Свет
Moody's: Излегувањето на Грција од еврозоната не би значело нова должничка криза, но има ризици
Излегувањето на Грција од еврозоната не би значело враќање во должничка криза од 2012 година, но би создало ризици да бидат зафатени и други држави и би се променила природата на монетарната политика која би требало да биде трајна, сметаат аналитиарите на Moody’s.
„Не сметаме дека излегувањето на Грција би било без последици“, рече Катрин Милбронер, потпретседателка на оделот за оценка на државни ризици во кредитната агенција Moody’s.
„Излегувањето на Грција би го изменило изгледот и природата на монетарната унија, која требаше да биде трајна“, рече Милбронер, додавајќи дека Португалија би била изложена на ризици во случај на излегување на Грција од еврозоната.
Голем број аналитичари се загрижени дека Грција ќе биде приморана да ја напушти еврозоната, доколку не постигне договор со кредиторите и не добие нова меѓунаордна помош, потсетува Reuters.
Последиците на излегувањето на Грција, според аналитичарката на Moody’s, би биле ограничени благодарение на програмата на квантитативно ублажување, односно откупот на државни обврзници, што ја спроведува Европската централна банка, но би можело да биде погодено работењето на компаниите. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.