност со својата политика кон неплатените долгови на може да исплатува пари“, рекол соговорникот на Reuters,
На 30-ти јуни истече програмата на меѓународната финансиска помош, а Грција технички банкротираше, бидејќи не можеше да ги исплати ратите во вредност од 1,6 милијарди евра од долгот кон ММФ.
Со тоа Грција стана првата развиена земја кој не ја плати доспеаната рата кон ММФ, наредувајќи се покрај земјите како Зимбабве и Куба.
Претходно во понеделникот Лагард не ја отфрли можноста за натамошна помош за Грција.
„;ММФ ги прими на знаење резултатите од вчерашниот референдум во Грција. Внимателно ја следиме ситуацијата и подготвени сме да ѝ помогнеме на Грција, доколку тоа се бара од нас“, беше наведено во писмената изјава на Лагард./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.